ലാൽഗുഡി ജി. ജെ. ആർ. കൃഷ്ണൻ
ജി. ജെ. ആർ. കൃഷ്ണൻ അല്ലെങ്കിൽ ലാൽഗുഡി കൃഷ്ണൻ എന്നറിയപ്പെടുന്ന ലാൽഗുഡി ഗോപാല അയ്യർ ജയരാമൻ രാധാകൃഷ്ണൻ ഒരു കർണാടക വയലിനിസ്റ്റും ഗായകനും സംഗീതസംവിധായകനുമാണ്. [1] പ്രസിദ്ധനായ കർണ്ണാട്ടിക് വയലിൻ വാദകനായിരുന്ന ലാൽഗുഡി ജി.ജയരാമന്റെ മകനും ശിഷ്യനുമാണ് അദ്ദേഹം. കാലങ്ങളായി, കൃഷ്ണൻ ലാൽഗുഡി വാദനരീതിയുടെ പാരമ്പര്യം പരിപോഷിപ്പിക്കുകയും പ്രചരിപ്പിക്കുകയും ചെയ്യുന്നു, അതോടൊപ്പം സ്വന്തം കലാപരമായ ഘടകങ്ങളും കൂടിച്ചേർന്നുമുണ്ട്. അദ്ദേഹത്തിന്റെ ശൈലി നിർവചിക്കുന്നത് സാങ്കേതികത, ഭാവ, ലയ, വയലിൻ മനുഷ്യശബ്‌ദത്തെ അടുത്ത് അനുകരിക്കണം എന്ന ധാരണയോടുള്ള ദാർശനികമായ അനുസരണമാണ്.
Lalgudi G. J. R. Krishnan | |
|---|---|
 Lalgudi G J R Krishnan performing | |
| പശ്ചാത്തല വിവരങ്ങൾ | |
| ജനനം | 15 April 1960 Chennai, India |
| വിഭാഗങ്ങൾ | Classical, fusion |
| തൊഴിൽ(കൾ) | Violinist, composer |
| ഉപകരണ(ങ്ങൾ) | Violin |
| വർഷങ്ങളായി സജീവം | 1973 – present |
| വെബ്സൈറ്റ് | http://www.lalgudigjrkrishnan.com/ |
ആദ്യകാല ജീവിതവും പശ്ചാത്തലവും
തിരുത്തുകവയലിൻ മാസ്റ്റർ ലാൽഗുഡി ജയരാമന്റെയും രാജലക്ഷ്മിയുടെയും മകനായാണ് ലാൽഗുഡി കൃഷ്ണൻ ജനിച്ചത്. കൊമേഴ്‌സിൽ ബിരുദാനന്തര ബിരുദവും കോസ്റ്റ് ആൻഡ് വർക്ക് അക്കൗണ്ടന്റും കമ്പനി സെക്രട്ടറി വിദ്യാഭ്യാസവും ഉണ്ടായിരുന്നിട്ടും കൃഷ്ണൻ തന്റെ ജീവിതം സംഗീത ജീവിതത്തിനായി സമർപ്പിച്ചു.
സംഗീതജീവിതം
തിരുത്തുക1973ലാണ് ലാൽഗുഡി ജി. ജെ. ആർ. കൃഷ്ണന്റെ അരങ്ങേറ്റം. പിതാവിന്റേതു പോലെ തന്നെ അദ്ദേഹത്തിന്റെ ശൈലിയും മനുഷ്യശാരീരത്തിനോട് ഏറ്റവും സാമ്യമുള്ള ശൈലിയാണ്. ലോകമെമ്പാടും സംഗീതപര്യടനങ്ങളുമായി അദ്ദേഹം ധാരാളം സഞ്ചരിക്കുന്നു.
- ജിജെആർ കൃഷ്ണൻ സാധാരണയായി തന്റെ സഹോദരി ലാൽഗുഡി വിജയലക്ഷ്മിയോടൊപ്പമാണ് വയലിൻ യുഗ്മമായി അവതരിപ്പിക്കാറുള്ളത്. [2]
- ജിജെആർ കൃഷ്ണന്റെ ലോകയാത്രകളിൽ ഇനിപ്പറയുന്നവ ഉൾപ്പെട്ടിട്ടുണ്ട്:
- ലിങ്കൺ സെന്റർ, ന്യൂയോർക്ക്
- സിംഗപ്പൂർ കലോത്സവത്തിൽ "സുനാദ പ്രവാഹം" എന്നൊരു സിംഫണി ജൂൺ 2004 ൽ-ജിജെആർ കൃഷ്ണൻ നടത്തിയിരുന്നു
- ട്രോപ്പിക്കൽ ഇൻസ്റ്റിറ്റ്യൂട്ട് ഓഫ് ആംസ്റ്റർഡാം
- ഇൻഡോ ആംസ്റ്റർഡാം ഫെസ്റ്റിവലിനുള്ള കൺസേർട്ട്‌ബോ-ആംസ്റ്റർഡാം
- സ്മിത്സോണിയൻ ഇൻസ്റ്റിറ്റ്യൂഷൻ-വാഷിംഗ്ടൺ, യുഎസ്എ
- പഴയ USSR-ലെ ഇന്ത്യൻ ഉത്സവം
- പർസെൽ റൂം, ലണ്ടൻ
പുരസ്കാരങ്ങൾ
തിരുത്തുകകൃഷ്ണൻ നേടിയ പുരസ്കാരങ്ങളിൽ ഇവ ഉൾപ്പെടുന്നു:
- 2022- മ്യൂസിക് അക്കാദമിയിൽ നിന്ന് സംഗീത കലാനിധി.
- 2017- ചെന്നൈയിലെ ഇന്ദിര ശിവശൈലം ഫൗണ്ടേഷനും മ്യൂസിക് അക്കാദമിയും നൽകുന്ന എട്ടാമത് ഇന്ദിരാ ശിവശൈലം എൻഡോവ്‌മെന്റ് മെഡൽ [3]
- 2015 - സംഗീത നാടക അക്കാദമി അവാർഡ് [4]
- 2009 - കലാസാഗരത്തിൽ നിന്നുള്ള സംഗീത കലാസാഗര അവാർഡ് (സംഗീതം, നൃത്തം, നാടകം എന്നിവയുടെ 42-ാമത് വാർഷിക സാംസ്കാരികോത്സവത്തിൽ സമ്മാനിച്ചത്)
- 2006 - കലൈമാമണി തമിഴ്‌നാട് ഇയൽ ഇസൈ നാടക മന്ദ്രം, തമിഴ്‌നാട് സർക്കാർ
- 1998 - കൽക്കി കൃഷ്ണമൂർത്തി സ്മാരക അവാർഡ്, കൽക്കി കൃഷ്ണമൂർത്തി മെമ്മോറിയൽ ട്രസ്റ്റിന്റെ കൽക്കി കൃഷ്ണമൂർത്തി ശതാബ്ദി വർഷം
- 1998 - ചെന്നൈയിലെ ശ്രീകൃഷ്ണ ഗാനസഭ, [5] [6] സംഗീത ചൂഡാമണി അവാർഡ് നൽകി.
- 1986 - ചെന്നൈയിലെ മ്യൂസിക് അക്കാദമിയുടെ മികച്ച വയലിനിസ്റ്റ് അവാർഡ്
ഡിസ്ക്കോഗ്രാഫി
തിരുത്തുക- ബോ റ്റു ദ വയലിൻസ്
അവലംബം
തിരുത്തുക- ↑ "Indian Heritage - Profiles of Artistes, Composers, Musicologists - K".
- ↑ "The Hindu : Friday Review Thiruvananthapuram / Music : Ragas of a festival". www.hindu.com. Archived from the original on 25 March 2008. Retrieved 13 January 2022.
- ↑ "Indira Sivasailam Foundation". isfoundation.in. Archived from the original on 2022-01-26. Retrieved 2021-06-10.
- ↑ "Sangeet Natak Akademi: President confers Sangeet Natak Akademi award, fellowship | Delhi News - Times of India". The Times of India (in ഇംഗ്ലീഷ്). Oct 4, 2016. Retrieved 2021-06-07.
- ↑ "Sri Krishna Gana Sabha - Sangeetha Choodamanis". krishnaganasabha.org. Archived from the original on 2019-10-27.
- ↑ "Sangeetha Choodamani", Wikipedia (in ഇംഗ്ലീഷ്), 2021-04-12, retrieved 2021-06-10