ഇൻട്രാമ്യൂറോസ്

ഫിലിപ്പീൻസിന്റെ തലസ്ഥാനമായ മനിലയിലെ ഏറ്റവും പഴയ ജില്ലയും ആ നഗരത്തിന്റെ ഐതിഹാസികഹൃദയവുമാണ് ഇൻട്രാമ്യൂറോസ്. ലത്തീൻ ഭാഷയിൽ 'ഇൻട്രാമ്യൂറോസ്' എന്ന പദത്തിന് 'ഭിത്തിയ്ക്കുള്ളിൽ' എന്നാണർത്ഥം. മനിലയിലെ 'മതിലകനഗരം' അഥവാ "വാൾഡ് സിറ്റി" (walled city) ആയ 'ഇൻട്രാമ്യൂറോസ്' 1571 മുതൽ 1898 വരെ മൂന്നു നൂറ്റാണ്ടിലേറെ ദീർഘിച്ച ഹെസ്പാനിയ അധിനിവേശയുഗത്തിൽ ഫിലിപ്പിൻസിന്റെ ഭരണകേന്ദ്രമായിരുന്നു.

ഇൻട്രാമ്യൂറോസ്
ഇൻട്രാമ്യൂറോസിന്റെ പടിഞ്ഞാറേ കവാടം
Coat of arms
Nickname(s):  മതിലകനഗരം
Motto(s):  "മനിലയിലെ വിശിഷ്ടവും നിത്യവിശ്വസ്തവുമായ നഗരം"
Country	ഫിലിപ്പീൻസ്
Region	മനില ദേശീയതലസ്ഥാന പ്രദേശം
City	മനില
കോൺഗ്രഷനൽ ജില്ല	Part of the മനിലായിലെ അഞ്ചാം കോൺഗ്രൻഷനൽ ജില്ല
Barangays	5
സ്ഥാപകൻ	മിഗയൂൽ ലോപസ് ലെഗാസ്പി
വിസ്തീർണ്ണം
• ആകെ	0.67 ച.കി.മീ.(0.26 ച മൈ)
ജനസംഖ്യ  (2007)
• ആകെ	5,015
• ജനസാന്ദ്രത	7,500/ച.കി.മീ.(19,000/ച മൈ)
വെബ്സൈറ്റ്	Intramuros.ph

ഇൻട്രാമ്യൂറോസിലെ വിശുദ്ധ അഗസ്റ്റിന്റെ പള്ളി

പാസിഗ് നദീമുഖത്തിന്റെ തെക്കുഭാഗത്തുള്ള ഈ നഗരം ഇരുപതാം നൂറ്റാണ്ടിലെ 'വീണ്ടെടുക്കലുകൾ' പട്ടണത്തെ കടലിൽ നിന്ന് മറയ്ക്കുന്നതിനുമുൻപ് മനില ഉൾക്കടലിന്റെ തീരത്തായിരുന്നു. പട്ടണത്തിനു കാവലായ സാന്തിയാഗോ കോട്ട നദീമുഖത്തു തന്നെയായിരുന്നു. ഇൻട്രാമ്യൂറോസിന്റെ കനമുള്ള പ്രതിരോധഭിത്തികളുടെ നിർമ്മാണം ഹെസ്പാനിയ ഭരണത്തിന്റെ കേന്ദ്രത്തെ ബ്രിട്ടീഷ്-ഡച്ച് ആക്രമണകാരികളിൽ നിന്നും ചീനക്കാരായ കടൽക്കൊള്ളക്കാരിൽ നിന്നും രക്ഷിക്കാൻ 1571-ൽ തുടങ്ങിയതായിരുന്നു. കൊളോണിയൽ ഭരണകാലത്ത്, ഭരണകേന്ദ്രത്തിനു പുറത്തുള്ള നഗരഭാഗം 'എക്ട്രാമ്യൂറോസ്' അല്ലെങ്കിൽ 'ഭിത്തിയ്ക്കപ്പുറം' എന്നറിയപ്പെട്ടു. ഫിലിപ്പീൻസിലെ ഏറ്റവും പഴയ ക്രൈസ്തവദേവാലയവും രാജ്യത്തെ ഏറ്റവും പഴയ കെട്ടിടം തന്നെയും ആയ വിശുദ്ധ ആഗസ്തീനോസിന്റെ പള്ളി(San Agustin Church) ഉൾപ്പെടെ, ഒട്ടേറെ ചരിത്രസാക്ഷ്യങ്ങളുടെ ഇരിപ്പിടമാണ് ഇൻട്രാമ്യൂറോസ്.

2010 ഒക്ടോബറിൽ ലോകപൈതൃകനിധിയുടെ ഒരു റിപ്പോർട്ട്, സാന്തിയാഗോ കോട്ട ഉൾപ്പെടെയുള്ള ഇൻട്രാമ്യൂറോസ് മുഴുവനേയും, വികസനത്തിന്റെ സമ്മർദ്ദവും വിഭവശേഷിക്കുറവും കെടുകാര്യസ്ഥതയും മൂലം തീരാനഷ്ടഭീഷണി നേരിടുന്ന 12 ലോകപതൃകസ്ഥാനങ്ങളിൽ ഒന്നായി എടുത്തുകാട്ടി.