ഐഡ.എസ്.സ്കഡ്ഡർ
അമേരിക്കയിൽ നിന്നുള്ള ഒരു മെഡിക്കൽ മിഷണറി ആയിരുന്നു ഐഡ സോഫിയ സ്കഡ്ഡർ (ഡിസംബർ 9, 1870 - മേയ് 23, 1960) ഭാരതത്തിൽ മിഷണറി പ്രവർത്തനങ്ങൾ നടത്തിവന്നിരുന്ന ഡോക്ടറായ ജോൺ സ്കഡ്ഡേർ ജൂനിയറും സോഫിയയും ആയിരുന്നു മാതാപിതാക്കൾ. 1899 ൽ ന്യൂയോർക്കിലെ കോർണെൽ മെഡിക്കൽ കോളേജിൽ നിന്ന് 1899 ൽ ബിരുദം നേടിയ ഐഡ ചികിത്സാരംഗത്തേയ്ക്കും മിഷണറി പ്രവർത്തനങ്ങളിലേയ്ക്കും തിരിഞ്ഞു.[1][2]
മാൻഹാട്ടനിലെ ഒരു ബാങ്കറായ ഷെൽ ഭാര്യയുടെ സ്മരണയ്ക്ക് 10,000 ഡോളർ ഐഡയ്ക്ക് അനുവദിക്കുകയുണ്ടായി.ഇന്ത്യയിൽ തിരിച്ചെത്തിയ ഐഡ ഈ തുകകൊണ്ട് മദ്രാസിൽ നിന്ന് 75 മൈൽ ദൂരെയുള്ള വെല്ലൂരിൽ ഒരു ചെറിയ ഡിസ്പെൻസറിയും ക്ലിനിക്കും ആരംഭിച്ചു.ഇന്ത്യൻ സ്ത്രീകളുടെ അനാരോഗ്യം, ബ്യൂബോണിക് പ്ലേഗ്, കോളറ, കുഷ്ഠം എന്നിവയ്ക്കെതിരായ പോരാട്ടത്തിൽ അവർ പൂർണ്ണസമയവും സമർപ്പിച്ചിരുന്നു.1918 ൽ ഏഷ്യയിലെ ഏറ്റവും പ്രധാനപ്പെട്ട ആശുപത്രിയായ വെല്ലൂർ ക്രിസ്ത്യൻ മെഡിക്കൽ കോളേജ് ആശുപത്രിയ്ക്ക് ഇതോടെ തുടക്കവുമായി.1928 ൽ മഹാത്മാ ഗാന്ധി മെഡിക്കൽ സ്കൂൾ സന്ദർശിച്ചിരുന്നു.
വെല്ലൂർ ക്രിസ്റ്റ്യൻ മെഡിക്കൽ സെന്റർ
തിരുത്തുകലോകത്തിലെ ഏറ്റവും വലിയ ക്രൈസ്തവ മിഷനറി ആശുപത്രിയായ വെല്ലൂർ മെഡിക്കൽ കോളേജിൽ 2000 കിടക്കകളും ആധുനിക സംജ്ഞീകരണങ്ങളും ഉണ്ട്. ഭാരതത്തിലെ പ്രധാന മെഡിക്കൽ കോളെജുകളിൽ ഒന്നാണിത്.[3]
ആദരവ്
തിരുത്തുകക്രിസ്ത്യൻ മെഡിക്കൽ കോളെജിന്റെ ശതാബ്ദി ആഘോഷങ്ങളുടെ ഭാഗമായി 2000 ആഗസ്ത് 12 ന് ഒരു സ്റ്റാമ്പ് പുറത്തിറക്കുകയുണ്ടായി. കോളേജ് ചാപ്പൽ, മെഡിക്കൽ കോളേജ്, ആശുപത്രി എന്നിവ ഇതിൽ ചിത്രീകരിച്ചിട്ടുണ്ട്.[4]
പുറംകണ്ണികൾ
തിരുത്തുക- Vellore Christian Medical College and Hospital
- Vellore CMCH Ida S. Scudder page
- Vellore Christian Medical College Board (USA), Inc.
- The Scudder Association
- Ida Sophia Scudder Papers. Schlesinger Library Archived 2012-05-09 at the Wayback Machine., Radcliffe Institute, Harvard University.
അവലംബം
തിരുത്തുക- ↑ Wilson, Dorothy Clark. The Story of Dr. Ida Scudder of Vellore, McGraw-Hill Book Company, Inc. Full text (1959), p. 18
- ↑ https://www.manoramaonline.com/education/expert-column/be-positive/2017/05/20/story-behind-vellore-medical-college.html
- ↑ https://web.archive.org/web/20031128075920/http://cmch-vellore.edu/
- ↑ Theme stamps mark this year's Independence Day[permanent dead link], Financial Express (September 12, 2000)