കമല ഹാരിസ്

അമേരിക്കൻ ഐക്യ നാടുകളുടെ 49 മത് ഉപരാഷ്ട്രപതി ആണ് കമല ദേവി ഹാരിസ്. 1964 ഒക്ടോബർ 20ന് കാലിഫോർണിയയിലെ ഓക്ലൻ്റിൽ ആണ് അവർ ജനിച്ചത്. അമേരിക്കയുടെ ഉപരാഷ്ട്രപതി സ്ഥാനത്ത് എത്തുന്ന ആദ്യ വനിതയും, ദക്ഷിണേഷ്യൻ വംശജയും, കറുത്ത വർഗത്തിൽ പെട്ടവരും ആണ് . ഡെമോക്രാറ്റിക് പാർട്ടിയിലെ അംഗം ആയ അവർ ഈ സ്ഥാനത്ത് എത്തുന്നതിനു മുൻപ് 2011-17 കാലഘട്ടത്തില് കാലിഫോർണിയ സംസ്ഥാനത്തിന്റെ അറ്റോർണി ജനറൽ ആയും, 2017-21 കാലത്ത് ആ സംസ്ഥാനത്തെ അമേരിക്കൻ സെനറ്റിൽ പ്രതിനിധീകരിക്കുകയും ആയിരുന്നു. 2021 ജനുവരി 20 ന് ജോ ബൈഡൻ പ്രസിഡണ്ട് ആയി സത്യപ്രതിജ്ഞ ചെയ്തതോടെ ആണ് അവർ അമേരിക്കയുടെ വൈസ് പ്രസിഡൻ്റ് ആയത്. നിലവിലിരുന്ന പ്രസിഡൻ്റ് ഡൊണാൾഡ് ട്രംപിനെയും വൈസ് പ്രസിഡൻറ് ആയിരുന്ന മൈക്ക് പെൻസിനെയും 2020 നവംബറിൽ നടന്ന പ്രസിഡൻറ് തിരഞ്ഞെടുപ്പിൽ പരാജയപ്പെടുത്തി ആണ് ജോ ബൈഡനും - കമല ഹാരിസും പ്രസിഡഡും വൈസ് പ്രസിഡഡും ആയത്. ജോ ബൈഡൻ തിരഞ്ഞെടുപ്പിൽ ഇനി മത്സരിക്കുന്നില്ല എന്ന് പ്രഖ്യാപിച്ചതിനെ തുടർന്ന് കമല ഹാരിസ് 2024 പ്രസിഡന്റ് തിരഞ്ഞെടുപ്പിൽ ഡെമോക്രാറ്റിക് പ്രസിഡന്റ് സ്ഥാനാർത്ഥി ആയി. ഏതെങ്കിലുമൊരു പ്രധാന പാർട്ടിയുടെ പ്രസിഡന്റ് സ്ഥാനാർത്ഥി ആകുന്ന ആദ്യ കറുത്ത വർഗക്കാരിയും, ദക്ഷിണേഷ്യൻ വംശജയും ആണ് കമല ഹാരിസ്. 2024 നവംബറിൽ നടക്കുന്ന തിരഞ്ഞെടുപ്പിൽ വിജയിച്ചാൽ പ്രസിഡന്റ് സ്ഥാനത്ത് എത്തുന്ന ആദ്യ വനിതയാകും അവർ.

കമല ഹാരിസ്
Official portrait, 2017
Vice President-elect of the United States
Assuming office ജനുവരി 20, 2021
രാഷ്ട്രപതി	ജോ ബൈഡൻ (elect)
Succeeding	മൈക്ക് പെൻസ്
United States Senator from കാലിഫോർണിയ
പദവിയിൽ
ഓഫീസിൽ ജനുവരി 3, 2017 Serving with Dianne Feinstein
മുൻഗാമി	ബാർബറ ബോക്സർ
32nd Attorney General of California
ഓഫീസിൽ ജനുവരി 3, 2011 – ജനുവരി 3, 2017
ഗവർണ്ണർ	ജെറി ബ്രൌൺ
മുൻഗാമി	ജെറി ബ്രൌൺ
പിൻഗാമി	Xavier Becerra
27th District Attorney of San Francisco
ഓഫീസിൽ ജനുവരി 8, 2004 – ജനുവരി 3, 2011
മുൻഗാമി	Terence Hallinan
പിൻഗാമി	ജോർജ് ഗാസ്കൻ
വ്യക്തിഗത വിവരങ്ങൾ
ജനനം	കമലാ ദേവി ഹാരിസ് (1964-10-20) ഒക്ടോബർ 20, 1964 ഓക്ക്ലാന്റ്, കാലിഫോർണിയ, യു.എസ്.
രാഷ്ട്രീയ കക്ഷി	ഡെമോക്രാറ്റിക്
പങ്കാളി	Douglas Emhoff ​ (m. 2014)​
മാതാപിതാക്കൾs	ഡൊണാൾഡ് ജെ. ഹാരിസ് ശ്യാമള ഗോപാലൻ
ബന്ധുക്കൾ	മായ ഹാരിസ് (sister) മീന ഹാരിസ് (niece) പി.വി. ഗോപാലൻ (grandfather)
വിദ്യാഭ്യാസം	ഹോവാർഡ് യൂണിവേഴ്സിറ്റി (BA) University of California, Hastings (JD)
ഒപ്പ്
വെബ്‌വിലാസം	Campaign website

ഇന്ത്യയിൽ നിന്നു വന്ന ശ്യാമള ഗോപാലനും ജമൈക്കയിൽ നിന്നു വന്ന ഡൊണാൾഡ് ഹാരിസ് നും കാലിഫോർണിയയിലെ ഓക്ലാൻഡിൽ വെച്ച് ജനിച്ച ആദ്യ മകൾ ആണ് കമല. ഹോവാർഡ് സർവകലാശാലയിൽ നിന്നു ബിരുദവും കാലിഫോർണിയ സർവകലാശാലയിലെ "ഹാസറ്റിങ് കോളേജ് ഓഫ് ലോ" യിൽ നിന്നും നിയമവും പഠിച്ചു. 2003 ൽ സാൻഫ്രാൻസിസ്കോ ഡിസ്ട്രിക്ട് അറ്റോർണി ആയി തിരഞ്ഞെടുക്കപ്പെട്ടു. 2010 ൽ ആദ്യമായി കാലിഫോർണിയ സംസ്ഥാനത്തെ അറ്റോർണി ജനറൽ ആയി തിരഞ്ഞെടുക്കപ്പെട്ടു. 2014 ൽ വീണ്ടും അതേ സ്ഥാനത്തേക്ക് തന്നെ തിരഞ്ഞെടുക്കപ്പെട്ടു. 2017ൽ ആദ്യമായി അമേരിക്കൻ കോൺഗ്രസിൻ്റെ ഉപരിസഭ ആയ സെനെറ്റിലേക്ക് തിരഞ്ഞെടുക്കപ്പെട്ടു. ആ സ്ഥാനത്ത് എത്തുന്ന രണ്ടാമത്തെ മാത്രം കറുത്ത വർഗക്കാരി ആയിരുന്നു കമല, ആദ്യത്തെ ഇന്ത്യൻ വംശജയും.

സെനറ്റർ ആയിരുന്നപ്പോ വിവിധ പുരോഗമനാത്മക പരിഷ്കാരങ്ങൾക്കു വേണ്ടി അവർ ശ്രമിച്ചിട്ടുണ്ട്. ആരോഗ്യ സംരക്ഷണ നിയമ പരിഷ്കാരം, നികുതി പരിഷ്കരണം, കുടിയേറ്റ നിയമ പരിഷ്കരണം, തോക്ക് കൈവശം വെക്കാൻ ഉള്ള നിയമത്തിന്റെ പരിഷ്കാരം, തുടങ്ങിയവയിൽ കമലയുടെ പ്രവർത്തനം കാണാം. ഡൊണാൾഡ് ട്രംപ് പ്രസിഡൻറ് ആയിരുന്നപ്പോൾ അദ്ദേഹത്തിന്റെ പ്രതിനിധികളെ സ്ഥിരപ്പെടുത്തുന്ന പ്രക്രിയയിൽ അവരെ കമല കർശന ചോദ്യം ചെയ്യലിന് വിധേയമാക്കുന്നത് ദേശീയ ശ്രദ്ധ നേടിയിരുന്നു.

2020 ലെ പ്രസിഡൻ്റ് തിരഞ്ഞെടുപ്പിന്റെ മുന്നോടി ആയുള്ള ഡെമോക്രാറ്റിക് പാർട്ടി പ്രൈമറിയിൽ ജോ ബൈഡന് എതിരെ കമല മൽസരിച്ചിരുന്നു. എന്നാൽ പിന്നീട് അതികം ജന പിന്തുണ നേടാനാകാതെ സ്ഥാനാർഥിത്വം പിൻവലിച്ച് ബൈഡന് പിന്തുണ പ്രഖ്യാപിച്ചു. 2020 ഓഗസ്റ്റിൽ ബൈഡൻ കമലയെ വൈസ് പ്രസിഡൻറ് സ്ഥാനാർഥി ആയി പ്രഖ്യാപിച്ചു.

അമേരിക്കയിലെ അഭിഭാഷകൻ ആയ ഡഗ് എമഹോഫിനെ 2013 ൽ ആണ് കമല ആദ്യം കാണുന്നത്. കുറച്ചുകാലത്തെ പ്രണയത്തിന് ഒടുവിൽ 2014 ഓഗസ്റ്റ് 24 ന്നു അവർ വിവാഹിതരായി. എമഹോഫിന്റെ ആദ്യ വിവാഹത്തിലെ രണ്ടു മക്കൾ കമലയെ മൊമല എന്നാണ് വിളിക്കുന്നത്. ഡഗ് എമഹോഫ് അമേരിക്കയുടെ ആദ്യത്തെ സെക്കൻഡ് ജെൻറിൽമാൻ ആണ്

മായ ഹാരിസ് ആണ് കമലയുടെ ഇളയ സഹോദരി. അവരും അഭിഭാഷക ആണ്.

ഇതും കാണുക

• കാറ്റി ബ്രിട്ട്