കുത്ബ്ബുദ്ദിൻ മുബാറക് ഷാ

(Qutb ud din Mubarak Shah എന്ന താളിൽ നിന്നും തിരിച്ചുവിട്ടതു പ്രകാരം)

ഖിൽജി രാജവംശംത്തിലെ ഭരണാധികാരിയും അലാവുദ്ദീൻ ഖിൽജിജിയുടെ പുത്രനുമായിരുന്നു കുത്ബ്ബുദ്ദിൻ മുബാറക് ഷാ (ഉർദു: قطب الدین مبارک شاہ, ഹിന്ദി: क़ुतब उद्दीन मुबारक शाह) (മരണം: 1320).[1]

മുബാറക് ഷാ
Sultan of Delhi
ഭരണകാലം 14 April 1316 – 1 May 1320
കിരീടധാരണം 14 April 1316
മുൻഗാമി Shihabuddin Omar
പിൻഗാമി Khusrau Khan
പിതാവ് Alauddin khalji
മതം Sunni Islam

ഭരണംതിരുത്തുക

ഏ.ഡി 1316 ഏപ്രിൽ ഒന്നാം തീയതി ഇളയ സഹോദരന്റെ റീജന്റായി ഭരണം നടത്തിയിരുന്ന മുബാറക് ഷാ സഹോദരനെ സ്ഥാനഭ്രഷ്ടനാക്കിഅധികാരമേറ്റെടുത്തു. തുടർന്ന് മുബാറക് തന്റെ പാർശ്വവർത്തികളെയും സിൽബന്ധികളെയും കൊട്ടാരത്തിലെ പ്രധാന തസ്തികകളിൽ നിയമിച്ചു. സഫർഖാനായി മാലിക് ദിനാറിനെയും പുതിയ ഖാസിയായി മൗലാനാ സിയാവിദ്ദീനെയും മുബാറക്ക് അവരോധിച്ചു. അലാവുദ്ദീന്റെ പല ഉത്തരവുകളും മുബാറക്ക് റദ്ദ് ചെയ്തു. കമ്പോള നിയന്ത്രണങ്ങളും,മദ്യനിരോധനവും എടുത്തുകളഞ്ഞു. തടവുകാരെ ഒന്നടങ്കം മോചിപ്പിയ്ക്കുകയും ചെയ്തു.അലാവുദ്ദീൻ ജനമനസ്സുകളിൽ സൃഷ്ടിച്ചിരുന്ന് ഭീതി ഏറെക്കുറെ ഒഴിവായെങ്കിലും രാജ്യത്ത് അസ്ഥിരതയും കലാപങ്ങളും നാൾക്കുനാൾ വർദ്ധിച്ചുവന്നു.

അന്ത്യംതിരുത്തുക

ഏറെക്കാലം നീണ്ട കൊട്ടാരവിപ്ലവങ്ങൾക്കും,കലഹങ്ങൾക്കുമൊടുവിൽ 1320 ൽ മുബാറക്ക് ഷായെ കൊട്ടാരത്തിൽ വച്ചു ഖുസ്രോഖാൻ വധിക്കുകയാണുണ്ടായത്.[2]

കുറിപ്പുകൾതിരുത്തുക

  1. Sultan Qutb ud din Mubarak Shah Archived 2015-04-19 at the Wayback Machine. The Muntakhabu-’rūkh by Al-Badāoni (16th century historian), Packard Humanities Institute.
  2. ഖിൽജി വംശം-കേരള ഭാഷാ ഇൻസ്റ്റിറ്റ്യൂട്ട് 1999-പേജ് 115,116.118
മുൻഗാമി
അലാവുദ്ദീൻ ഖിൽജി
ഡെൽഹി സുൽത്താൻ
1316–1320
പിൻഗാമി
ഘിയാത്ത് അൽ-ദിൻ തുഗ്‌ളക്ക്
ഖിൽജി രാജവംശം
1316–1320
രാജവംശം അവസാനിച്ചു