വള്ളംകുളം

പത്തനംതിട്ട ജില്ലയിലെ ഒരു ഗ്രാമം

പത്തനംതിട്ട ജില്ലയിലെ തിരുവല്ലാ താലുക്കിൽ ഉൾപ്പെടുന്ന കോയിപ്രം ബ്ലോക്കിലുള്ള ഇരവിപേരൂർ ഗ്രാമപഞ്ചായത്തിലെ ഒരു ഗ്രാമം ആണ് വള്ളംകുളം. തിരുവല്ലാ നഗരത്തിൽ നിന്നും ഏകദേശം 6 കിലോമീറ്റർ അകലെ തിരുവല്ലാ- കുമ്പഴ സ്റ്റേറ്റ് ഹൈവേയിലാണ് (എസ് എച്ച്- 7) വള്ളംകുളം സ്ഥിതി ചെയ്യുന്നത്. കേരള നിയമസഭയിൽ ആറന്മുള നിയോജക മണ്ഡലപരിധിയിലും, പാർലമെന്റിൽ പത്തനംതിട്ട നിയോജക മണ്ഡല പരിധിയിലും ഈ സ്ഥലം ഉൾപ്പെടുന്നു. വിദ്യാഭ്യാസ, സാമ്പത്തിക, ആരോഗ്യ മേഖലകളിൽ ഈ പ്രദേശം നല്ല മികവു പുലർത്തുന്നു. പ്രൈമറി മുതൽ ഹൈ സ്കൂൾതലം വരെയുള്ള പഠന സൗകര്യം നൽകുന്ന വിദ്യാഭ്യാസ സ്ഥാപനങ്ങളും, പ്രാഥമിക ആരോഗ്യ സംരക്ഷണത്തിനുതകുന്ന അനേകം കേന്ദ്രങ്ങളും ഈ ഗ്രാമത്തിലുണ്ട്.

പ്രധാന സ്ഥാപനങ്ങൾ തിരുത്തുക

ഗ്രാമത്തിലെ ഏക ഹൈസ്കൂൾ ആയ നാഷണൽ ഹൈസ്കൂൾ, നന്നൂരിൽ സ്ഥിതി ചെയ്യുന്ന ഗവണ്മെന്റ് ആയുർവേദ ഡിസ്പെൻസറി, വള്ളംകുളത്തുള്ള കാർത്തികാ നായർ മെമ്മോറിയൽ എൻ.എസ്.എസ് ആയുർവേദ ആശുപത്രി,വള്ളംകുളം സർവീസ് സഹകരണ ബാങ്ക് എന്നിവയാണ് പ്രമുഖസ്ഥാപനങ്ങൾ.

പ്രധാന ആരാധനാലയങ്ങൾ തിരുത്തുക

നന്നൂർ ദേവിക്ഷേത്രം, തിരുവാമനപുരം വാമനമൂർത്തി ക്ഷേത്രം, പുത്തൻകാവുമല മഹാദേവർ ക്ഷേത്രം, സെൻറ് മേരീസ് ഓർത്തഡോക്സ് ചർച്ച് മുതലായ ആരാധനാലയങ്ങൾ ഈ ഗ്രാമത്തിൽ നിലകൊള്ളുന്നു.

സാമ്പത്തികസ്ഥിതി തിരുത്തുക

ജില്ലയുടെ മറ്റു ഭാഗങ്ങളിലെ പോലെ തന്നെ, ഈ ഗ്രാമത്തിന്റെ പ്രതിശീർഷ വരുമാനത്തിന്റെ ഏറിയ പങ്കും വിദേശ രാജ്യങ്ങളിൽ ജോലി ചെയ്യുന്ന പ്രവാസി സമൂഹത്തിന്റെ സംഭാവന ആണ്. ഗ്രാമത്തിന്റെ സിംഹഭാഗവും പഞ്ചായത്ത് റോഡുകളും, മറ്റു പ്രമുഖ റോഡുകളും വഴി തിരുവല്ല- കുമ്പഴ റോഡുമായി ബന്ധിക്കപ്പെട്ടിരിക്കുന്നു. കേരള സ്റ്റേറ്റ് റോഡ്‌ ട്രാൻസ്പോർട്ട് കോർപറേഷനും, ചില സ്വകാര്യ ബസുകളും ഗ്രാമത്തിൽ കൂടി തങ്ങളുടെ സർവിസുകൾ നടത്തുന്നുണ്ട്.

അവലംബം തിരുത്തുക

"https://ml.wikipedia.org/w/index.php?title=വള്ളംകുളം&oldid=3333934" എന്ന താളിൽനിന്ന് ശേഖരിച്ചത്