സാഖബ് (കുതിര)

സാഖബ് എന്ന അപൂർവ്വയിനത്തിൽപ്പെട്ട ഈ കുതിര ലോകത്ത് മൂന്നെണ്ണം മാത്രമേ ശേഷിക്കുന്നുള്ളൂ. മണിക്കൂറിൽ ഇതിന് 43 കിലോമീറ്റർ വേഗത്തിലോടാനുള്ള ശേഷിയുണ്ട്. കുതിരകളിൽ ഒരെണ്ണം ഇന്ത്യയിലും മറ്റുരണ്ടെണ്ണം അമേരിക്കയിലും കാനഡയിലുമാണുള്ളത്. ഇന്ത്യയിലെ കുതിര ഗുജറാത്തിലെ സൂറത്തിലാണ് കാണപ്പെടുന്നത്.

ചരിത്രം

അഞ്ച് വയസ്സ് പ്രായമുള്ളപ്പോൾ ഗുജറാത്തിലെ സിറാജ് പഠാൻ എന്നയാൾ 14.5 ലക്ഷം രുപ മുടക്കി രാജസ്ഥാനിലെ പലോത്ര കുതിര മേളയിൽ നിന്നാണ് ഇതിനെ വാങ്ങിയത്. കുതിരയുടെ മൂന്നാമത്തെ ഉടമയാണ് സിറാജ് പഠാൻ. ആദ്യത്തെ ഉടമ തൂഫാൻ എന്നും രണ്ടാമത്തെയാൾ പവൻ എന്നുമാണ് കുതിരയ്ക്ക് പേരിട്ടിരുന്നത്. എന്നാൽ സിറാജ് കുതിരയ്ക്ക് നൽകിയ പേര് സാഖബ് എന്നാണ്. പ്രവാചകനായ മുഹമ്മദ്നബിയുടെ കുതിരയുടെ പേരാണ് സാഖബ്. സിന്ധി ഇനത്തിൽപ്പെട്ട ഈ കുതിര പാകിസ്താൻ സിന്ധി ഇനത്തിൽപ്പെട്ട പെൺകുതിരയുടെയും രാജസ്ഥാനി സുതർവാലി എന്ന ഇനം ആൺകുതിരയുടെയും കുട്ടിയാണ്. 19 കുതിരയോട്ടങ്ങളിൽ സ്ഥിരമായി ജയിച്ച കുതിരയാണ് സാഖബ്. ഈ കുതിരയുടെ കണ്ണുകൾക്ക് പ്രത്യേകതയുണ്ട്. ഒന്ന് കറുപ്പും ഒന്ന് വെളുപ്പുമായിട്ടാണ് കാണപ്പെടുന്നത്.