ശ്രീലങ്കയുടെ ദേശീയപതാക

(Flag of Sri Lanka എന്ന താളിൽ നിന്നും തിരിച്ചുവിട്ടതു പ്രകാരം)

വാളേന്തി നിൽക്കുന്ന ഒരു സിംഹത്തിന്റെ ചിത്രം സ്വർണ്ണവർണ്ണത്തിൽ ആലേഖനം ചെയ്തിരിക്കുന്ന ഒരു പതാകയാണ് ശ്രീലങ്കയുടെ ദേശീയപതാക. സിംഹ പതാക എന്നും ഇതിനെ വിശേഷിപ്പിക്കാറുണ്ട്. കസ്തനെ എന്ന് അറിയപ്പെടുന്ന ഒരു തരം വാൾ ആണ് സിംഹത്തിന്റെ വലത്തെ പാദത്തിൽ ചിത്രീകരിച്ചിരിക്കുന്നത്. ഈ ചിത്രം മെറൂൺ വർണ്ണത്തിലുള്ള ഒരു ചതുര പശ്ചാത്തലത്തിലും, ആ ചതുരത്തിന്റെ നാല് കോണുകളിലുമായി സ്വർണ്ണനിറത്തിൽ ആലിലകളും ചിത്രീകരിച്ചിരിക്കുന്നു. മെറൂൺ ചതുരത്തിന്റെ നാലുവശങ്ങളിലുമായി സ്വർണ്ണവർണ്ണത്തിൽ ഒരു വരമ്പും, ദ്വജസ്തംഭഭാഗത്ത് സ്വർണ്ണവർണ്ണ വരമ്പിനുള്ളിൽ ഒരേവലിപ്പത്തിൽ ലംബമായി പച്ചനിറം, കുംകുമനിറം എന്നിവ ചേരുന്നതാണ് ശ്രീലങ്കൻ പതാകയുടെ രൂപം. സിംഹളരുടെ ധൈര്യത്തെയാണ് സിംഹം പ്രതിനിധീകരിക്കുന്നത്. നാല് ആലിലകൾ, ബുദ്ധമതത്തിലെ നാല് പ്രധാന ആശയങ്ങളായ മേധ, കരുണ, മുദിത, ഉപേഖ എന്നിവയെയും സൂചിപ്പിക്കുന്നു. പച്ച, കുംകുമനിറം എന്നിവ ലങ്കയിലെ മറ്റ് രണ്ട് ന്യൂനപക്ഷങ്ങളെയാണ് കുറിക്കുന്നത്. ഇതിൽ പച്ച ശ്രീലങ്കൻ മുസ്ലീമുകളേയും , കുംകുമനിറം ശ്രീലങ്കൻ തമിഴരെയും പ്രതിനിധികരിക്കുന്നു. പതാകയിലെ മെറൂൺ നിറം, ഭൂരിപക്ഷമായ സിംഹള ജനതയെയാണ് സൂചിപ്പിക്കുന്നത്. പതാകയുടെ നാല്ഭാഗത്തുമായി, സ്വർണ്ണവർണ്ണത്തിലുള്ള അതിര് ശ്രീലങ്കൻ ജനതയുടെ ഐക്യത്തിന്റെ പ്രതീകമാണ്.

Sri Lanka
പേര്Lion flag or Sinha flag
ഉപയോഗംCivil and state flag, civil ensign
അനുപാതം1:2
സ്വീകരിച്ചത്22 May 1972
മാതൃകപതാകയിൽ സ്വർണ്ണനിറം(മഞ്ഞ), മെറൂൺ, കാവി, പച്ച എന്നീ പ്രധാനനിറങ്ങൾ ഉപയോഗിച്ചിരിക്കുന്നു. സ്വർണ്ണനിറത്തിലുള്ള വരമ്പോടുകൂടി പതാകയഎ രണ്ട് ഭാഗങ്ങളായി തിരിച്ചിരിക്കുന്നു. ഇതിൽ ധ്വജസ്തംഭത്തോട് ചേർന്നുള്ള ഭാഗത്ത് ഒരേവലിപ്പത്തിൽ യഥാക്രമം പച്ച നിറം, കുംകുമനിറം എന്നിവ ലംബമായി കൊടുത്തിരിക്കുന്നു. പതാകയുടെ വലതുഭാഗത്തായി മെറൂൺ പശ്ചാത്തലത്തിൽ വളേന്തിയ സിംഹത്തേയും നാല് കോണുകളിലായി നാല് ആലിലകളും ചിത്രീകരിച്ചിരിക്കുന്നു.
Variant flag of Sri Lanka
ഉപയോഗംസിവിൽ ചിഹ്നം
അനുപാതം1:2
സ്വീകരിച്ചത്1972
മാതൃകA red field with the flag of Sri Lanka in the canton.
Variant flag of Sri Lanka
ഉപയോഗംBlue ensign
സ്വീകരിച്ചത്1972
മാതൃകA blue field with the flag of Sri Lanka in the canton.
Variant flag of Sri Lanka
ഉപയോഗംPresident's Colour
അനുപാതം1:2
സ്വീകരിച്ചത്1972
മാതൃകA defaced flag of Sri Lanka with Coat of arms of Sri Lanka
Variant flag of Sri Lanka
ഉപയോഗംNaval ensign
അനുപാതം1:2
സ്വീകരിച്ചത്1972
മാതൃകA white field with the flag of Sri Lanka in the canton.
Variant flag of Sri Lanka
ഉപയോഗംAir Force ensign
അനുപാതം1:2
സ്വീകരിച്ചത്2010
മാതൃകA defaced sky blue ensign with the flag of Sri Lanka in the canton and Air Force roundel.

അവലംബം തിരുത്തുക


പുറത്തേക്കുള്ള കണ്ണികൾ തിരുത്തുക