പാരി ആർക്ക്

(Parry arc എന്ന താളിൽ നിന്നും തിരിച്ചുവിട്ടതു പ്രകാരം)

പാരി ആർക്ക് അപൂർവമായ ഒരു ഹാലോ ആണ്. ഇത് ഇടയ്ക്കിടെ 22° ഹാലോയ്ക്കും, അപ്പർ ടാൻജെന്റ് ആർക്കിനും ഒപ്പം പ്രത്യക്ഷപ്പെടുന്നു.

1980 ഡിസംബർ മാസത്തിൽ ദക്ഷിണധ്രുവ സ്റ്റേഷനിൽ സിൻ‌ഡി മൿഫീ, എൻ‌ഒ‌എ‌എ രേഖപ്പെടുത്തിയ ഒരു ഹാലോ ഡിസ്പ്ലേ ഫോട്ടോ. നിരവധി വ്യത്യസ്ത ഹാലോ പ്രതിഭാസങ്ങൾ ഫോട്ടോയിൽ കാണാം. രണ്ട് സൺ ഡോഗ്സ് (ശോഭയുള്ള പുള്ളികൾ), ഒരു പാർഹെലിക് സർക്കിൾ (തിരശ്ചീന രേഖ), 22° ഹാലോ (വൃത്താകൃതിയിൽ ഉള്ളത്), ഒരു അപ്പർ ടാൻജെന്റ് ആർക്ക്, ഒരു പാരി ആർക്ക് (മുകളിൽ).
കോംപ്ലക്സ് മൂൺ ഹാലോ. ദൃശ്യമാകുന്നത്: ഹാലോ, പാരി ആർക്ക്, അപ്പർ ടാൻജെന്റ് ആർക്ക്, മൂൺ ഡോഗ്സ്.
2015 നവംബർ 24 ന് ഫ്ലോറിഡയിലെ സാന്ത റോസ ബീച്ചിൽ കണ്ട അപ്പർ ടാൻജെന്റ് ആർക്ക്, സൺവെക്സ് പാരി ആർക്ക്.

കണ്ടെത്തൽ തിരുത്തുക

1820-ൽ സർ വില്യം എഡ്വേർഡ് പാരി (1790–1855) ആണ് വടക്കുപടിഞ്ഞാറൻ പാസേജിനായുള്ള ആർട്ടിക് പര്യവേഷണത്തിനിടെ ഈ ഹാലോ ആദ്യമായി വിവരിച്ചത്. വടക്കൻ കനേഡിയൻ ആർട്ടിക് ദ്വീപസമൂഹത്തിലെ മെൽ‌വില്ലെ ദ്വീപിൽ ഏപ്രിൽ 8 ന് കഠിനമായ സാഹചര്യത്തിൽ അദ്ദേഹത്തിന്റെ രണ്ട് കപ്പലുകളും മഞ്ഞുമലയിൽ കുടുങ്ങിക്കിടക്കുകയായിരുന്നു. അപ്പോൾ ആകാശത്ത് കണ്ട ഈ പ്രതിഭാസത്തിന്റെ ഒരു ചിത്രം അദ്ദേഹം വരച്ചു. ചിത്രത്തിൽ കൃത്യമായി പാർഹെലിക് സർക്കിൾ, 22° ഹാലോ, ഒരു ജോടി സൺ ഡോഗ്സ്, ലോവർ ടാൻജെന്റ് ആർക്ക്, 46° ഹാലോ, സർക്കംസെനിത്തൽ ആർക്ക് എന്നിവ ഉണ്ടായിരുന്നു. എന്നിരുന്നാലും, അപ്പർ ടാൻജെന്റ് ആർക്ക് അല്പം തെറ്റായി ആയിരുന്നു അദ്ദേഹം മനസ്സിലാക്കിയത്. മറുവശത്ത്, 46° ഹാലോയുടെ അടിത്തറകളിൽ നിന്ന് പാർശ്വസ്ഥമായി നീളുന്ന രണ്ട് ആർക്കുകൾ അദ്ദേഹം വരച്ച് ചേർത്തിരുന്നു.പക്ഷെ, തെറ്റായി വരച്ച ഇൻഫ്രാലാറ്ററൽ ആർക്ക് ആണ് അതെന്ന് ദീർഘകാലം വ്യാഖ്യാനിക്കപ്പെട്ടിരുന്നു. അവ യഥാർഥത്തിൽ ശരിയായി വരച്ച സബ്ഹെലിക് ആർക്കുകൾ (രണ്ടും ഒരേ ക്രിസ്റ്റൽ ഓറിയന്റേഷൻ ആണെങ്കിലും ക്രിസ്റ്റലിൻ്റെ വ്യത്യസ്ത മുഖങ്ങളിലൂടെ പ്രകാശം കടന്നുപോകുന്നു) ആയിരുന്നു.[1]

രൂപീകരണം തിരുത്തുക

പാരി-ആർക്കുകൾ ജനറേറ്റ് ചെയ്യുന്നത് ഡബിൾ-ഓറിയന്റഡ് ഹെക്സഗണൽ കോളം ക്രിസ്റ്റലുകളാണ്. പാരി ഓറിയന്റേഷൻ എന്ന് വിളിക്കപ്പെടുന്ന, ഓറിയന്റേഷനിൽ പ്രിസത്തിന്റെ പ്രധാന കേന്ദ്ര അക്ഷവും മുകളിലും താഴെയുമുള്ള പ്രിസം സൈഡ് മുഖങ്ങളും തിരശ്ചീനമായി ഓറിയന്റുചെയ്യുന്നു. ഈ ഓറിയന്റേഷൻ നിരവധി അപൂർവ ഹാലോകൾക്ക് കാരണമാകുന്നു. രണ്ട് വശങ്ങളിലൂടെ, പ്രകാശം 60° കോണിൽ കടന്ന് പോകുന്നതിൻ്റെ ഫലമായി ഉണ്ടാകുന്നതാണ് പാരി ആർക്കുകൾ. പാരി ആർക്കുകളുടെ ആകൃതി സൂര്യന്റെ ഉയരത്തിനനുസരിച്ച് മാറുന്നു, തുടർന്ന് അവയെ സൂര്യന് മുകളിലോ താഴെയോ കാണപ്പെടുന്നുവെന്ന് സൂചിപ്പിക്കുന്നതിന് അപ്പർ ആർക്ക് ലോവർ ആർക്ക് എന്നിങ്ങനെ വിളിക്കുന്നു, കൂടാതെ അവയുടെ ഓറിയന്റേഷൻ അനുസരിച്ച് സൺ‌വെക്സ് അല്ലെങ്കിൽ സൺ‌കേവ് എന്നും വിശേഷിപ്പിക്കുന്നു.[2][3]

കോളം ക്രിസ്റ്റലുകൾ ഈ പ്രത്യേക പാരി ഓറിയന്റേഷൻ സ്വീകരിക്കുന്ന സംവിധാനം വളരെയധികം ഊഹാപോഹങ്ങൾക്ക് വിധേയമായിട്ടുണ്ട്- സമീപകാല ലബോറട്ടറി പരീക്ഷണങ്ങൾ ഇത് ഒരു സ്കെലീൻ ഹെക്സഗണൽ ക്രോസ്- സെക്ഷനോടുകൂടിയ ക്രിസ്റ്റലുകൾ കാരണമാണെന്ന് തെളിയിച്ചിട്ടുണ്ട്.[4]

അപ്പർ ടാൻജെന്റ് ആർക്ക്, ലോവിറ്റ്സ് ആർക്ക്, പിരമിഡൽ ക്രിസ്റ്റലുകൾ നിർമ്മിക്കുന്ന അസാധാരണമായ റേഡിയസ് ഹാലോസ് എന്നിവയുമായി പാരി ആർക്കുകൾ ആശയക്കുഴപ്പമുണ്ടാക്കാം.

ഇതും കാണുക തിരുത്തുക

കുറിപ്പുകൾ തിരുത്തുക

  1. Cowley, Parry 1820
  2. Cowley, Parry Arcs
  3. Arbeitskreis Meteore, Parry Arc
  4. Westbrook, C. D. (2011). "Origin of the Parry arc" (PDF). Quarterly Journal of the Royal Meteorological Society. 137 (656): 538–543. Bibcode:2011QJRMS.137..538W. doi:10.1002/qj.761.

പരാമർശങ്ങൾ തിരുത്തുക

പുറം കണ്ണികൾ തിരുത്തുക

"https://ml.wikipedia.org/w/index.php?title=പാരി_ആർക്ക്&oldid=3453336" എന്ന താളിൽനിന്ന് ശേഖരിച്ചത്