അജോയ് കുമാർ എം.എസ്.

മലയാള സാഹിത്യത്തിലെ ഒരു എഴുത്തുകാരനാണ്‌ അജോയ് കുമാർ എം.എസ്.. അദ്ദേഹത്തിന്റെ "അങ്ങനെ ഒരു മാമ്പഴക്കാലം" എന്ന ഓർമ്മക്കുറിപ്പിനു 2011-ലെ സംസ്ഥാന ബാലസാഹിത്യ പുരസ്‌കാരം ലഭിച്ചിട്ടുണ്ട്.

അജോയ് കുമാർ എം എസ്
ജനനം	ചെട്ടിക്കുളങ്ങര, തിരുവനന്തപുരം
ദേശീയത	ഇന്ത്യൻ
മറ്റ് പേരുകൾ	അജോയ്, രവിക്കുട്ടൻ
തൊഴിൽ	ഇന്ത്യൻ റയിൽവെ ഉദ്യോഗസ്ഥ്ൻ നോവലിസ്റ്റ്, കാർട്ടൂണിസ്റ്റ്, അനിമേറ്റർ
ജീവിതപങ്കാളി(കൾ)	ശ്യാമ
കുട്ടികൾ	അച്യുത് ശങ്കർ നന്ദകിഷോർ
മാതാപിതാക്ക(ൾ)	സുകുമാരൻ നായർ മാധവിക്കുട്ടി

ജീവിതരേഖ

അജോയ് കുമാർ തിരുവനന്തപുരത്ത് ചെട്ടിക്കുളങ്ങരയിൽ ജനിച്ചു. കൊമേഴ്സിൽ ബിരുദം നേടിയിട്ടുണ്ട്. പേഴ്സണൽ മാനേജ്മെൻറ്, ഇൻഡസ്ട്രിയൽ ലോ, 3D അനിമേഷനിൽ എന്നിവയിൽ ബിരുദാനന്തര ഡിപ്ലോമയും നേടിയിട്ടുണ്ട്. അദ്ദേഹം ഒരു കാർട്ടൂണിസ്റ്റും കൂടിയാണ്‌. അജോയുടെ ബ്ലോഗിൽ അദ്ദേഹം തൻറെ ഓർമ്മക്കുറിപ്പുകൾ എഴുതിയിരുന്നു, ഈ കുറിപ്പുകളുടെ പ്രശസ്തിയാണ്‌ അദ്ദേഹത്തെ ഇതൊരു പുസ്തകമാക്കുവാൻ പ്രോത്സാഹിപ്പിച്ചത്‌. അദ്ദേഹത്തിന്റെ ബാല്യകാല കുറിപ്പുകളിലുള്ള രണ്ടു വികൃതിക്കുട്ടികളായ കവിത മനോരഞ്ജിനിയും, കൽപന പ്രിയരാഗിണിയും മലയാളനടിമാരായ ഉർവ്വശിയും കൽപ്പനയുമാണ്‌.

അദ്ദേഹത്തിൻറെ ആനിമേഷൻ കമ്പനിയാണ്‌ MTV ക്കു വേണ്ടി മലയാളത്തിലെ ആദ്യ 3 ഡി ആനിമേഷൻ വീഡിയോ ‘My love for you’ നിർമ്മിച്ചത്. ഏഷ്യാനെറ്റ് സംപ്രേഷണം ചെയ്ത 3D ആനിമേഷൻ ടെലിഫിലിമിലും ജീവൻ ടിവിയിൽ സംപ്രേഷണം ചെയ്ത ആദ്യത്തെ 3 ഡി ആനിമേഷൻ ക്വിസ് പരിപാടിയിലും ഇദ്ദേഹം ശ്രദ്ധേയമായ പങ്കു വഹിച്ചിട്ടുണ്ട്‌. സതേൺ റയിൽവേക്കു വേണ്ടിയും അദ്ദേഹം നിരവധി 3 ഡി ആനിമേഷൻ ജാഗ്രതാ വീഡിയോകൾ സംവിധാനം ചെയ്തിട്ടുണ്ട്

പുസ്തകങ്ങൾ

• "അങ്ങനെ ഒരു മാമ്പഴക്കാലം"
• "കൽക്കണ്ടക്കനവുകൾ"
• നാരങ്ങാമുട്ടായി
• ഗുരുശിഷ്യ കഥകൾ
• എന്റെ ഫെയിസ് ബുക്കന്വേഷണ പരീക്ഷണങ്ങൾ
• ജന്തുപുരാണം

പുരസ്കാരങ്ങൾ

• "ബാലസാഹിത്യ ഇൻസ്റ്റിറ്റ്യൂട്ടിൻറെബാലസാഹിത്യ പുരസ്‌കാരം‍"
• ഇന്ത്യൻ റുമിനേഷൻസ് പുരസ്കാരം (2011) - അങ്ങനെ ഒരു മാമ്പഴക്കാലം .