ജി.എ. നടേശൻ

(G. A. Natesan എന്ന താളിൽ നിന്നും തിരിച്ചുവിട്ടതു പ്രകാരം)

മദ്രാസ് പ്രസിഡൻസിയിൽ നിന്നുള്ള ഒരു ഇന്ത്യൻ എഴുത്തുകാരനും മാധ്യമ പ്രവർത്തകനും പത്രാധിപരും രാഷ്ട്രീയ പ്രവർത്തകനും ഇന്ത്യൻ സ്വാതന്ത്ര്യ സമര സേനാനിയുമായിരുന്നു ജി.എ. നടേശൻ എന്ന ഗണപതി അഗ്രഹാരം അണ്ണാദുരൈ അയ്യർ നടേശൻ (25 ഓഗസ്റ്റ് 1873 – 29 ഏപ്രിൽ 1948). സ്വാതന്ത്ര്യസമര കാലഘട്ടത്തിൽ പ്രസിദ്ധീകരിച്ചിരുന്ന ദി ഇന്ത്യൻ റിവ്യൂ ഉൾപ്പെടെയുള്ള ദേശീയ പ്രസിദ്ധീകരണങ്ങൾ പുറത്തിറക്കിയിരുന്ന ജി.എ. നടേജൻ & കമ്പനിയുടെ സ്ഥാപകനും ഉടമയുമായിരുന്നു.

ഗണപതി അഗ്രഹാരം അണ്ണാദുരൈ അയ്യർ നടേശൻ
ജി.എ. നടേശൻ 1915 - ൽ
ജനനം(1873-08-25)25 ഓഗസ്റ്റ് 1873
മരണം29 ഏപ്രിൽ 1948(1948-04-29) (പ്രായം 74)
തൊഴിൽഎഴുത്തുകാരൻ, മാധ്യമ പ്രവർത്തകൻ, രാഷ്ട്രീയ പ്രവർത്തകൻ, പത്രാധിപർ
ജീവിതപങ്കാളി(കൾ)മംഗലമ്മ


ആദ്യകാല ജീവിതം തിരുത്തുക

1873 ഓഗസ്റ്റ് 25 - ന് തമിഴ്നാട്ടിലെ തഞ്ചാവൂർ ജില്ലയിൽ സ്ഥിതി ചെയ്യുന്ന ഗണപതി അഗ്രഹാരമെന്ന ഗ്രാമത്തിലാണ് ജി.എ. നടേശൻ ജനിച്ചത്. കുംഭകോണത്തു നിന്നും പ്രാഥമിക വിദ്യാഭ്യാസം പൂർത്തിയാക്കുകയുണ്ടായി. [1] മദ്രാസിലെ പ്രസിഡൻസി കോളേജിൽ നിന്നും കലയിൽ ബിരുദം കരസ്ഥാമാക്കുകയും ചെയ്തു. [2] ഇതിനെ തുടർന്ന് പ്രസിദ്ധീകരണ രംഗത്ത് പ്രവേശിക്കുകയുണ്ടായി. ഗിലിൻ ബാർലോയുടെ കീഴിൽ പരിശീലനം നേടിയതിനു ശേഷം 1897 - ൽ സ്വന്തമായി ജി.എ. നടേശൻ & കമ്പനി എന്ന പ്രസിദ്ധീകരണ സ്ഥാപനം രൂപീകരിച്ചു. [2][3]

ഇന്ത്യൻ സ്വാതന്ത്ര്യസമര പ്രസ്ഥാനം തിരുത്തുക

സ്കൂൾ വിദ്യാഭ്യാസ കാലത്തു തന്നെ നടേശൻ ഇന്ത്യൻ സ്വാതന്ത്ര്യസമര പ്രസ്ഥാനത്തിൽ പ്രവർത്തിച്ചിരുന്നു. 1900 - ൽ, ഇംഗ്ലീഷ് ഭാഷയിൽ അച്ചടിച്ച ദി ഇന്ത്യൻ റിവ്യൂ എന്ന മാസിക പ്രസിദ്ധീകരിക്കാൻ ആരംഭിച്ചു. [4] ഇന്ത്യൻ ദേശീയതയുമായി ബന്ധപ്പെട്ട പല ലേഖനങ്ങളും ദി ഇന്ത്യൻ റിവ്യൂവിൽ പ്രസിദ്ധീകരിച്ചു വന്നിരുന്നു. കൂടാതെ സാമ്പത്തികം, കാർഷികം എന്നീ മേഖലകളുമായി ബന്ധപ്പെട്ട ലേഖനങ്ങളും ചിത്രങ്ങളും ഈ മാസികയിൽ പ്രസിദ്ധീകരിച്ചിരുന്നു. [4] "താൽപ്പര്യമുള്ള എല്ലാവിധ വിഷയങ്ങൾക്കും വേണ്ടി സമർപ്പിച്ചിരിക്കുന്നു" എന്ന് ദി ഇന്ത്യൻ റിവ്യൂവിന്റെ കവർ പേജിൽ നടേശൻ അറിയിക്കുകയുണ്ടായി. [4]

1915 - ൽ മഹാത്മാഗാന്ധി ഇന്ത്യയിൽ എത്തിച്ചേർന്നതിനുശേഷം ആദ്യമായി മദ്രാസ് സന്ദർശിച്ചപ്പോൾ, ജോർജ്ടൗണിലെ തമ്പു ചെട്ടി തെരുവിൽ സ്ഥിതി ചെയ്തിരുന്ന ജി.എ. നടേശന്റെ വീട്ടിലായിരുന്നു താമസിച്ചിരുന്നത്. [5][6] 1915 ഏപ്രിൽ 17 മുതൽ 1915 മേയ് 8 വരെ മഹാത്മാഗാന്ധി, നടേശന്റെ വീട്ടിൽ താമസിക്കുകയുണ്ടായി. [6]

ഔദ്യോഗിക ജീവിതം തിരുത്തുക

തുടർന്നുള്ള ജീവിതത്തിൽ ചിന്താഗതികൾക്കുണ്ടായ മാറ്റങ്ങളെത്തുടർന്ന് നടേശൻ ഇന്ത്യൻ ലിബറൽ പാർട്ടിയിൽ ചേർന്നു പ്രവർത്തിക്കാൻ തീരുമാനിക്കുകയുണ്ടായി. [7] 1922 - ൽ ലിബറൽ പാർട്ടിയുടെ ജോയിന്റ് സെക്രട്ടറിയായി തിരഞ്ഞെടുക്കപ്പെടുകയും ചെയ്തു. [7] 1923 - ലും 1931 - ലും രണ്ട് പ്രാവശ്യം സ്റ്റേറ്റ് കൗൺസിലിലേക്ക് അനൗദ്യോഗിക അംഗമായി നാമനിർദ്ദേശം ചെയ്യപ്പെട്ടു. [7][8] സ്റ്റേറ്റ് കൗൺസിലിലെ അംഗമായി പ്രവർത്തിക്കുന്നതിനിടെ, കാനഡയിലുള്ള എംപയർ പാർലമെന്ററി അസോസിയേഷനിൽ പങ്കെടുത്ത ഇന്ത്യൻ സംഘത്തിലെ ഒരു അംഗവുമായിരുന്നു. [1]1933 മുതൽ 1934 വരെ ഇന്ത്യൻ അയൺ ആന്റ് സ്റ്റീൽ താരിഫ് ബോർഡിലെ അംഗമായും പ്രവർത്തിച്ചിട്ടുണ്ട്. [7][9] 1938 - ൽ മദ്രാസിന്റെ ഷെറിഫ് ആയി നിയമിതനായി. [7]

മരണം തിരുത്തുക

1948 ഏപ്രിൽ 29 - ന് 74 - ാമത്തെ വയസ്സിൽ നടേശൻ അന്തരിച്ചു. എന്നാൽ അവസാന കാലഘട്ടത്തിലും ജി.എ. നടേശൻ വളരെ സജീവമായി തന്നെ പ്രവർത്തിച്ചു വന്നിരുന്നു. [1]

അവലംബം തിരുത്തുക

  1. 1.0 1.1 1.2 Siba Pada Sen (1972). Dictionary of national biography. Institute of Historical Studies. pp. 245–246.
  2. 2.0 2.1 World biography. Institute for Research in Biography. 1948.
  3. Diamond jublee: sixty years of publishing, 1897-1957. G. A. Natesan & Co. 1957. p. 39.
  4. 4.0 4.1 4.2 Somerset Playne; J. W. Bond; Arnold Wright (1914). Southern India: its history, people, commerce, and industrial resources. pp. 733.
  5. "The Mahatma: Gandhi and Kasturba". Gandhi Ahsram at Sabarmati. Archived from the original on 6 February 2009.
  6. 6.0 6.1 "When Gandhi visited Madras". The Hindu. 26 January 2003. Archived from the original on 2003-06-20. Retrieved 2018-08-26.
  7. 7.0 7.1 7.2 7.3 7.4 Clarence Lewis Barnhart; William Darrach Halsey (1980). New Century Cyclopedia of Names. Simon & Schuster. p. 2892. ISBN 0136119476, ISBN 978-0-13-611947-0.
  8. B. Natesan (1933). Souvenir of the sashtiabdha-poorthi of the Hon. Mr. G. A. Natesan. G. A. Natesan & Co. p. 55.
  9. Great Britain. Commercial Relations and Exports Dept (1935). India: economic and commercial conditions in India. H.M. Stationery Off.,. p. 76.{{cite book}}: CS1 maint: extra punctuation (link)
 
Wikisource
ജി.എ. നടേശൻ രചിച്ചതോ ഇദ്ദേഹത്തെ പറ്റിയുള്ളതോ ആയ മൗലിക കൃതികൾ വിക്കിഗ്രന്ഥശാലയിൽ ലഭ്യമാണ്.
"https://ml.wikipedia.org/w/index.php?title=ജി.എ._നടേശൻ&oldid=3779641" എന്ന താളിൽനിന്ന് ശേഖരിച്ചത്