സത്യത്തിൽ സ്നേഹം
ബെനഡിക്ട് പതിനാറാമൻ മാർപ്പാപ്പ പുറത്തിറക്കിയ മൂന്നാമത് ചാക്രികലേഖനമാണ് സത്യത്തിൽ സ്നേഹം (Caritas in Veritate). [1]2009 - ജൂൺ 29 - ന് ഒപ്പ് വച്ച് ജൂലൈയിലാണ് ഈ ചാക്രികലേഖനം പുറത്തിറക്കിയത്. ലേഖനം ആറ് അദ്ധ്യായങ്ങളിലായാണ് തയ്യാറാക്കിയിരിക്കുന്നത്. യേശു തന്റെ ജീവിതവും കുരിശുമരണവും ഉയിർപ്പും കൊണ്ട് സാഷ്യം വഹിച്ച സത്യത്തിലെ സ്നേഹം മനുഷ്യരാശിയുടെ ആധികാരിക വികസനത്തിന്റെ പിന്നിലെ മുഖ്യചാലകശക്തിയാണ്, നീതിയിലും സമാധാനത്തിലും ധീരവും ഉദാരവുമായി വ്യാപരിക്കുവാനുള്ള തിരഞ്ഞെടുപ്പിലേക്ക് മനുഷ്യനെ നയിക്കുന്നതും സ്നേഹമാണെന്ന് ഈ ചാക്രികലേഖനത്തിൽ ബെനഡിക്ട് മാർപ്പാപ്പ വ്യക്തമാക്കുന്നു. ആകെ ആറ് അദ്ധ്യായങ്ങളിലായാണ് സത്യത്തിൽ സ്നേഹം എന്ന ഈ ചാക്രികലേഖനം രചിക്കപ്പെട്ടിട്ടുള്ളത്.
| സത്യത്തിൽ സ്നേഹം (Latin: Charity in Truth) Benedict XVI  | ||||
|---|---|---|---|---|
| ||||
| തീയതി | 29 June 2009 | |||
| സാരാംശം | Integral human development in charity and truth | |||
| ഏടുകൾ | 127 | |||
| എണ്ണം | 3 of 3 of the Pontificate | |||
| മൂലവാക്യം | in Latin in English | |||
രണ്ടാം വത്തിക്കാൻ കൗൺസിൽ സമാപിച്ച ഉടൻ 1967 മാർച്ച് 26-ന് പോൾ ആറാമൻ മാർപ്പാപ്പ പുറത്തിറക്കിയ ജനതകളുടെ പുരോഗതി (Populorum Progressio) എന്ന ചാക്രികലേഖനത്തെ സംബോധന ചെയ്തു കൊണ്ടാണ് സത്യത്തിൽ സ്നേഹം എന്ന ഈ ചാക്രികലേഖനത്തിലെ ആദ്യ അദ്ധ്യായം ആരംഭിക്കുന്നത്. ജനതകളുടെ പുരോഗതിയിൽ ആഹ്വാനം ചെയ്യുന്ന സത്യത്തിനും സ്നേഹത്തിനും വേണ്ടി ഉറച്ചു നിൽക്കുവാനാണ് നാം ക്ഷണിക്കപ്പെടുന്നതെന്ന് ബെനഡിക്ട് മാർപ്പാപ്പ ഇതിൽ വിലയിരുത്തുന്നു.