വന്ദന ജെയിൻ

ഇന്ത്യക്കാരിയായ കോർണിയ, തിമിര, ലാസിക് ഐ സ്പെഷ്യലിസ്റ്റ് ആണ് വന്ദന ജെയിൻ. നവി മുംബൈയിലെ അഡ്വാൻസ്ഡ് ഐ ഹോസ്പിറ്റൽ ആന്റ് ഇൻസ്റ്റിറ്റ്യൂട്ടിന്റെ സ്ഥാപക ഡയറക്ടറാണ് അവർ.

മെഡിക്കൽ പരിശീലനം

വന്ദന ജനിച്ചതും വളർന്നതും ന്യൂഡൽഹിയിലാണ്. പ്രശസ്തമായ മൗലാന ആസാദ് മെഡിക്കൽ കോളേജിൽ നിന്ന് മെഡിക്കൽ ബിരുദം നേടിയ ശേഷം മൗലാന ആസാദ് മെഡിക്കൽ കോളേജുമായി അഫിലിയേറ്റ് ചെയ്തിട്ടുള്ള ഗുരു നാനാക്ക് ഐ സെന്ററിൽ നിന്ന് നേത്രരോഗത്തിൽ റെസിഡൻസി നേടി. അതിന് ശേഷം ഹൈദരാബാദിലെ പ്രശസ്തമായ എൽവി പ്രസാദ് ഐ ഇൻസ്റ്റിറ്റ്യൂട്ടിൽ നിന്ന് ആന്റീരിയർ സെഗ്മെന്റ് സേവനങ്ങളിൽ ദീർഘകാല ഫെലോഷിപ്പ് പൂർത്തിയാക്കി.

പ്രസിദ്ധീകരണങ്ങൾ

• മുപ്പതിലധികം ദേശീയ അന്തർ‌ദ്ദേശീയ പിയർ റിവ്യൂഡ് പ്രസിദ്ധീകരണങ്ങളിൽ വന്ദനയുടെ ലേഖനങ്ങൾ പ്രസിദ്ധീകരിച്ചിട്ടുണ്ട്.
• കോർണിയ രോഗങ്ങളിൽ മാത്രമായി പരിശീലനം ലഭിച്ച ചുരുക്കം ചില നേത്രരോഗവിദഗ്ദ്ധരിൽ ഒരാളായ അവർ പ്രമുഖ പത്രങ്ങളിലും മാസികകളിലും ധാരാളമായി ഉദ്ധരിക്കപ്പെടുന്നു.
• പ്രമുഖ ഇന്ത്യൻ പത്രമായ ഡെക്കാൻ ഹെറാൾഡിന്റെ കോളമിസ്റ്റ് കൂടിയാണ് അവർ.
• മുംബൈ ആസ്ഥാനമായുള്ള ഒരു ഇംഗ്ലീഷ് ദിനപത്രം ഡെയ്‌ലി ന്യൂസ് ആൻഡ് അനാലിസിസ് - ഡി‌എൻ‌എയുടെ ആരോഗ്യ വിദഗ്ദ്ധയും കോളമിസ്റ്റുമാണ് - അവർ.