വിക്റ്റോറിയ ആമസോണിക്ക

ആമസോൺ പ്രദേശത്ത് കാണുന്ന വലിയ ഒരിനം ആമ്പലാണ്‌ വിക്റ്റോറിയ റീജിയ അഥവാ വിക്റ്റോറിയ ആമസോണിക്ക. ആമ്പലുകളുടെ കുടുംബമായ Nymphaeaceae കുടുംബത്തിലെ ഏറ്റവും വലിപ്പമേറിയതാണ്‌ ഇത്. ഗയാനയിലെ ദേശീയ പുഷ്പമാണിത്.

വിക്റ്റോറിയ റീജിയ
Illustration by Walter Fitch
ശാസ്ത്രീയ വർഗ്ഗീകരണം
കിങ്ഡം:	Plantae
Division:	Magnoliophyta
Class:	Magnoliopsida
Order:	Nymphaeales
Family:	Nymphaeaceae
Genus:	Victoria
Species:	V. amazonica
Binomial name
Victoria amazonica Sowerby

ഇതിന്റെ ഇലകൾക്ക് 2 മീറ്ററോളം വ്യാസമുണ്ടാകും. 50 കിലോഗ്രാം ഭാരം താങ്ങാനുള്ള ശേഷിയും ഇലകൾക്കുണ്ട്. ആമസോൺ മേഖലയിലെ തദ്ദേശീയർ ഇതിനെ ജലത്തളിക (water platter) എന്നാണ്‌ വിളിക്കുന്നത്.

ലണ്ടനിലെ ക്രിസ്റ്റൽ കൊട്ടാരത്തിന്റെ സ്ഫടികമേൽക്കൂരയുടെ രൂപകല്പ്പനക്ക് ശില്പിയായ ജോസഫ് പാക്റ്റണ്‌ പ്രചോദനമായത് ഈ ആമ്പലിന്റെ ഇലയുടെ ബലിഷ്ഠമായ ഘടനയാണ്‌.

വിക്റ്റോറിയ ആമസോണിക്കയുടെ ഇലകൾ

പേരിനു പിന്നിൽ

1837-ൽ വിക്റ്റോറിയ രാജ്ഞിയോടുള്ള ആദരസൂചകമായാണ്‌ ഈ ആമ്പലിന്‌ വിക്റ്റോറിയ റീജിയ എന്നു പേരിട്ടത്.

ഇതും കാണുക

• ആമ്പൽ