സോരയ ടാർസി
സോരയ ടാർസി, സോരയ രാജ്ഞി (പാഷ്ടോ / ഡാരി: ملکه ثريا) (നവംബർ 24, 1899 - ഏപ്രിൽ 20, 1968), ജിബിഇ [1][2][3][4] ഇരുപതാം നൂറ്റാണ്ടിന്റെ തുടക്കത്തിൽ അഫ്ഗാനിസ്ഥാനിലെ ആദ്യത്തെ രാജ്ഞിയും അമാനുല്ല ഖാൻ രാജാവിന്റെ ഭാര്യയുമായിരുന്നു. സിറിയയിൽ ജനിച്ച അവരെ പിതാവ് പഠിപ്പിച്ചു. അഫ്ഗാൻ നേതാവും ബുദ്ധിജീവിയുമായ സർദാർ മഹ്മൂദ് ബേഗ് ടാർസിയായിരുന്നു അവരുടെ പിതാവ്.[3] ബരാക്സായി രാജവംശത്തിലെ ഉപ ഗോത്രമായ മുഹമ്മദ്‌സായി പഷ്തൂൺ ഗോത്രത്തിൽ പെട്ടയാളായിരുന്നു അവർ.
| സോരയ രാജ്ഞി | |
|---|---|
| അഫ്ഗാനിസ്ഥാനിലെ രാജ്ഞി
| |
| |
| സോരയ രാജ്ഞിയുടെ ഔദ്യോഗിക ഫോട്ടോ | |
| Tenure | 28 February 1919 – 9 June 1926 |
| Tenure | 9 June 1926 – 14 January 1929 |
| ജീവിതപങ്കാളി | അഫ്ഗാനിസ്ഥാനിലെ രാജാവ് അമാനുല്ല ഒന്നാമൻ |
| മക്കൾ | |
See
| |
| രാജവംശം | മുഹമ്മദ്‌സായ്-ടാർസി |
| പിതാവ് | Sardar മഹ്മൂദ് ബേഗ് ടാർസി |
| മാതാവ് | അസ്മ റാസ്മിയ ഖാനൂം |
| മതം | ഇസ്ലാം |
ആദ്യകാല ജീവിതവും കുടുംബ പശ്ചാത്തലവും
തിരുത്തുക1899 നവംബർ 24 ന് ഓട്ടോമൻ സാമ്രാജ്യത്തിന്റെ ഭാഗമായ സിറിയയിലെ ഡമാസ്കസിൽ സോരയ ടാർസി ജനിച്ചു. അഫ്ഗാൻ രാഷ്ട്രീയ നേതാവായ സർദാർ മഹ്മൂദ് ബേഗ് ടാർസിയുടെ മകളും സർദാർ ഗുലാം മുഹമ്മദ് ടാർസിയുടെ ചെറുമകളുമായിരുന്നു അവർ.[5]അവർ സിറിയയിൽ പഠിച്ചു, അവിടെ പാശ്ചാത്യവും ആധുനികവുമായ മൂല്യങ്ങൾ പഠിച്ചു[4] അത് അവരുടെ ഭാവി പ്രവർത്തനങ്ങളെയും വിശ്വാസങ്ങളെയും സ്വാധീനിച്ചിരുന്നു.
അവരുടെ പിതാവിന്റെ രണ്ടാമത്തെ ഭാര്യയായ അമ്മ അസ്മ റാസ്മിയ ഖാനൂം അലെപ്പോയിലെ ഉമയാദ് പള്ളിയിലെ പ്രാർത്ഥനചൊല്ലുന്ന ഷെയ്ഖ് മുഹമ്മദ് സാലിഹ് അൽ ഫത്തൽ എഫെൻഡിയുടെ മകളും ആയിരുന്നു. 1901 ഒക്ടോബറിൽ അമാനുല്ലയുടെ പിതാവ് (ഹബീബുള്ള ഖാൻ) അഫ്ഗാനിസ്ഥാൻ രാജാവായപ്പോൾ, അദ്ദേഹത്തിന്റെ രാജ്യത്തിന് നൽകിയ ഏറ്റവും പ്രധാനപ്പെട്ട സംഭാവനകളിലൊന്നാണ് അഫ്ഗാൻ പ്രവാസികളുടെ മടങ്ങിവരവ്. പ്രത്യേകിച്ചും ടാർസി കുടുംബത്തിന്റെയും മറ്റുള്ളവരുടെയും. ടാർസി കുടുംബം അഫ്ഗാനിസ്ഥാന്റെ നവീകരണത്തെ പ്രോത്സാഹിപ്പിച്ചതിനാലാണിത്.[6]കുടുംബം അഫ്ഗാനിസ്ഥാനിലേക്ക് മടങ്ങിയെത്തിയതിനുശേഷം സോരയ ടാർസി പിന്നീട് അമാനുല്ല ഖാനെ കണ്ടുമുട്ടി വിവാഹം കഴിച്ചു.[4]
അഫ്ഗാനിസ്ഥാൻ രാജ്ഞി
തിരുത്തുകടാർസിസ് അഫ്ഗാനിസ്ഥാനിലേക്ക് മടങ്ങിയതിനുശേഷം, അമീർ ഹബീബുള്ള ഖാൻ ആഗ്രഹിച്ച പ്രകാരം രാജസദസ്സിൽ സ്വീകരിച്ചു. അമീർ ഹബീബുള്ള ഖാന്റെ മകൻ അമാനുല്ല രാജകുമാരനെ സോരയ ടാർസി കണ്ടുമുട്ടിയത് ഇവിടെ വെച്ചാണ്. മഹ്മൂദ് ടാർസിയുടെ ലിബറൽ ആശയങ്ങളുടെ അനുഭാവിയായിരുന്ന രാജകുമാരൻ 1913 ഓഗസ്റ്റ് 30 ന് കാബൂളിലെ ക്വാം-ഇ-ബാഗ് കൊട്ടാരത്തിൽ വച്ച് സോരയ ടാർസിയെ വിവാഹം കഴിച്ചു.[4][7]നൂറ്റാണ്ടുകളുടെ പാരമ്പര്യത്തെ തകർത്ത അമാനുല്ല ഖാന്റെ ഏക ഭാര്യയായിരുന്നു സോരയ ടാർസി. രാജവാഴ്ചയിൽ വിവാഹം കഴിച്ചപ്പോഴാണ് അവർ ഈ പ്രദേശത്തെ ഏറ്റവും പ്രധാനപ്പെട്ട വ്യക്തികളിൽ ഒരാളായി വളർന്നത്.[3]
1919-ൽ രാജകുമാരൻ അമീറും പിന്നീട് 1926-ൽ രാജാവുമായി മാറിയപ്പോൾ, രാജ്യത്തിന്റെ പരിണാമത്തിൽ രാജ്ഞിക്ക് ഒരു പ്രധാന പങ്കുണ്ടായിരുന്നു. എല്ലായ്പ്പോഴും ഭർത്താവുമായി അടുത്തയാളായിരുന്നു അവർ. എല്ലാ ദേശീയ പരിപാടികളിലും പങ്കെടുക്കാൻ അദ്ദേഹം അവരെ അനുവദിച്ചു. “ഞാൻ നിങ്ങളുടെ രാജാവാണ്. പക്ഷേ വിദ്യാഭ്യാസ മന്ത്രി [3] എന്റെ ഭാര്യയായ നിങ്ങളുടെ രാജ്ഞിയാണ്” എന്ന് അദ്ദേഹം പറയുകയുണ്ടായി. തന്റെ ഭർത്താവിനൊപ്പം പരസ്യമായി പ്രത്യക്ഷപ്പെട്ട ആദ്യത്തെ മുസ്ലീം ഭാര്യയായിരുന്നു സോരയ രാജ്ഞി, അക്കാലത്ത് കേട്ടിട്ടില്ലാത്ത ഒന്ന് ആയിരുന്നു അത്.[3]വേട്ടയാടൽ പാർട്ടികളിലും [8] കുതിരപ്പുറത്തു കയറുന്നതിലും ചില കാബിനറ്റ് യോഗങ്ങളിലും അവർ അദ്ദേഹത്തോടൊപ്പം പങ്കെടുത്തു. രാജാവിനൊപ്പം സൈനിക പരേഡുകളിൽ പങ്കെടുത്തു. സ്വാതന്ത്ര്യയുദ്ധകാലത്ത്, പരിക്കേറ്റ സൈനികരുടെ കൂടാരങ്ങൾ സന്ദർശിക്കുകയും അവരോട് സംസാരിക്കുകയും അവർക്ക് സമ്മാനങ്ങളും ആശ്വാസവും നൽകുകയും ചെയ്തു. രാജ്യത്തെ ചില വിമത പ്രവിശ്യകളിൽ പോലും അവർ രാജാവിനോടൊപ്പം പോയി, അക്കാലത്ത് ഇത് വളരെ അപകടകരമായ കാര്യമായിരുന്നു.
1928-ൽ സോരയ രാജ്ഞി ഓക്സ്ഫോർഡ് സർവകലാശാലയിൽ നിന്ന് ഓണററി ബിരുദം നേടി. അഫ്ഗാനിസ്ഥാൻ രാജ്ഞിയെന്ന നിലയിൽ, അവർ ഒരു സ്ഥാനം അലങ്കരിക്കുക മാത്രമല്ല. അക്കാലത്ത് ലോകത്തിലെ ഏറ്റവും സ്വാധീനമുള്ള സ്ത്രീകളിൽ ഒരാളായി അവർ മാറി.[7]
അവലംബം
തിരുത്തുക- ↑ Royal Ark
- ↑ "Extended Definition: Soraya". Webster's Online Dictionary. Webster's Dictionary. Archived from the original on 2013-04-16.
- ↑ 3.0 3.1 3.2 3.3 3.4 Runion, Meredith (October 30, 2007). The History of Afghanistan. 139: Greenwood Publishing Group. pp. 155. ISBN 9780313337987.
{{cite book}}: CS1 maint: location (link) - ↑ 4.0 4.1 4.2 4.3 Halidziai, K. "The Queen Soraya of Afghanistan". AFGHANISTAN OLD PHOTOS. Archived from the original on 2007-07-12.
- ↑ Royal Ark
- ↑ A History of Women in Afghanistan: Lessons Learnt for the Future Archived May 18, 2011, at the Wayback Machine.
- ↑ 7.0 7.1 Ahmed-Ghosh, Huma (May 2003). "A History of Women in Afghanistan: Lessons Learnt for the Future or Yesterdays and Tomorrow: Women in Afghanistan". Journal of International Women's Studies. 4 (3): 14. Retrieved 30 June 2016.[പ്രവർത്തിക്കാത്ത കണ്ണി]
- ↑ "When Afghanistan was in Vogue". Wadsam -Afghan Business News Portal. Archived from the original on 2016-08-22.
പുറത്തേക്കുള്ള കണ്ണികൾ
തിരുത്തുക- A History of Women in Afghanistan: Lessons Learnt for the Future or Yesterdays and Tomorrow: Women in Afghanistan By Dr. Huma Ahmed-Ghosh Archived 2012-02-27 at the Wayback Machine.
- Old pictures of the Queen Soraya of Afghanistan
