അലംബുസൻ

ഇതിഹാസ കാവ്യമായ മഹാഭാരതത്തിൽ വിവരിച്ചിരിക്കുന്ന ജടാസുരന്റെ പുത്രനായ ഒരു രാക്ഷസനാണ് അലംബുഷൻ.

അലംബുഷന്റെ പിതാവായ ജടാസുരനെ വനവാസക്കാലത്ത് ഭീമൻ വധിച്ചിരുന്നു . അന്ന് മുതൽ അവൻ പാണ്ഡവരോട് പകതീർക്കുവാനായി തക്കംനോക്കി നടന്നു . അങ്ങനെയാണ് ഭാരതയുദ്ധത്തിൽ അവൻ എത്തിച്ചേർന്നത്. ഒടുവിൽ ദുര്യോധനന്റെ അനുമതിയും വാങ്ങി , അയാള് പാണ്ഡവസൈന്യത്തെ നശിപ്പിക്കാൻ തുടങ്ങി . ഒടുവിൽ ഭീമപുത്രനായ ഘടോല്ക്കചൻ അലംബുഷനുമായി യുദ്ധത്തിലേർപ്പെടുകയും, ഒരു ഘോരയുദ്ധത്തിലൂടെ അലംബുഷനെ വധിക്കുകയും ചെയ്തു .