സുരേഷ് പിള്ള
കേരളത്തിൽ നിന്നുള്ള ഒരു പാചക വിദഗ്ദനും, അവതാരകനുമാണ് സുരേഷ് പിള്ള എന്ന ഷെഫ് പിള്ള (ജനനം 25 ഏപ്രിൽ 1978). ബിബിസിയുടെ മാസ്റ്റർ ഷെഫ് റിയാലിറ്റി ഷോയിൽ മത്സരാർത്ഥിയായിരുന്നു അദ്ദേഹം[1].
ജീവിതരേഖ
തിരുത്തുകകേരളത്തിലെ കൊല്ലം ജില്ലയിലെ തെക്കുംഭാഗം എന്ന സ്ഥലത്ത് ശശിധരൻ പിള്ളയുടെയും രാധമ്മയുടെയും മകനായാണ് സുരേഷ് പിള്ള ജനിച്ചത്.[2] ചവറ സൗത്തിലെ ജിപിഎച്ച്എസ്എസിൽ നിന്ന് സ്കൂൾ വിദ്യാഭ്യാസം പൂർത്തിയാക്കി. ചെസ്സ് കളിക്കാരനായിരുന്ന അദ്ദേഹം നിരവധി സംസ്ഥാന, ദേശീയ തല മത്സരങ്ങളിൽ പങ്കെടുത്തിട്ടുണ്ട്.[3]
ഹൈസ്കൂൾ വിദ്യാഭ്യാസത്തിന് ശേഷം കേരളത്തിലെ കൊല്ലത്തെ ഒരു റെസ്റ്റോറന്റിൽ വെയിറ്ററായാണ് സുരേഷ് തന്റെ തൊഴിൽ ആരംഭിക്കുന്നത്.[2] പിന്നീട് ബാംഗ്ലൂരിലേക്ക് താമസം മാറിയ പിള്ള ആറ് വർഷത്തോളം അവിടെ ഹെഡ് ഷെഫായി ജോലി ചെയ്തു. ദ ലീല, ലണ്ടനിലെ വീരസ്വാമി എന്നീ റെസ്റ്റോറന്റുകളിലായി[4] ജോലി ചെയ്ത അദ്ദേഹം നിലവിൽ കൊല്ലത്തുള്ള റാവിസ് ഹോട്ടലിൽ കോർപറേറ്റ് ഷെഫ്, കുളിനറി ഡയരക്റ്റർ എന്നീ പദവികൾ വഹിക്കുന്നു[5].
അവലംബം
തിരുത്തുക- ↑ "A Masterchef from Kerala". Deccan Chronicle. Retrieved September 21, 2020.
- ↑ 2.0 2.1 "Suresh Pillai on his experiments with food". The Hindu. March 30, 2018.
- ↑ "Chef Pillai and his Michelin Star Journey". Kerala Insider. January 15, 2020.
- ↑ "Chef Suresh Pillai's #CookForKerala aims to raise funds for the flood-affected". The New Indian Express. September 10, 2018.
- ↑ "Fresh Fare". The New Indian Express. September 10, 2018.