റാവുള ഭാഷ

പ്രാദേശികമായി യെരവ അല്ലെങ്കിൽ അടിയാൻ എന്നറിയപ്പെടുന്ന റാവുളർ സംസാരിക്കുന്ന കർണാടകത്തിലെയും കേരളത്തിലെയും ദ്രാവിഡ ഭാഷയാണ് റാവുള ഭാഷ. ഇന്ത്യയിലെ ഭാഷാശാസ്ത്രത്തിലും സെൻസസിലും മലയാളം ഭാഷകൾ എന്ന വിഭാഗത്തിൽ ഇതിനെ തരംതിരിച്ചിരിക്കുന്നു. റാവുള ഭാഷ മലയാളത്തിൽ നിന്നും കുടക്, വയനാട് ജില്ലകളിലെ മറ്റ് ഗോത്രഭാഷാ വകഭേദങ്ങളിൽ നിന്നും നിന്നും വേർതിരിച്ചെടുക്കുന്ന നിരവധി പ്രത്യേകതകൾ പ്രകടിപ്പിക്കുന്നു. കർണാടകയിലെ കുടക് ജില്ലയിൽ 25,000 റാവുളരും (പ്രാദേശികമായി യെരവ എന്ന് വിളിക്കുന്നു) കേരളത്തിലെ വയനാട് ജില്ലയിൽ 1,900 റാവുളരും (പ്രാദേശികമായി അടിയൻ എന്ന് വിളിക്കുന്നു) ഈ ഭാഷ സംസാരിക്കുന്നു. കടം വാങ്ങുക എന്നർത്ഥമുള്ള യെരവലു എന്ന കന്നഡ വാക്കിൽ നിന്നാണ് യെരവ എന്ന പദം ഉണ്ടായത്.

റാവുള
ഉത്ഭവിച്ച ദേശം	ഇന്ത്യ
ഭൂപ്രദേശം	കേരളം, തമിഴ് നാട്
സംസാരിക്കുന്ന നരവംശം	41,000 റാവുള (2011 census)
മാതൃഭാഷയായി സംസാരിക്കുന്നവർ	26,563 (2011 census)
ഭാഷാകുടുംബം	ദ്രാവിഡം ദക്ഷിണം തമിഴ്–കന്നഡ തമിഴ്–കൊഡക് തമിഴ്–മലയാളം മലയാളം റാവുള
ഭാഷാ കോഡുകൾ
ISO 639-3	yea

സാംസ്കാരികം

ഷെരീഫ് ഈസ സംവിധാനം ചെയ്ത, പ്രശസ്ത സാമൂഹിക പ്രവർത്തക ദയാബായി മുഖ്യവേഷത്തിൽ അഭിനയിച്ച കാന്തൻ എന്ന ചലച്ചിത്രം റാവുള  ഭാഷയിലെ ആദ്യ ചലച്ചിത്രമാണ്. സുകുമാരൻ ചാലിഗദ്ദ എന്ന എഴുത്തുകാരൻ റാവുള ഭാഷയിൽ ശ്രദ്ധേയമായ കവിതകൾ രചിച്ചിട്ടുണ്ട്. കേരളത്തിലെ ആദ്യകാല ആദിവാസി രാഷ്ട്രീയത്തടവുകാരിലൊരാളായ പി കെ കരിയൻ തന്റെ ആത്മകഥയായ ഒരു റാവുളന്റെ ആത്മകഥ എന്ന പുസ്തകത്തിൽ റാവുളഭാഷയെ പരാമർശിക്കുന്നുണ്ട്.