ലവ് രാജ് സിംഗ് ധർമ്മശക്തി
ഏറ്റവും കൂടുതൽ തവണ (ഏഴ് തവണ) എവറസ്റ്റ് കൊടുമുടി കീഴടക്കിയ ഇന്ത്യൻ പർവതാരോഹകനാണ് ലവ് രാജ് സിംഗ് ധർമ്മശക്തി. ഉത്തരാഖണ്ഡ് സംസ്ഥാനത്തിലെ കുമയോൺ ഹിമാലയയിലെ ബോണ സ്വദേശിയാണ്[1].
ലവ് രാജ് സിംഗ് ധർമ്മശക്തി | |
|---|---|
| ജനനം | കുമയോൺ ഉത്തരാഖണ്ഡ്, ഇന്ത്യ |
| ദേശീയത |  ഇന്ത്യ |
| തൊഴിൽ | അതിർത്തിരക്ഷാസേന അസിസ്റ്റന്റ് കമാൻഡന്റ് |
| അറിയപ്പെടുന്നത് | ഏറ്റവും കൂടുതൽ തവണ (ഏഴ് തവണ) എവറസ്റ്റ് കൊടുമുടി കീഴടക്കിയ ഇന്ത്യക്കാരൻ |
| പുരസ്കാരങ്ങൾ | പത്മശ്രീ, ടെൻസിംഗ് നോർഗെ ദേശീയ സാഹസിക അവാർഡ് |
പർവ്വതാരോഹണം
തിരുത്തുകഉത്തർപ്രദേശ് ടൂറിസം ഓഫീസിൽ സ്പെഷ്യൽ ഡ്യൂട്ടിയിൽ ജോലി ചെയ്തിരുന്ന 1990 ൽ നെഹ്‌റു ഇൻസ്റ്റിറ്റ്യൂട്ട് ഓഫ് മൗണ്ടനീയറിങ്ങിൽ (എൻ‌ഐ‌എം) നിന്ന് ബേസിക് മൗണ്ടനീയറിങ്, അഡ്വാൻസ്ഡ് മൗണ്ടനീയറിങ് കോഴ്സുകൾ പൂർത്തിയാക്കി. രക്ഷാപ്രവർത്തനത്തിൽ പ്രത്യേക പരിശീലനവും നേടി. ലഖ്‌നൗവിൽ നിന്നുള്ള ഒരു പർവതാരോഹണ സംഘത്തിന്റെ ഭാഗമായി 1989 ൽ ധർമ്മശക്തി 6861 മീറ്റർ ഉയരമുള്ള നന്ദ കോട്ട് കൊടുമുടി കയറി. 1992 ൽ 7516 മീറ്റർ ഉയരമുള്ള ലഡാക്കിലെ മാമോസ്റ്റോംഗ് കംഗ്രി, 6236 മീറ്റർ ഉയരമുള്ള നന്ദ ഭാനെർ എന്നീ കൊടുമുടികൾ കീഴടക്കി. 1997 ൽ 6309 മീറ്റർ ഉയരമുള്ള നന്ദ ഗുണ്ടി കൊടുമുടി കീഴടക്കി. 2012 ൽ ബി‌എസ്‌എഫ് ടീമിനൊപ്പം 8586 ഉയരമുള്ള കാഞ്ചൻ‌ജംഗ കൊടുമുടി കീഴടക്കി. 2012 ജൂൺ വരെ അദ്ദേഹം 38 ഓളം കൊടുമുടികൾ കയറി[2].
എവറസ്റ്റ് ദൗത്യം
തിരുത്തുക| തവണ | വർഷം | പര്യവേക്ഷണ സംഘം |
|---|---|---|
| ഒന്നാം തവണ | 1998 | 1998 സ്വാതന്ത്ര്യ സുവർണ്ണ ജൂബിലി എവറസ്റ്റ് പര്യവേഷണം |
| രണ്ടാം തവണ | 2006 | 2006 ബോർഡർ സെക്യൂരിറ്റി ഫോഴ്സ്(ബി എസ് എഫ്) എവറസ്റ്റ് പര്യവേഷണം |
| മൂന്നാം തവണ | 2009 | 2009 നെഹ്‌റു ഇൻസ്റ്റിറ്റ്യൂട്ട് ഓഫ് മൗണ്ടൈനീറിങ് എവറസ്റ്റ് പര്യവേഷണം |
| നാലാം തവണ | 2012 | 2012 ഇക്കോ എവറസ്റ്റ് പര്യവേഷണം |
| അഞ്ചാം തവണ | 2013 | 2013 |
| ആറാം തവണ | 2017 | 2017 ഏഷ്യൻ ട്രെക്കിങ്ങ് ONGC എക്കോ എവറസ്റ്റ് പര്യവേഷണം |
| ഏഴാം തവണ | 2018 | 2018 ബോർഡർ സെക്യൂരിറ്റി ഫോഴ്സ്(ബി എസ് എഫ്) എവറസ്റ്റ് പര്യവേഷണം |
ബഹുമതികൾ
തിരുത്തുക- 2003 - പർവതാരോഹണത്തിലെ മികച്ച നേട്ടത്തിന് ഇന്ത്യൻ പ്രധാനമന്ത്രിയുടെ ടെൻസിങ് നോർഗേ ദേശീയ സാഹസിക അവാർഡ്[3]
- 2003 - ഐ‌എം‌എഫ് സംഘടിപ്പിച്ച എവറസ്റ്റിന്റെ ഗോൾഡൻ ജൂബിലി ആഘോഷങ്ങൾക്ക് സർ എഡ്മണ്ട് ഹിലരി അവാർഡ്
- 2003 2006 & 2018 - ബി‌എസ്‌എഫിലെ മികച്ച പ്രകടനത്തിന് ഡയറക്ടർ ജനറൽ ബി‌എസ്‌എഫ് ഡി‌ജി‌സി‌ആർ (ഡയറക്ടർ ജനറലിന്റെ അഭിനന്ദന നിയമം) അവാർഡ്
- 2006 - എവറസ്റ്റ് ഉച്ചകോടിക്ക് ശേഷം കേന്ദ്ര ആഭ്യന്തരമന്ത്രിയുടെ മെമന്റോ
- 2009 - ഇന്ത്യൻ പർവതാരോഹണ ഫൗണ്ടേഷൻ പർവതാരോഹണത്തിലെ മികവിന് സ്വർണ്ണ മെഡൽ
- 2014 - പത്മശ്രീ[4]
- ഇന്ത്യൻ പർവതാരോഹണ ഫൗണ്ടേഷന്റെ സ്ഥിരം അംഗത്വം നൽകി ആദരിച്ചു
- നേപ്പാൾ സർക്കാർ ഉത്തരേന്ത്യയിലെ ടൂറിസം അംബാസഡറായി നിയമിച്ചു[5].
സ്വകാര്യജീവിതം
തിരുത്തുകദില്ലി സ്വദേശിനിയായ റീന കൗശൽ ആണ് ഭാര്യ.ഇവരും ഒരു പർവതാരോഹകയാണ്. 2009 ൽ 8 വനിതകളുടെ കാസ്‌പെർസ്‌കി കോമൺ‌വെൽത്ത് അന്റാർട്ടിക്ക പര്യവേഷണത്തിന്റെ ഭാഗമായി ദക്ഷിണധ്രുവത്തിലെ അന്റാർട്ടിക്കയുടെ തീരത്ത് സ്കീയിങ് നടത്തിയ ആദ്യത്തെ ഇന്ത്യൻ വനിത എന്ന റെക്കോർഡ് നേട്ടത്തിന് ഉടമയാണ് ഇവർ[6].
കൂടുതൽ കാണുക
തിരുത്തുകഅവലംബം
തിരുത്തുക- ↑ "BSF's Loveraj Singh Dharmshaktu sets national record, scales Mount Everest for seventh time-". www.indianexpress.com.
- ↑ "Love Raj Singh Dharmshaktu-". www.thehindu.com.
- ↑ "Raj Singh Dharmashaktu, prestigious Tenzing Norgay National Adventure Award in 2003.-". www.financialexpress.com.
- ↑ "Padma Shri for Love Raj Singh Dharmshaktu-". www.dashboard-padmaawards.gov.in. Archived from the original on 2022-05-16. Retrieved 2019-09-21.
- ↑ "Raj Singh Dharmashaktu, has been appointed a Tourism Ambassador of Nepal to north India by the Nepal government.-". www.ndtv.com.
- ↑ "Delhi girl becomes first Indian woman to ski to South Pole-". www.timesofindia.indiatimes.com.