സിൽവിയ ഫെഡ്രക്
സിൽവിയ ഫെഡ്രക് (മേയ് 5, 1927 – സെപ്തംബർ 26, 2012) കനേഡിയൻ ഭൗതികശാസ്ത്രജ്ഞയും, മെഡിക്കൽ ഫിസിസ്റ്റും, കർലറും, 17-ാമത് സസ്കറ്റ്ചേവൻ ല്യൂട്ടിനന്റ് ഗവർണ്ണറും ആയിരുന്നു. [1]
സിൽവിയ ഫെഡ്രക് | |
|---|---|
 Former Lieutenant Governor of Saskatchewan, the Honourable Sylvia Fedoruk wearing the insignia of the Order of Canada | |
| 17th Lieutenant Governor of Saskatchewan | |
| ഓഫീസിൽ September 7, 1988 – May 31, 1994 | |
| Monarch | Elizabeth II |
| Governors General | Jeanne Sauvé Ray Hnatyshyn |
| Premier | Grant Devine Roy Romanow |
| മുൻഗാമി | Frederick Johnson |
| പിൻഗാമി | Jack Wiebe |
| വ്യക്തിഗത വിവരങ്ങൾ | |
| ജനനം | മേയ് 5, 1927 Canora, Saskatchewan |
| മരണം | സെപ്റ്റംബർ 26, 2012 (പ്രായം 85) Saskatoon, Saskatchewan |
| ദേശീയത | Canadian |
| അൽമ മേറ്റർ | University of Saskatchewan |
| ജോലി | Medical physicist, Physicist, Curler |
ജീവചരിത്രം
തിരുത്തുകഉക്രേനിയൻ കുടിയേറ്റക്കാരായ ആനി റൊമാനിയുക്കിന്റെയും തിയോഡോർ ഫെഡോറക്കിന്റെയും മകളായി സസ്‌കാച്ചെവാനിലെ കനോറയിൽ സിൽവിയ ജനിച്ചു. യോർക്ക്ടൺ നഗരത്തിന്റെ വടക്കുകിഴക്കൻ റോക്സ്റ്റണിലുള്ള ഒറ്റമുറി സ്കൂളിൽ ഫെഡ്രക് പഠനം നടത്തി. അവരുടെ അച്ഛൻ അവരുടെ അധ്യാപകനായിരുന്നു.
രണ്ടാം ലോകമഹായുദ്ധസമയത്ത്, കുടുംബം ഒന്റാറിയോയിലേക്ക് താമസം മാറ്റി, അവിടെ അവരുടെ മാതാപിതാക്കൾ യുദ്ധ ഫാക്ടറിയിൽ ജോലി ചെയ്തു. 1946-ൽ, വിൻഡ്‌സർ ഒന്റാറിയോയിലെ വാക്കർവില്ലെ കൊളീജിയേറ്റിൽ തന്റെ ക്ലാസിലെ ഏറ്റവും ഉന്നതിയിൽ പഠനം പൂർത്തിയാക്കിയ അവൾക്ക് ഏണസ്റ്റ് ജെ. ക്രീഡ് മെമ്മോറിയൽ മെഡലും യൂണിവേഴ്സിറ്റിയിൽ ചേരാനുള്ള പ്രവേശന സ്കോളർഷിപ്പും ലഭിച്ചു. എന്നാൽ കുടുംബം സസ്‌കാച്ചെവാനിലേക്ക് മടങ്ങാൻ തിരഞ്ഞെടുത്തു. അവിടെ സിൽവിയ 1946-ലെ ശരത്കാലത്തിൽ സസ്‌കാറ്റൂണിലെ സസ്‌കാച്ചെവൻ സർവകലാശാലയിൽ പ്രവേശിച്ചു.
1949-ൽ സസ്‌കാച്ചെവൻ യൂണിവേഴ്സിറ്റിയിൽ നിന്ന് ഫിസിക്‌സിൽ ബിരുദാനന്തര ബിരുദം നേടിയ അവർക്ക് ഗവർണർ ജനറലിന്റെ സ്വർണ്ണ മെഡലും ലഭിച്ചു. 1951-ൽ ഫെഡോറുക്ക് ഫിസിക്‌സിൽ എം.എ പൂർത്തിയാക്കി.
സസ്‌കറ്റൂൺ കാൻസർ ക്ലിനിക്കിലെ റേഡിയേഷൻ ഫിസിസ്റ്റായി ഡോ. ഹരോൾഡ് ഇ ജോൺസ് ഫെഡോറുക്കിനെ റിക്രൂട്ട് ചെയ്തു. സസ്‌കാറ്റൂൺ കാൻസർ ക്ലിനിക്കിലെ ചീഫ് മെഡിക്കൽ ഫിസിസ്റ്റും സസ്‌കാച്ചെവൻ കാൻസർ ക്ലിനിക്കിലെ ഫിസിക്‌സ് സർവീസ് ഡയറക്ടറുമായി. സസ്‌കാച്ചെവൻ സർവകലാശാലയിൽ ഓങ്കോളജി പ്രൊഫസറായ സിൽവിയ ഭൗതികശാസ്ത്രത്തിൽ അസോസിയേറ്റ് അംഗവുമായിരുന്നു. ലോകത്തിലെ ആദ്യത്തെ കോബാൾട്ട്-60 യൂണിറ്റിന്റെയും ആദ്യത്തെ ന്യൂക്ലിയർ മെഡിസിൻ സ്കാനിംഗ് മെഷീനുകളിലൊന്നിന്റെയും വികസനത്തിൽ അവർ പങ്കാളിയായിരുന്നു. കോബാൾട്ട്-60 ബീം തെറാപ്പി യൂണിറ്റ്, അല്ലെങ്കിൽ "കോബാൾട്ട് ബോംബ്", ഒരു രോഗിയിൽ ക്യാൻസർ ചികിത്സിക്കുന്നതിനായി ടാർഗെറ്റുചെയ്‌ത റേഡിയേഷൻ വിജയകരമായി ഇത്തരത്തിൽ ഉപയോഗിക്കുന്ന ആദ്യത്തേതാണ്. വളർച്ചയെ വികിരണം ചെയ്യുന്നതിനായി യന്ത്രത്തിന്റെ കോളിമേറ്റഡ് ബീം ഓഫ് റേഡിയേഷൻ ട്യൂമറിന്റെ വലുപ്പവുമായി ക്രമീകരിക്കാൻ കഴിയും. ബീം തെറാപ്പി യൂണിറ്റിന്റെ വിജയത്തിൽ ഫെഡോറുക്കിന്റെ മാസ്റ്റേഴ്സ് റേഡിയേഷൻ ചികിത്സയ്ക്കായി ഡെപ്ത്-ഡോസ് അളവുകൾ സംബന്ധിച്ചുള്ള പ്രവർത്തനങ്ങൾ അനിവാര്യമായിരുന്നു.[2]
കാനഡയിലെ ആറ്റോമിക് എനർജി കൺട്രോൾ ബോർഡിലെ ആദ്യ വനിതാ അംഗമായിരുന്നു അവർ.
1986 മുതൽ 1989 വരെ സിൽവിയ സസ്‌കാച്ചെവൻ സർവകലാശാലയുടെ ചാൻസലറായിരുന്നു. സസ്‌കാച്ചെവൻ സർവ്വകലാശാലയിൽ ഈ സ്ഥാനം ലഭിക്കുന്ന ആദ്യ വനിതയായിരുന്നു അവർ.[3]
കനേഡിയൻ ലേഡീസ് കേളിംഗ് അസോസിയേഷന്റെ മുൻ പ്രസിഡന്റാണ് (1971 മുതൽ 1972 വരെ)സിൽവിയ . 1986-ൽ, ഒരു ബിൽഡർ എന്ന നിലയിൽ കനേഡിയൻ കേളിംഗ് ഹാൾ ഓഫ് ഫെയിമിൽ അവളെ ഉൾപ്പെടുത്തി. [4] കൂടാതെ സിൽവിയക്ക് സസ്‌കാച്ചെവൻ ഓർഡർ ഓഫ് മെറിറ്റ് ലഭിച്ചു. 1961-ൽ, സസ്‌കാച്ചെവാൻ ടീമിന് വേണ്ടിയുള്ള ആദ്യത്തെ ഡയമണ്ട് 'ഡി' ചാമ്പ്യൻഷിപ്പിൽ ജോയ്‌സ് മക്കീയോടൊപ്പം അവർ കളിച്ചു മൂന്നാമനായി. ടൂർണമെന്റിൽ സസ്‌കാച്ചെവൻ ജേതാക്കളായി. അടുത്ത വർഷം ഫെഡോറുക്കിനൊപ്പം സസ്‌കാച്ചെവാൻ 1962 ഡയമണ്ട് ഡി ചാമ്പ്യൻഷിപ്പിൽ റണ്ണറപ്പായി. 1986 കനേഡിയൻ കേളിംഗ് ഹാൾ ഓഫ് ഫെയിമിൽ അവരെ ഉൾപ്പെടുത്തി.[5]
1987-ൽ, അവരെ ഓർഡർ ഓഫ് കാനഡയുടെ ഓഫീസറായി നിയമിച്ചു.[6]
1988 മുതൽ 1994 വരെ സസ്‌കാച്ചെവാനിലെ ലെഫ്റ്റനന്റ് ഗവർണറായിരുന്നു.
1990-കളിൽ, സസ്‌കറ്റൂൺ നഗരം അവരുടെ ബഹുമാനാർത്ഥം ഒരു പുതിയ റോഡിന് ഫെഡോറുക്ക് ഡ്രൈവ് എന്ന് പേരിട്ടു. സിൽവർസ്പ്രിംഗ്, എവർഗ്രീൻ കമ്മ്യൂണിറ്റികളുടെ വടക്ക്, ആസ്പൻ റിഡ്ജ്, നോർത്ത് ഈസ്റ്റ് സ്വാലെ എന്നിവയുടെ കമ്മ്യൂണിറ്റിയുടെ തെക്ക്, സെൻട്രൽ അവന്യൂവിൽ നിന്ന് മക്ഓർമണ്ട് ഡ്രൈവ് വരെ റോഡ്വേ കടന്നുപോകുന്നു. ഫെഡോറുക് ഡ്രൈവ് നഗരത്തിന്റെ വടക്കുകിഴക്കൻ സെക്ടറിൽ ഒരു മൈനർ ആർട്ടീരിയൽ റോഡ്വേ ആയി പ്രവർത്തിക്കുന്നു.
1950-കളിൽ കോബാൾട്ട്-60 റേഡിയേഷൻ തെറാപ്പി ഉപയോഗിച്ച് കാൻസർ ചികിത്സയിൽ അവർ നടത്തിയ പയനിയറിംഗ് പ്രവർത്തനങ്ങളുടെ ബഹുമാനാർത്ഥം 2012 ഒക്ടോബർ 3-ന് കനേഡിയൻ സെന്റർ ഫോർ ന്യൂക്ലിയർ ഇന്നൊവേഷന്റെ (സിസിഎൻഐ) പേര് സിൽവിയ ഫെഡോറുക്ക് കനേഡിയൻ സെന്റർ ഫോർ ന്യൂക്ലിയർ ഇന്നവേഷൻ എന്നാക്കി മാറ്റി. [7]
2009-ൽ, അവരെ കനേഡിയൻ മെഡിക്കൽ ഹാൾ ഓഫ് ഫെയിമിൽ ഉൾപ്പെടുത്തി.[8]
Arms
തിരുത്തുക
|
|
അവലംബം
തിരുത്തുക- ↑ http://scaa.usask.ca/gallery/uofs_events/articles/1986.php Events in the History of the University of Saskatchewan
- ↑ "Building on a legacy of nuclear medicine excellence". Canada 150 @ usask (in ഇംഗ്ലീഷ്). Retrieved 2021-02-11.
- ↑ "Deo et Patriae: Events in the History of the University of Saskatchewan: 1986". scaa.usask.ca.
- ↑ "Fedoruk, Hon. Sylvia — CCA Hall of Fame — ACC Temple de la Renommée Virtuelle". Archived from the original on 2018-01-01.
- ↑ "The Honourable Sylvia Fedoruk". Canadian Medical Hall of Fame. Archived from the original on 2021-04-12. Retrieved April 20, 2021.
- ↑ Services, Government of Canada, Office of the Secretary to the Governor General, Information and Media. "Order of Canada". archive.gg.ca.
{{cite web}}: CS1 maint: multiple names: authors list (link) - ↑ "U of S nuclear centre to be named for Fedoruk". The StarPhoenix. 2012.
- ↑ "The Honourable Sylvia Fedoruk". Canadian Medical Hall of Fame. Canadian Medical Hall of Fame. Archived from the original on 2021-04-12. Retrieved February 10, 2021.
- ↑ Canadian Heraldic Authority (Volume II), Ottawa, 1991
കൂടുതൽ വായനയ്ക്ക്
തിരുത്തുകMassie, Merle (2020). A radiant life: the honourable Sylvia Fedoruk, scientist, sports icon, and stateswoman. Regina, SK: University of Regina Press. ISBN 978-0-88977-735-4. OCLC 1155149942.