അരോൺ നിംസോവിച്ച്

പഴയകാല റഷ്യയിൽ ഉൾപ്പെട്ടിരുന്ന ലാത്വിയയിൽ ജനിച്ച് ഡെന്മാർക്കിനെ പ്രതിനിധീകരിച്ചിരുന്ന ചെസ്സ് ഗ്രാൻഡ്മാസ്റ്ററും ചെസ്സിനെ സംബന്ധിച്ച അനേകം ഗ്രന്ഥങ്ങളുടെ രചയിതാവുമാണ് അരോൺ നിംസോവിച്ച് .(നവം:7 1886 – 16 മാർച്ച് 1935). ആധുനിക കളിരീതികളെ നിംസോവിച്ച് ഏറെക്കുറെ സ്വാധീനിച്ചിട്ടുണ്ട്.

അരോൺ നിംസോവിച്ച്
അരോൺ നിംസോവിച്ച്
മുഴുവൻ പേര്	Aron Nimzowitsch
രാജ്യം	Russia Latvia Denmark
ജനനം	(1886-11-07)7 നവംബർ 1886 Riga, Russian Empire
മരണം	16 മാർച്ച് 1935(1935-03-16) (പ്രായം 48) Copenhagen, Denmark

ആദ്യകാലം

നിംസോവിച്ചിന്റെ പിതാവുതന്നെയാണ് ചെസ്സിൽ ആദ്യപാഠങ്ങൾ അദ്ദേഹത്തെ അഭ്യസിപ്പിച്ചത്.തത്വശാസ്ത്രം പഠിയ്ക്കുന്നതിനു ജർമ്മനിയിലേയ്ക്കു പോയ നിംസോവിച്ച് പഠനം മുഴുമിപ്പിക്കാതെ ചെസ്സിൽ പൂർണ്ണസമയം ആകൃഷ്ടനാകുകയാണ് ചെയ്തത്. 1906 ൽ മ്യൂണിക്കിൽ വച്ച് ആദ്യമായി ഒരു അന്താരാഷ്ട്രമത്സരം വിജയിയ്ക്കുകയും ചെയ്തു. 1917 റഷ്യൻ വിപ്ലവകാലത്ത് ബാൾട്ടിക് യുദ്ധമുഖത്തായിരുന്ന നിംസോവിച്ച് യുദ്ധമേഖലയിൽ നിന്നും ഭ്രാന്ത് അഭിനയിച്ച് രക്ഷപെടുകയായിരുന്നു.

മത്സരരംഗത്ത്

1927 മുതൽ 1931 വരെയുള്ള കാലയളവിൽ ഏറ്റവും മികച്ച കളിക്കാരിൽ അലഖീനും,കാപബ്ലാങ്കയ്ക്കും പിന്നിലായി നിംസോവിച്ചിനെ പരിഗണിച്ചിരുന്നു.. അന്നത്തെ കളിരീതികളിൽ നിന്നും വ്യതിചലിച്ച് പരീക്ഷണാത്മകമായ ചില രീതികൾക്ക് നിംസോവിച്ച് തുടക്കമിടുകയുണ്ടായി. ചെസ്സിലെ ചില പ്രതിരോധ,വ്യതിചലനങ്ങൾക്കും നിംസോവിച്ചിന്റെ പേരു നൽകപെട്ടിട്ടുണ്ട്. നിംസോ-ഇന്ത്യൻ പ്രതിരോധംഅതിലൊന്നാണ്. (1.d4 Nf6 2.c4 e6 3.Nc3 Bb4) .1 .e4 Nc6 എന്നത് നിംസോവിച്ച് പ്രതിരോധം ആയി അറിയപ്പെടുന്നു.

പുറംകണ്ണികൾ

• അരോൺ നിംസോവിച്ച് player profile at ChessGames.com
• A.N.'s Alternative Spellings of Names
• Nimzowitsch related articles
• Kmoch, Hans (2004). Grandmasters I Have Known: Aaron Nimzovich (PDF). Chesscafe.com.
• Cómo me convertí en gran maestro y otros escritos "How I became grandmaster" and other writings, in Spanish.