ശ്രിഷ് ചന്ദ്ര മിത്ര
ശ്രിഷ് ചന്ദ്ര മിത്ര അഥാവ ഹബു ഒരു ബംഗാളി വിപ്ലവകാരിയും ഇന്ത്യൻ സ്വാതന്ത്ര്യ സമരത്തിന്റെ ഒരു സജീവ പ്രവർത്തകനുമായിരുന്നു.
വിപ്ലവ പ്രവർത്തനങ്ങൾ തിരുത്തുക
ശ്രിഷ് ചന്ദ്ര മിത്ര, ഹൌറാ ജില്ലയിലെ അംതയിലുള്ള റാസ്പുർ ഗ്രാമത്തിലാണു ജനിച്ചത്. ഹബു മിത്ര എന്ന അപരനാമത്തിലാണ് അദ്ദേഹം പൊതുവേ അറിയപ്പെട്ടിരുന്നത്.[1] അദ്ദേഹം അനുശീലൻ സമിതിയിൽ ചേർന്നു പ്രവർത്തിക്കുകയും ബ്രിട്ടീഷ് തോക്കു നിർമാതാക്കളായ റോഡ്ഡ കമ്പനിയിൽ ജീവനക്കാരനായി ജോലിയിൽ പ്രവേശിക്കുകയും ചെയ്തു. 1914 ആഗസ്റ്റ് മാസത്തിൽ കമ്പനിയുടെ പ്രധാന ആയുധങ്ങളും വെടിക്കോപ്പുകളുമടങ്ങിയ ചരക്കു നീക്കത്തെക്കുറിച്ച് അറിവുണ്ടായിരന്ന മിത്ര, ഈ ആയുധങ്ങൾ വിപ്ലവകാരികൾക്കുവേണ്ടി കൊള്ളയടിക്കാൻ ഒരു പദ്ധതി തയ്യാറാക്കി. ആഗസ്റ്റ് 26 ന് കൊൽക്കത്തയിലെ കസ്റ്റംസ് ഹൗസിൽ എത്തിയ അദ്ദേഹം റോഡാ ആൻഡ് കമ്പനിയ്ക്കുവേണ്ടി ഏഴ് കാളവണ്ടികളിലായി ചരക്കുകൾ ഏറ്റുവാങ്ങുവാനെത്തി. ജുഗാന്തറിലെ ഒരു പ്രവർത്തകനായിരുന്ന ഹരിദാസ് ദത്ത കാളവണ്ടിക്കാരന്റെ വേഷത്തിൽ ഈ വണ്ടികളിലൊന്നിൽ അദ്ദേഹത്തോടൊപ്പം എത്തിയിരുന്നു. റോഡ്ഡ കമ്പനിക്കു വേണ്ട ആകെ 202 പെട്ടികൾ മിത്ര സ്വീകരിക്കുകുയും ശ്രിഷ് പാൽ, ഖഗേന്ദ്ര നാത് ദാസ് എന്നിവരുടെ അകമ്പടിയോടെ കൊള്ളയടിച്ച വെടിക്കോപ്പുകൾ മിഷൻ റോ വഴി മോണോൻഗ ലെയിനിലേയ്ക്കു കടത്തുകയും ചെയ്തു.[2][3] റോഡ്ഡ കമ്പനിയുടെ ആയുധക്കൊള്ളയുടെ മുഖ്യ സൂത്രധാരയായിരുന്നു മിത്രയെന്ന് ബ്രിട്ടീഷ് പോലീസ് വിവരിച്ചു. ദി സ്റ്റേറ്റ്സ്മാൻ അതിന്റെ 1914 ഓഗസ്റ്റ് 30-ലെ പതിപ്പിൽ ഇതിനെ വിശേഷിപ്പിച്ചത് 'ഏറ്റവും വലിയ പകൽക്കൊള്ള’യെന്നാണ്.[4]
മരണം തിരുത്തുക
അനുശീലൻ സമിതിയുടെ നിർദ്ദേശപ്രകാരം ശ്രിഷ് ചന്ദ്ര മിത്ര നിലവറയിൽ ഒളിച്ചു കഴിയുകയും അറസ്റ്റ് ഒഴിവാക്കാൻ വടക്കുകിഴക്കേ ഇന്ത്യയിലേക്ക് പാലായനം ചെയ്യുകയും ചെയ്തു. 1915 ൽ റോഡ് മാർഗ്ഗം ചൈനയിലേയ്ക്കു കടക്കുവാൻ തീരുമാനിക്കുകയും നിബിഡ വനത്തിലൂടെ സഞ്ചരിക്കവേ തന്റെ യാത്ര പൂർത്തീകരിക്കാനാവതെ അതിർത്തി രക്ഷാസേനയുടെ വെടിയേറ്റു കൊല്ലപ്പെടുകയും ചെയ്തു.[5][6]
അവലംബം തിരുത്തുക
- ↑ "শ্রীশ-স্মৃতিতে রসপুরে পতাকা ওঠে ২৬ অগস্ট". January 26, 2018. Retrieved July 15, 2018.
{{cite web}}: Cite has empty unknown parameter:|dead-url=(help) - ↑ "Rodda Case - a Daring Robbery". Archived from the original on 2018-09-23. Retrieved July 15, 2018.
{{cite web}}: Cite has empty unknown parameter:|dead-url=(help) - ↑ "Full text of Two Great Indian Revolutionaries". Retrieved July 15, 2018.
{{cite web}}: Cite has empty unknown parameter:|dead-url=(help) - ↑ Vol - I, Subodh Chandra Sengupta & Anjali Basu (2013). Sansad Bangali Charitavidhan (Bengali). Kolkata: Sahitya Sansad. p. 738. ISBN 978-81-7955-135-6.
- ↑ Volume 2, Śrīkr̥shṇa Sarala. "Indian Revolutionaries A Comprehensive Study, 1757-1961". Retrieved July 15, 2018.
{{cite web}}: Cite has empty unknown parameter:|dead-url=(help)CS1 maint: numeric names: authors list (link) - ↑ VOL - I, P. N. CHOPRA. "WHO'S WHO OF INDIAN MARTYRS". Retrieved July 15, 2018.
{{cite web}}: Cite has empty unknown parameter:|dead-url=(help)