വടക്കൻ കണ്ണൻ നായർ

കേരളത്തിൽ നിന്നുള്ള ഒരു ഓട്ടൻ തുള്ളൽ കലാകാരനാണ് വടക്കൻ കണ്ണൻ നായർ. വടക്കൻ കേരളത്തിൽ തുള്ളൽ കലാരൂപത്തെ ജനകീയമാക്കുന്നതിൽ പ്രധാന പങ്ക് വഹിച്ചിട്ടുള്ള വ്യക്തിയാണ് അദ്ദേഹം. കേരളകലാമണ്ഡലത്തിലെ ആദ്യകാല തുള്ളൽ അദ്ധ്യാപകനായിരുന്ന അദ്ദേഹത്തിന്റെ പേരിൽ തുള്ളൽ കലാകാരന്മാർക്ക് വടക്കൻ കണ്ണൻ നായർ ആശാൻ സ്മൃതി പുരസ്‌കാരം എന്ന പേരിൽ ഒരു പുരസ്കാരം നൽകിവരുന്നുണ്ട്.

ജീവിത രേഖ

കാസർഗോഡ് ജില്ലയിൽ കുട്ടമത്ത് (ഇന്നത്തെ ചെറുവത്തൂർ) കണ്ണോത്ത് കണ്ണന്റെയും പയമ്പള്ളി വടക്കൻവീട്ടിൽ പാട്ടിയമ്മയുടെയും മകനായി 1897 ൽ ജനനം. പ്രാഥമിക വിദ്യാഭ്യാസത്തിനുശേഷം ഓട്ടൻതുള്ളൽ വിദഗ്‌ധൻ തേമനം വീട്ടിൽ ശങ്കരമാരാർ ആശാന്റെ കീഴിൽ ഓട്ടൻതുള്ളൽ പഠിച്ചു. ആറ് വർഷത്തോളം കേരളകലാമണ്ഡലത്തിൽ തുള്ളൽ അദ്ധ്യാപകനായി സേവനമനുഷ്ടിച്ചു.

പുരസ്കാരങ്ങളും അംഗീകാരങ്ങളും

• ബറോഡ മഹാരാജാവിൽനിന്ന് കീർത്തിമുദ്ര
• കേരള കലാമണ്ഡലം അദ്ദേഹത്തിന്റെ പേരിൽ പുരസ്കാരം ഏർപ്പെടുത്തിയിട്ടുണ്ട്