സയൺ കോട്ട
മുംബൈ നഗരത്തിലെ സയൺ അഥവാ ശിവ് എന്ന സ്ഥലത്ത് സ്ഥിതിചെയ്യുന്ന ഒരു കോട്ടയാണ് സയൺ കോട്ട.
ചരിത്രം തിരുത്തുക
1669 നും 1677 നും ഇടക്ക് ഇംഗ്ലീഷ് ഈസ്റ്റ് ഇന്ത്യാ കമ്പനിയുടെ ഭരണത്തിൻ കീഴിലായിരുന്നു ഈ കോട്ട നിർമ്മിക്കപ്പെട്ടത്. ജെറാർഡ് ഓങ്ങ്ഗിയർ ആയിരുന്നു ഈ കാലഘട്ടത്തിൽ ബോംബെ ഗവർണർ. ബ്രിട്ടീഷുകാർ ഭരിച്ചിരുന്ന പരേൽ ദ്വീപ്, വടക്കു ദിക്കിൽ പോർട്ടുഗീസുകാർ ഭരിച്ചിരുന്ന സാൽസെറ്റ് ദ്വീപ് എന്നിവയുടെ അതിരിലായിരുന്നു ഇതിന്റെ സ്ഥാനം. 1925 ൽ ഇതു് ഒരു ഗ്രേഡ് 1 പൈതൃക ഘടനയായി പ്രഖ്യാപിക്കപ്പെട്ടു[1].
സ്ഥാനം തിരുത്തുക
സയൺ റെയിൽവേ സ്റ്റേഷനിൽ നിന്ന് 500 മീറ്റർ അകലെ ഒരു കുന്നിന്റെ മുകളിലാണ് ഇത് സ്ഥിതിചെയ്യുന്നത്[2]. ഈ കുന്നിന് താഴെയായി പുരാവസ്തു വകുപ്പിന്റെ മുംബൈ സർക്കിൾ ഓഫീസും പണ്ഡിറ്റ് ജവഹർലാൽ നെഹ്റു ഉദ്യാനവും ഉണ്ട്. രേവ കോട്ട, ശിവ്രി കോട്ട എന്നിവയാണ് ഇതിനടുത്തുള്ള മറ്റു കോട്ടകൾ.
വൃക്ഷങ്ങളും മണ്ണും കയ്യേറിയ കരിങ്കൽ മതിലുകൾ, ചിതറിക്കിടക്കുന്ന ചുവരുകൾ, അവശിഷ്ടങ്ങൾ എന്നിവയുടെ ശേഖരമാണ് ഈ കോട്ടയിൽ കാണാൻ കഴിയുക. കോട്ടയുടെ ഭിത്തിയിൽ മുകളിൽ ഒരു ചെറിയ മുറി ഉണ്ട്. താനെ ക്രീക്കിലെ ഉപ്പളങ്ങളുടെ വിശാലദൃശ്യം ഈ കോട്ടയിൽ നിന്ന് ലഭ്യമാണ്[3]. നശീകരണപ്രവർത്തനങ്ങൾ കോട്ടയുടെ ഘടനയെ സാരമായി ബാധിച്ചിട്ടുണ്ട്. 2009 ൽ കോട്ടയുടെ പുനരുദ്ധാരണം ആരംഭിച്ചെങ്കിലും ഫണ്ടിന്റെ കുറവുമൂൂലം ഇടയ്ക്കുവെച്ച് നിർത്തലാക്കി[3].
അവലംബം തിരുത്തുക
- ↑ Documentation Update: April 2005 to March 2006. Equitable Tourism Options (Equations). 2006. p. 136.
- ↑ "Sion fort to get back old glory". The Times of India. 27 February 2008. Archived from the original on 2014-09-11. Retrieved 10 September 2014.
- ↑ 3.0 3.1 "Plan to beautify Sion Fort hits roadblock". Hindustan Times. 28 July 2011. Archived from the original on 2013-09-30. Retrieved 10 September 2014.