അഷ്ടദിക്കുകൾ

പ്രധാനപ്പെട്ട നാല് ദിക്കുകളെയും അവയ്ക്കിടയിലുള്ള നാല് ദിക്കുകളെയും ചേർത്ത് അഷ്ടദിക്കുകൾ എന്ന് വിളിക്കുന്നു. അവ താഴെപറയുന്നു. വാസ്തുവിദ്യയിലും പഞ്ചാംഗഗണിതത്തിലും സ്ഥാനനിർണ്ണയത്തിൽ ഈ ദിശകൾ സുപ്രധാനമായ പങ്കു വഹിക്കുന്നു.

1. കിഴക്ക്
2. തെക്ക്
3. പടിഞ്ഞാറ്
4. വടക്ക്
5. വടക്കുകിഴക്ക്‌ (ഈശ്വാനകോൺ)
6. തെക്കുകിഴക്ക്‌ (അഗ്നികോൺ)
7. തെക്കുപടിഞ്ഞാറ്‌ (നിരൃതികോൺ)
8. വടക്കുപടിഞ്ഞാറ്‌ (വായുകോൺ)

എട്ട് ദിക്കുകളെ കാണിക്കുന്ന ഒരു ചിത്രം. ഇതിൽ N എന്നത് വടക്ക് ദിക്കിനെ സൂചിപ്പിക്കുന്നു

അഷ്ടദിൿപാലകർ

ഭാരതീയസങ്കല്പത്തിൽ ഏട്ടു ദിക്കുകൾക്കും ഓരോ പാലകർ ഉണ്ട്. അവയുടെ വിവരം ഇങ്ങനെയാണ്:

ദിക്ക്	ദിക്പാലകൻ	ദിഗ്ഗജം	കരിണി	ഗ്രഹം
കിഴക്ക്	ഇന്ദ്രൻ	ഐരാവതം	അഭ്രമു	സൂര്യൻ
തെക്കുകിഴക്ക്	വഹ്നി	പുണ്ഡരീക:	കപില	ശുക്രൻ
തെക്ക്	യമൻ	വാമന:	പിംഗളാ	കുജൻ (ചൊവ്വ)
തെക്കുപടിഞ്ഞാറ്	നിരൃതി	കുമുദ:	അനുപമാ	രാഹു (സ്വർഭാനു)
പടിഞ്ഞാറ്	വരുണൻ	അഞ്ജന:	താമ്രകർണീ	ശനി
വടക്കുപടിഞ്ഞാറ്	വായു	പുഷ്പദന്ത:	ശുഭ്രദന്തീ	ചന്ദ്രൻ
(വടക്ക്	കുബേരൻ	സാർവ്വഭൗമ:	അംഗനാ	ബുധൻ
വടക്കുകിഴക്ക്	ഈശൻ(ശിവൻ)	സുപ്രതീക:	അഞ്ജനാവതീ	ബൃഹസ്പതി (വ്യാഴം)

അവലംബം

• അമരകോശം ദിഗ്വർഗ്ഗം 1-3-178 മുതൽ 185വരെ വരികൾ.