സഖാറാം അർജുൻ
മുംബൈയിലെ പ്രമുഖനായ ഭിഷഗ്വരനും സാമൂഹ്യപ്രവർത്തകനുമായിരുന്നു സഖാറാം അർജുൻ എന്നറിയപ്പെട്ട സഖാറാം അർജുൻ റാവത്ത്[1](1839-16 ഏപ്രിൽ 1885). അദ്ദേഹത്തിന്റെ റാവത്ത് എന്ന ജാതിപ്പേര് പക്ഷെ ഔദ്യോഗികരേഖകളിൽ മാത്രമേ കാണപ്പെടുന്നുള്ളൂ. ഇന്ത്യൻ ഔഷധ സസ്യങ്ങളെക്കുറിച്ച് അഗാധപാണ്ഡിത്യമുണ്ടായിരുന്ന സഖാറാം, ബോംബെ നാച്ചുറൽ ഹിസ്റ്ററി സൊസൈറ്റിയുടെ രൂപീകരണത്തിൽ പങ്കുവഹിച്ചു[2][3]. വിധവയായിരുന്ന ജയന്തിഭായിയെ വിവാഹം കഴിച്ച അദ്ദേഹം പ്രമുഖ ഭിഷഗ്വരയും സാമൂഹികപ്രവർത്തകയുമായിരുന്ന രുഖ്മഭായിയുടെ രണ്ടാനച്ഛനായിരുന്നു. രുഖ്മഭായി കേസിൽ ഇടപെട്ടതിലൂടെ പിന്നീടുണ്ടായ നിയമനിർമ്മാണത്തിന് കളമൊരുങ്ങുകയായിരുന്നു.
ജീവിതരേഖ
തിരുത്തുക
1839-ൽ മുംബൈയിൽ ജനിച്ച സഖാറാം അർജുൻ പതിനൊന്നാം വയസ്സിൽ അനാഥനായിത്തീർന്നു[4].
എൽഫിൻസ്റ്റൺ ഇൻസ്റ്റിറ്റ്യൂട്ടിലെ വിദ്യാഭ്യാസശേഷം 1858-ൽ ഗ്രാന്റ് മെഡിക്കൽ കോളേജിൽ ചേർന്ന അദ്ദേഹത്തിന് സർക്കാറിൽ നിന്ന് വിദ്യാഭ്യാസസഹായം ലഭിച്ചുവന്നു. 1863-ൽ ലൈസൻഷ്യേറ്റ് ഓഫ് മെഡിസിൻ നേടിയ[5] സഖാറാം അർജുൻ ഔഷധ സസ്യശാസ്ത്രത്തിലെ അധ്യാപകനായി ജോലി തുടങ്ങി. ജംഷഡ്ജി ജീജീബോയ് ആശുപത്രിയിലെ ഉദ്യോഗത്തിലായിരുന്ന അദ്ദേഹത്തിന് കിടപ്പിലായവരുടെ വാർഡിന്റെ ചുമതല കൂടി പലപ്പോഴും വഹിക്കേണ്ടി വന്നിരുന്നു[6].
പിന്നീട് അസിസ്റ്റന്റ് സർജൻ ആയി ജോലിക്കയറ്റം കിട്ടിയ അദ്ദേഹം ആരോഗ്യബോധവത്കരണത്തിൽ അതീവ ശ്രദ്ധാലുവായിരുന്നു. അതിനായി വൈദ്യതത്വ, ഗർഭവിദ്യ വ പ്രസൂതികരൺ, വിവാഹവിദ്ന്യാൻ എന്നീ കൃതികൾ എഴുതുന്നതിൽ പങ്കാളിത്തം വഹിച്ചു. ദ തിയോസോഫിസ്റ്റ് എന്ന പ്രസിദ്ധീകരണത്തിൽ വിവാഹത്തിന്റെ ശരീരശാസ്ത്രത്തെക്കുറിച്ച് കുറിപ്പുകൾ എഴുതിവന്നു.
രുഖ്മാഭായി കേസ്
തിരുത്തുകജനാർദ്ദനൻ പാണ്ഡുരംഗയുടെ വിധവയായിരുന്ന ജയന്തിഭായിയെ പുനർവിവാഹം ചെയ്തപ്പോൾ ജയന്തിഭായിയുടെ മകളായിരുന്നു രുഖ്മാഭായ്. ശൈശവത്തിൽ വിവാഹം ചെയ്യപ്പെട്ട രുഖ്മാഭായ് പക്ഷെ ഭർത്താവിന്റെ കൂടെ പോകാൻ വിസമ്മതിച്ചു. രണ്ടാനച്ഛനായ സഖാറാമിന്റെ പിന്തുണ കിട്ടിയതോടെ[7] കേസ് അദ്ദേഹത്തിനെതിരെ നീങ്ങുകയും നീണ്ട നിയമനടപടികൾക്കൊടുവിൽ വിധി ഭർത്താവിനനുകൂലമായി വരികയും ചെയ്തു. അപ്പീലുമായി രാജ്ഞിയുടെ അടുത്തുവരെ പോയെങ്കിലും അവസാനം അനുരഞ്ജനത്തിലെത്തുകയായിരുന്നു. ഈ സംഭവം 1891-ലെ നിയമനിർമ്മാണത്തിലേക്ക് നയിച്ച ഒന്നായി കണക്കാക്കപ്പെടുന്നു.
അംഗീകാരങ്ങൾ
തിരുത്തുക1883-ൽ സ്ഥാപിതമായ ബോംബെ നാച്ചുറൽ ഹിസ്റ്ററി സൊസൈറ്റിയുടെ സ്ഥാപക അംഗങ്ങളിലൊരാളാണ് സഖാറാം അർജുൻ. സഖാറാമിനെ കൂടാതെ ആത്മാറാം പാണ്ഡുരംഗ് എന്ന അംഗം കൂടിയാണ് അംഗങ്ങളിൽ ഇന്ത്യക്കാരായി ഉണ്ടായിരുന്നത്[8].
ബോംബെ മെഡിക്കൽ യൂണിയന്റെ പ്രസിഡന്റുമാരിൽ ഒരാളായിരുന്നു സഖാറാം അർജുൻ[9].
മരണം
തിരുത്തുക1885 ഏപ്രിൽ 16-ന് സഖാറാം അർജുൻ അന്തരിച്ചു[10].
അവലംബം
തിരുത്തുക- ↑ Bombay University Calendar for the year 1883-4. p. 200
- ↑ Millard W. S. (1932). "The founders of the Bombay Natural History Society". Journal of the Bombay Natural History Society. 35. No. 1 & 2: 196–197.
{{cite journal}}: CS1 maint: numeric names: authors list (link) - ↑ Reuben, Rachel (2005). "The Indian Founders". Hornbill (April–June): 13–15.
- ↑ Govind Chimnaji Bhate (1860). History Of Modern Marathi Literature.
- ↑ The Bombay University Calendar for the year 1886-87. p. 293.
- ↑ Abstract of the Report of the Leprosy Commission in India 1893. p. 57.
- ↑ Chandra, Sudhir (2008). "Rukhmabai and Her Case". In Chandra, Sudhir (ed.). Enslaved Daughters. Oxford University Press. pp. 15–41. doi:10.1093/acprof:oso/9780195695731.003.0001. ISBN 9780195695731.
- ↑ Dhumatkar, Abhida S. (2004). "Balaji Prabhakar Modak - A nineteenth century science propagator in Maharashtra" (PDF). Indian Journal of History of Science. 39 (3): 307–334.
- ↑ "Bombay Medical Union". The Times of India. 25 February 1909. p. 9.
- ↑ AIR 1988 Bom 321, 1988 - Vaman Ganpatrao Trilokekar and others vs Malati Ramchandra Raut And others on 18 November 1987 - Bombay High Court
