ഷൌക്കത്ത് മിർസിയോയേവ്
ഷൌക്കത്ത് മിർസിയോയേവ് (Uzbek Cyrillic and Russian: Шавкат Миромонович Мирзиёев; ജനനം. 24 ജൂലൈ 1957[1][2]) ഒരു ഉസ്ബക്ക് രാഷ്ട്രീയപ്രവർത്തകനും 2016 മുതൽ ഉസ്ബക്കിസ്ഥാൻറെ പ്രസിഡൻറുമാണ്. മുമ്പ് 2003[3][4] മുതൽ 2016 വരെ അദ്ദേഹം ഉസ്ബക്കിസ്ഥാനെ പ്രധാനമന്ത്രിയായിരുന്നു.
.jpg)
ഷൌക്കത്ത് മിർസിയോയേവ് Шавкат Мирзиёев | |
|---|---|
| 2nd President of Uzbekistan | |
പദവിയിൽ | |
| ഓഫീസിൽ 14 December 2016 Acting: 8 September 2016 – 14 December 2016 | |
| പ്രധാനമന്ത്രി | Abdulla Aripov |
| മുൻഗാമി | Nigmatilla Yuldashev (Acting) |
| Prime Minister of Uzbekistan | |
| ഓഫീസിൽ 12 December 2003 – 14 December 2016 | |
| രാഷ്ട്രപതി | Islam Karimov Nigmatilla Yuldashev (Acting) |
| Deputy | Abdulla Aripov Ergash Shoismatov Abdulla Aripov |
| മുൻഗാമി | Oʻtkir Sultonov |
| പിൻഗാമി | Abdulla Aripov |
| വ്യക്തിഗത വിവരങ്ങൾ | |
| ജനനം | Shavkat Miromonovich Mirziyoyev 24 ജൂലൈ 1957 Jizzakh Region, Soviet Union (now Uzbekistan) |
| രാഷ്ട്രീയ കക്ഷി | Self-Sacrifice National Democratic Party National Revival Democratic Party (2008–2016) Liberal Democratic Party (2016–present) |
| പങ്കാളി | Ziroatkhon Hoshimova |
| അൽമ മേറ്റർ | Tashkent Institute of Irrigation and Melioration |
പ്രസിഡന്റ് ഇസ്ലാം കരിമോവിൻറെ മരണശേഷം, സുപ്രീം അസംബ്ലി, 2016 സെപ്റ്റംബർ 8-ന് ഉസ്ബക്കിസ്ഥാൻറെ ഇടക്കാല പ്രസിഡൻറായി അദ്ദേഹത്തെ ആയി നിയമിച്ചിരുന്നു.[5] പിന്നീട് 2016-ൽ നടന്ന പ്രസിഡന്റ് തെരഞ്ഞെടുപ്പിൽഅദ്ദേഹം 88.6% വോട്ട് നേടി പ്രസിഡന്റായി തിരഞ്ഞെടുക്കപ്പെടുകയും, 2016 ഡിസംബർ 14 ന് സത്യപ്രതിജ്ഞ ചെയ്ത് അധികാരമേറ്റെടുക്കുകയും ചെയ്തു. 2021 ഒക്ടോബറിൽ ഷവ്കത് മിർസിയോവ് ഉസ്ബെക്കിസ്ഥാന്റെ പ്രസിഡന്റായി വീണ്ടും തിരഞ്ഞെടുക്കപ്പെട്ടു.
ജീവിതരേഖ
തിരുത്തുക1981-ൽ മിർസിയോയേവ് താഷ്കൻറ് ഇൻസ്റ്റിറ്റ്യൂട്ട് ഓഫ് ഇറിഗേഷൻ & മെലിയൊറേഷനിൽനിന്ന് ബിരുദം നേടി. ടെക്നോളജിക്കൽ സയൻസസിൽ അദ്ദേഹത്തിന് പി.എച്ച്.ഡി. എടുത്തിട്ടുണ്ട്.[6] 1996 മുതൽ 2001 സെപ്തംബർ വരെയുള്ള കാലഘട്ടത്തിൽ അദ്ദേഹം ജിസ്സാക്കി മേഖലയിലെ ഗവർണർ (ഹക്കീം) ആയി സേവനമനുഷ്ഠിച്ചിരുന്നു. 2001 സെപ്തംബർ മുതൽ 2003 ൽ പ്രധാനമന്ത്രിയായി നിയമിതനാകുന്നതുവരെ അദ്ദേഹം സമർഖണ്ഡ് പ്രദേശത്തിന്റെ ഗവർണ്ണറായിരുന്നു.[7] 2003 ഡിസംബർ 12 ന് പ്രസിഡൻറ് ഇസ്ലാം കരിമോവ് അദ്ദേഹത്തെ പ്രധാനമന്ത്രിയായി നാമനിർദ്ദേശം ചെയ്യുകയും ഉസ്ബെക് പാർലമെൻറ് നാമനിർദ്ദേശത്തിന് അംഗീകാരം നൽകുകയും ചെയ്തു. പ്രധാനമന്ത്രിയായിരുന്ന ഒറ്റ്കിർ സുൽത്തോനോവിൻറെ പകരക്കാരനായിട്ടാണ് ഈ സ്ഥാനത്തേയ്ക്ക് ഉയർത്തപ്പെട്ടത്. അദ്ദേഹത്തിൻറെ ഡപ്യൂട്ടി എർഗാഷ് ഷോയിസ്‍മാറ്റോവ് ആണ്.[8]
2006 സെപ്റ്റംബർ 25-ന് തെക്കൻ കൊറിയയുടെ പ്രധാനമന്ത്രിയായിരുന്ന ഹാൻ മൈയോങ്-സൂക്കും മിർസിയോയേവും താഷ്കെൻറിൽവച്ച് ഒരു കൂടിക്കാഴ്ച നടത്തുകയും നിരവധി കരാറുകൾ ഒപ്പിടുകയും ചെയ്തു. ഈ കരാറുകളിലൊന്ന്, 2010 മുതൽ 2014 വരെയുള്ള കാലത്ത് ഓരോ വർഷവും ഉസ്ബക്കിസ്ഥാൻ 300 ടൺ ഉസ്ബക് യൂറേനിയം അയിര് തെക്കൻ കൊറിയയിലേയ്ക്ക് അയക്കണമെന്നുള്ളതായിരുന്നു. നേരത്തേ ദക്ഷിണ കൊറിയയിലേയ്ക്കുള്ള ഉസ്ബെക്ക് യുറേനിയം അയിര് ഇറക്കുമതിക്ക് ഇടനിലക്കാരായി പ്രവർത്തിച്ചിരുന്ന യുഎസ് കമ്പനികളെ ഈ കരാർ പ്രകാരം ഒഴിവാക്കുവാൻ സാധിച്ചു. പ്രസിഡന്റ് ഇസ്ലാം കരിമോവ്, പാർലമെൻറ് സ്പീക്കർ എർകിൻ ക്സാലിലോവ് എന്നിവരുമായും ഹാൻ മൈയോങ്ങ്-സൂക്കും കൂടിക്കാഴ്ച നടത്തിയിരുന്നു.
ഊർജം, കൃഷി, നിർമ്മാണ മേഖല, വാസ്തുവിദ്യ, വിവര സാങ്കേതിക വിദ്യ എന്നീ മേഖലകളിൽ രാജ്യങ്ങൾ തമ്മിലുള്ള സഹകരണവും മിർസിയോയേവും ഹാൻ മൈയോങ്ങ് സൂക്കും ഊട്ടിയുറപ്പിച്ചു.സൗത്ത് കൊറിയയും ഉസ്ബക്കിസ്ഥാനും തമ്മിലുള്ള വ്യവസായം 2005 നും 2006 നും ഇടയിൽ 40% വർധിച്ച് 565 ദശലക്ഷം ഡോളറിലെത്തിയിരുന്നു.[9]
പ്രസിഡൻറ് പദം
തിരുത്തുകസമർഖണ്ഡ് ഗോത്രത്തിലെ അംഗമായിരുന്ന മിർസിയോയേവ്, ഉസ്ബക്കിസ്ഥാൻ പ്രസിഡന്റ് എന്ന നിലയിൽ ഇസ്ലാം കരിമോവിൻറെ ഒരു പ്രധാന പിൻഗാമിയായി പരിഗണിക്കപ്പെട്ടിരുന്നു. കരിമോവിൻറെ പത്നിയായിരുന്ന തത്യാന കരിമോവ, ദേശീയ സുരക്ഷാ കൌൺസിൽ ചെയർമാൻ റസ്തം ഇനോയാറ്റോവ് എന്നിവരുമായി മിർസിയോയേവ് സൗഹൃദ ബന്ധം കാത്തുസൂക്ഷിച്ചിരുന്നു.[10] കരിമോവിൻറെ മരണശേഷം 2016 സെപ്തംബർ 2 ന് മിർസിയോയേവ് പ്രസിഡൻറൻറെ ശവസംസ്കാരം സംഘടിപ്പിക്കുന്ന കമ്മിറ്റിയുടെ തലവൻ ആയി നിയമിക്കപ്പെട്ടു.[11] കരിമോവിൻറെ പിൻഗാമിയായി മിർസിയോയേവ് നിയമിതനാകുമെന്നതിൻറെ ഒരു സൂചനയായിരുന്നു അത്.[12] 2016 സെപ്തംബർ 8 ന് പാർലമെൻറിൻറെ രണ്ട് സഭകളുടേയും സംയുക്ത സമ്മേളനത്തോടെ ഉസ്ബക്കിസ്ഥാനിലെ ഇടക്കാല പ്രസിഡന്റായി അദ്ദേഹം നിയമിക്കപ്പെട്ടു. സെനറ്റിൻറെ ചെയർമാനായിരുന്ന നിഗ്മറ്റില്ല യുൾഡാഷേവ് ഭരണഘടനാപരമായി നിലയില് കരിമോവിൻറെ പിൻഗാമിയായി അംഗീകരിക്കപ്പെട്ടിരുന്നുവെങ്കിലും മിർസിയോയേവിൻറെ വർഷങ്ങളുടെ അനുഭവ സമ്പത്ത് പരിഗണിച്ച് യൽദേഷേവ്, പകരമായി മിർസിയോയേവിൻറെ പേര് ഇടക്കാല പ്രസിഡൻറായി നിർദ്ദേശിക്കുകയായിരുന്നു.[13] കിർഗിസ്ഥാൻ, താജിക്കിസ്ഥാൻ തുടങ്ങിയ രാജ്യങ്ങളുമായുള്ള സൌഹൃദബന്ധം വീണ്ടെടുക്കാൻ മിർസിയോയേവിന് സാധിക്കുമെന്നും പ്രതീക്ഷിച്ചിക്കപ്പെട്ടിരുന്നു.
കിർഗിസ്ഥാനുമായിട്ടുണ്ടായിരുന്ന നീണ്ടകാലത്തെ അതിർത്തി തർക്കം പരിഹരിക്കാനുള്ള നടപടികൾ തുടങ്ങുകയും ഉസ്ബക്കിസ്താൻ, താജിക്കിസ്ഥാൻ തലസ്ഥാനങ്ങളുടെ ഇടയിൽ 1992 നുശേഷം മുടങ്ങിക്കിടന്ന പതിവ് വിമാന സർവീസുകൾ 2017 ജനുവരി ആദ്യവാരത്തിൽ പുനരാരംഭിക്കാൻ തീരുമാനിക്കുകയും ചെയ്തു.[14][15]
മിർസിയോയേവ് ലിബറൽ ഡെമോക്രാറ്റിക് പാർട്ടി സ്ഥാനാർത്ഥിയായി 2016 ലെ പ്രസിഡന്റ് തെരഞ്ഞെടുപ്പിൽ മത്സരിക്കുമെന്ന് 2016 ഡിസംബറിൽ തെരഞ്ഞെടുപ്പ് കമ്മീഷൻ പ്രഖ്യാപിച്ചു.[16] 2016 ഡിസംബർ 4 ന് നടന്ന തെരഞ്ഞെടുപ്പിൽ ഔദ്യോഗിക ഫലപ്രഖ്യാപനമനുസരിച്ച്, മിർസിയോയേവ്, 88.6% വോട്ടുകൾ നേടുകയും മൂന്ന് അപ്രധാന സ്ഥാനാർത്ഥികളെ തോൽപ്പിക്കുകയും ചെയ്തു.
വിദേശനയം
തിരുത്തുകമിർസിയോയേവിൻറെ വിദേശനയം അദ്ദേഹത്തിൻറെ മുൻഗാമിയുടെ നയത്തേക്കാൾ തുറന്നതായിരുന്നു.
സ്വകാര്യജീവിതം
തിരുത്തുകഅദ്ദേഹത്തിൻറ പിതാവ്, മിറോമൊനോൺ മിർസിയോയേവ് അദ്ദേഹത്തിൻറെ ജീവിതത്തിൻറെ മരണം വരെ ഒരു ഭിഷഗ്വരനായിട്ടാണ് ജോലി ചെയ്തിരുന്നത്. സാമിനിലെ ക്ഷയരോഗ ചികിത്സാകേന്ദ്രത്തിൻറെ ചികിത്സാ തലവനായിരുന്നു അദ്ദേഹം. അദ്ദേഹത്തിന് രണ്ടു സഹോദരിമാരും ഒരു അർദ്ധ സഹോദരനും ഒരു സഹോദരിയുമാണുണ്ടായിരുന്നത്. മിർസിയോയേവിന് രണ്ട് പുത്രിമാരും ഒരു പുത്രനും അഞ്ച് കൊച്ചുമക്കളുമാണുള്ളത്.[17]
അവലംബം
തിരുത്തുക- ↑ "ആർക്കൈവ് പകർപ്പ്". Archived from the original on 2012-07-12. Retrieved 2017-11-08.
- ↑ "Издательский дом Коммерсантъ". kommersant.ru.
- ↑ Brief profile of Mirziyoyev Archived 2007-11-16 at the Wayback Machine., Radio Free Europe/Radio Liberty.
- ↑ "South Korea, Uzbekistan Sign Uranium Deal", RadioFreeEurope/RadioLiberty, September 25, 2006.
- ↑ "Uzbekistan PM Mirziyoyev named interim president". Retrieved 9 September 2016.
- ↑ Гахокидзе, Ольга (2 September 2016). "Организацией похорон Каримова займется его возможный преемник" (in റഷ്യൻ). Readus. Retrieved 3 September 2016.
- ↑ Brief profile of Mirziyoyev Archived 2007-11-16 at the Wayback Machine., Radio Free Europe/Radio Liberty.
- ↑ "Uzbekistan: Political structure". Economist Intelligence Unit. 2010-03-10. Retrieved 2011-01-13.[പ്രവർത്തിക്കാത്ത കണ്ണി]
- ↑ "South Korea, Uzbekistan Sign Uranium Deal", RadioFreeEurope/RadioLiberty, September 25, 2006.
- ↑ "Uncertainty over President Islam Karimov's condition roils Uzbekistan". Washington Post. 30 August 2016. Retrieved 1 September 2016.
- ↑ "Комиссию по организации похорон Каримова возглавил премьер Шавкат Мирзиёев" (in റഷ്യൻ). Kommersant. 2 September 2016. Retrieved 3 September 2016.
- ↑ Гахокидзе, Ольга (2 September 2016). "Организацией похорон Каримова займется его возможный преемник" (in റഷ്യൻ). Readus. Retrieved 3 September 2016.
- ↑ "Reports: Uzbekistan Appoints Mirziyaev As Interim President". Radio Free Europe/Radio Liberty. Retrieved 8 September 2016.
- ↑ "Uzbekistan: Mirziyoyev Flirting With Regional Reset?". Eurasianet.org. Retrieved 29 September 2016.
- ↑ https://www.ft.com/content/92a19386-baf0-11e6-8b45-b8b81dd5d080
- ↑ "Uzbekistan's acting president to run in December election", Radio Free Europe/Radio Liberty, 16 September 2016.
- ↑ "Biography of the candidate for President of the Republic of Uzbekistan Shavkat Miromonovich Mirziyoyev | Uzbekistan". www.un.int (in ഇംഗ്ലീഷ്). Retrieved 2017-09-27.