ഡാനിയേൽ ഡേ-ലൂയിസ്
പ്രശസ്തനായ ഇംഗ്ലീഷ് ചലച്ചിത്രനടനാണ് ഡാനിയേൽ ഡേ-ലൂയിസ്(ജനനം 29 ഏപ്രിൽ 1957). മൈ ലെഫ്റ്റ് ഫുട്ട് (1989), ദെയർ വിൽ ബി ബ്ലഡ് (2007), "ലിങ്കൺ" (2012) എന്നീ ചിത്രങ്ങളിലെ അഭിനയത്തിന് മികച്ച നടനുള്ള അക്കാഡമി അവാർഡ് നേടിയിട്ടുണ്ട്. ഗാങ്ങ്സ് ഓഫ് ന്യൂയോർക്ക് (2002) എന്ന ചിത്രത്തിൽ ബിൽ, ദ ബുച്ചർ എന്ന കഥാപാത്രത്തെ അവതരിപ്പിച്ച് ബാഫ്റ്റ, സ്ക്രീൻ ആക്റ്റേഴ്സ് ഗിൽഡ് അവാർഡുകൾ നേടി. സ്റ്റീവൻ സ്പിൽബർഗ്ഗിന്റെ ലിങ്കൺ എന്ന ചിത്രത്തിലൂടെ 2012-ലെ ഗോൾഡൻ ഗ്ലോബ് അവാർഡ് നേടി. ഇതേ ചിത്രത്തിലൂടെ മികച്ച നടനുള്ള അക്കാഡമി അവാർഡ് മൂന്നു തവണ നേടിയ ആദ്യ വ്യക്തിയായി.
ഡാനിയേൽ ഡേ-ലൂയിസ് | |
|---|---|
 ഡാനിയേൽ ഡേ-ലൂയിസ്, 2013 | |
| ജനനം | ഡാനിയേൽ മൈക്കൽ ബ്ലേക്ക് ഡേ-ലൂയിസ് 29 ഏപ്രിൽ 1957 |
| പൗരത്വം | ബ്രിട്ടീഷ്, ഐറിഷ് |
| തൊഴിൽ | നടൻ |
| സജീവ കാലം | 1970–തുടരുന്നു |
| ജീവിതപങ്കാളി(കൾ) | റെബേക്കാ മില്ലെർ (1996–തുടരുന്നു) |
| കുട്ടികൾ | 3 |
അഭിനേത്രിയായ ജിൽ ബാൽക്കൺ, കവിയായ സെസിൽ ഡേ-ലൂയിസ് എന്നിവരുടെ മകനായി ലണ്ടനിൽ ജനിച്ചു. അഭിനയത്തോടുള്ള സമർപ്പണമനോഭാവവും താൻ അവതരിപ്പിക്കുന്ന കഥാപത്രത്തിനായി നടത്തുന്ന ഗവേഷണവും അദ്ദേഹത്തെ ശ്രദ്ധേയനാക്കുന്നു[1][2].സെറ്റിനുള്ളിലും പുറത്തും കഥാപാത്രമായി ജീവിക്കുന്ന രീതിയാണ് ഡേ-ലൂയിസിന്റേത്. 1997-2012 കാലഘട്ടത്തിൽ വെറും ആറു ചിത്രങ്ങളിൽ മാത്രം അഭിനയിച്ച ഇദ്ദേഹം ഹോളിവുഡിലെ ഏറ്റവും സെലക്റ്റീവായ നടന്മാരിലൊരാളായി അറിയപ്പെടുന്നു[3].
അവലംബം
തിരുത്തുക- ↑ ഗ്രിറ്റൻ, ഡേവിഡ് (22 ഫെബ്രുവരി 2013). "ഡാനിയേൽ ഡേ-ലൂയിസ്: ദി ഗ്രേറ്റസ്റ്റ് സ്ക്രീൻ ആക്റ്റർ എവർ?". ദി ടെലിഗ്രാഫ്. Retrieved 25 ഫെബ്രുവരി 2013.
- ↑ Parker, Emily. "Sojourner in Other Men's Souls". The Wall Street Journal. 23 January 2008.
- ↑ ഹെർഷ്ബെർഗ്, ലിൻ. "ദി ന്യൂ ഫ്രോണ്ടിയേഴ്സ് മാൻ"ന്യൂയോർക്ക് ടൈംസ് മാഗസിൻ, 11 നവംബർ 2007