കാശാവ്
സമുദ്രനിരപ്പിൽ നിന്നും 1200 മീറ്റർ വരെ ഉയരമുള്ള പ്രദേശങ്ങളിലെ നിത്യഹരിത - അർദ്ധ നിത്യഹരിത വനങ്ങളിൽ കാണപ്പെടുന്ന ഒരു ഔഷധ സസ്യമാണ് കാശാവ് (ശാ.നാ:Memecylon umbellatum).[1] കായാമ്പൂ കായാവ്, അഞ്നമരം, കനലി, ആനക്കൊമ്പി എന്നീ പേരുകളിലും അറിയപ്പെടുന്നു.[2]
| കാശാവ് | |
|---|---|
| |
| കായാമ്പൂ | |
| ശാസ്ത്രീയ വർഗ്ഗീകരണം | |
| കിങ്ഡം: | |
| Division: | |
| Class: | |
| Order: | |
| Family: | |
| Genus: | |
| Species: | M. umbellatum
|
| Binomial name | |
| Memecylon umbellatum | |
വിതരണം
തിരുത്തുകഇന്ത്യയിൽ ദക്ഷിണേന്ത്യയിൽ ഏകദേശം എല്ലായിടത്തും കാണപ്പെടുന്ന ഈ സസ്യം; കേരളത്തിലെ പശ്ചിമഘട്ടത്തിലും കർണ്ണാടകയിലും ശ്രീലങ്കയിലും കാണപ്പെടുന്നു[3]. വർഷത്തിൽ ഒരിക്കൽ പൂക്കുന്ന ഇതിന്റെ പൂവിനെ കായാമ്പൂ എന്നും അറിയപ്പെടുന്നു.
പേരുകൾ
തിരുത്തുകസവിശേഷതകൾ
തിരുത്തുകപത്ത് മുതൽ പതിനഞ്ച് അടിവരെ ഉയരം വക്കുന്ന ഈ ചെടി ഒരു ഔഷധവുമാണ്. വളരെ സാവധാനം വളരുന്ന ഒരു ചെടിയായ ഇതിന്റെ ശിഖരങ്ങൾക്ക് നല്ല കട്ടിയുള്ളതാകയാൽ വിവിധങ്ങളായ ആവശ്യങ്ങൾക്ക് ഉപയോഗിക്കുന്നു.
കാശാവിന്റെ വേര്, ഇല, കായ്കൾ എന്നിവയാണ് ഔഷധങ്ങളിൽ ഉപയോഗിക്കുന്നത്.
ഇതിന്റെ ഇലയ്ക്ക് മധുര രസം ആണ്. ഈ രസം ആഴ്ച്ചകൾ വരെ വിശപ്പ്‌ അറിയാതെ ഇരിക്കാൻ ഉപയോഗിച്ചിരുന്നു.[അവലംബം ആവശ്യമാണ്] യഥാർത്ഥ കാശാവ് വേറെയും പല വിധത്തിൽ കാണപെടുന്നു മരമായി വളരുന്നതും കുറ്റിചെടിയായും ഉണ്ട്.[അവലംബം ആവശ്യമാണ്]
ഉപയോഗങ്ങൾ
തിരുത്തുകകാശാവിൻ കമ്പുകൾ കത്തികളുടെ പിടിയുണ്ടാക്കുന്നതിന് ഉത്തമമാണ്. കന്നു പൂട്ടുന്നവരുടെ വടിക്കും ചെണ്ടക്കോലിനും കാശാവ് കമ്പ് ഉപയോഗിച്ചുവരുന്നു. ജന്തുക്കളുടെ ഉപദ്രവങ്ങൾ തടയുന്നതിനു വേണ്ടി ഉപയോഗിക്കുന്നതിന് വീടുകളിൽ കാശാവിൻ വടി കരുതിവക്കുന്നവരുണ്ട്.
മണ്ണെടുപ്പിനു വേണ്ടി വൻ‌തോതിൽ കുന്നുകൾ ഇടിച്ചു നിരത്തുന്നത് കാശാവിൻ കാടുകളുടെ നിലനില്പിന് ഭീഷണിയായിട്ടുണ്ട്.
ഹിന്ദു ദൈവമായ ശ്രീകൃഷന്റെ നിറത്തിനെ കാശാവ് പൂവിന്റെ നിറവുമായുപമിച്ച് അദ്ദേഹത്തെ കായാമ്പൂ വർണ്ണൻ എന്നു വിളിക്കാറുണ്ട്.
മറ്റു വിശേഷങ്ങൾ
തിരുത്തുകകൂവച്ചെക്കിയും (Memecylon randerianum) കാശാവായി അറിയപ്പെടുന്നു. മരക്കാശാവ് (Memecylon grande) എന്നൊരു ചെറുവൃക്ഷവുമുണ്ട്.[2]
ചിത്രശാല
തിരുത്തുക- കാശാവിന്റെ ചിത്രങ്ങൾ
-
-
കാശാവിൻ പുക്കൾ -
കാശാവ് കമ്പ് -
കാശാവിന്റെ കായകൾ-നീലിയാർകോട്ടത്ത് നിന്നും
അവലംബം
തിരുത്തുക- ↑ ഫ്ലവേഴ്സ് ഓഫ് ഇന്ത്യ എന്ന സൈറ്റിൽ നിന്നും.
- ↑ 2.0 2.1 കായാവ്(കാശാവ്)- വി.സി.ബാലകൃഷ്ണൻ, കൂട് മാസിക, ഒക്ടോബർ 2013
- ↑ "മലയാളത്തിൽ". Archived from the original on 2010-07-30. Retrieved 2011-02-19.
- ↑ ആയുർ‌വേദ ഔഷധ സസ്യങ്ങൾ Archived 2010-12-06 at the Wayback Machine. എന്ന സൈറ്റിൽ നിന്നും
പുറത്തേക്കുള്ള കണ്ണികൾ
തിരുത്തുക- കൂടുതൽ വിവരവും കാണുന്ന ഇടങ്ങളും
- http://ayurvedicmedicinalplants.com/plants/2669.html Archived 2010-12-06 at the Wayback Machine.
- http://www.biotik.org/india/species/m/memeumbe/memeumbe_ma.html Archived 2010-07-30 at the Wayback Machine.
- http://scialert.net/abstract/?doi=jps.2007.179.186
- http://jpronline.info/article/view/1895[പ്രവർത്തിക്കാത്ത കണ്ണി]
|
സസ്യങ്ങളുമായി ബന്ധപ്പെട്ട ഈ ലേഖനം അപൂർണ്ണമാണ്‌. ഇതു വികസിപ്പിക്കുവാൻ സഹായിക്കുക. |