സുബീർ ബാനർജി

സത്യജിത് റേ സംവിധാനം ചെയ്ത അപുത്രയം എന്നറിയപ്പെട്ട ചിത്രങ്ങളിലെ ആദ്യ ചിത്രമായിരുന്ന പഥേർ പാഞ്ചാലി എന്ന ചിത്രത്തിൽ അപുവിനെ അവതരിപ്പിച്ച നടനാണ് സുബീർ ബാനർജി പഥേർ പാഞ്ചാലിയുടെ ചിത്രീകരണത്തിലേയ്ക്ക് അപുവിനെ അവതരിപ്പിയ്ക്കാൻ ഒരു ബാലനെ കണ്ടെത്തുന്നതിനു പരസ്യം കൊടുത്തെങ്കിലും ലഭിച്ച അപേക്ഷകളിൽ റേയ്ക്ക് തൃപ്തികൈവന്നിരുന്നില്ല. ഈ അവസരത്തിലാണ് തൊട്ടടുത്ത വീട്ടിലെ രണ്ടാം നിലയിൽ കളിച്ചുകൊണ്ടിരുന്ന സുബീറിനെ റേയുടെ ഭാര്യ ബിജോയ കാണുന്നത്. തുടർന്നു അപുവിന്റെ വേഷം സുബീറിനു നൽകുവാൻ റേ തിരുമാനിയ്ക്കുകയായിരുന്നു,

പിൽക്കാല ജീവിതം

പഥേർ പാഞ്ചാലിയ്ക്കു ശേഷം സുബീർ മറ്റൊരു ചിത്രത്തിലും അഭിനയിയ്ക്കുകയുണ്ടായില്ല. ചലച്ചിത്രങ്ങളിൽ നിന്നു ജീവിതത്തിലുടനീളം വിട്ടുനിന്ന സുബീറിനെക്കുറിച്ച് ഒരു അപുർ പാഞ്ചാലി എന്ന ചലച്ചിത്രം നിർമ്മിയ്ക്കപ്പെട്ടിട്ടുണ്ട്.

പുറം കണ്ണികൾ

• ഇന്റർനെറ്റ് മൂവി ഡാറ്റാബേസിൽ നിന്ന് Subir Banerjee