റാറ്ററ്റൂയി

പിക്‌സാർ നിർമ്മാണവും ബ്യൂണ വിസ്റ്റ പിക്ചർസ്‌ വിതരണം നിർവ്വഹിച്ചു 2007-ൽ റിലീസ് ചെയ്ത ഒരു അമേരിക്കൻ അനിമേഷൻ കോമഡി ചിത്രമാണ് റാറ്ററ്റൂയി. പിക്സാറിന്റെ എട്ടാമത്തെ ചിത്രമാണ് ബ്രാഡ് ബേർഡ് സംവിധാനം ചെയ്ത റാറ്ററ്റൂയി. ചിത്രത്തിന്റെ പേരിനു ആധാരമായതു അവസാനം രംഗങ്ങളിൽ വിളമ്പുന്ന ഒരു ഫ്രഞ്ച് വിഭവമായ “റാറ്ററ്റൂയി” ആണ്, കൂടാതെ ചിത്രത്തിലേ മുഖ്യകഥാപാത്രത്തിന്റെ ജനസ്സിനെയും (എലി) ഈ പേര് കുറിക്കുന്നു. പാറ്റൺ ഓസ്വാൾട്ട്, ലൂ റൊമാനോ, ഇയാൻ ഹോം, ജനീൻ ഗാരഫാലൊ, ബ്രിയാൻ ഡെന്നി, പീറ്റർ സോൻ, ബ്രാഡ് ഗാരറ്റ് എന്നിവർ ചിത്രത്തിലെ കഥാപാത്രങ്ങൾക്ക് ശബ്ദം നൽകി. ഒരു ഷെഫ് ആവാൻ ആഗ്രഹിക്കുന്ന റെമി എന്ന ഒരു എലി സുഹൃത്തായ ഒരു തെരുവ് കുട്ടിയുമായി സഹകരിച്ചു ആ ലക്ഷ്യം യാഥാർത്ഥ്യമായി തീർക്കാൻ ശ്രമിക്കുന്നതാണ് ചിത്രത്തിന്റെ ഇതിവൃത്തം. 

Ratatouille
Theatrical release poster
സംവിധാനം	Brad Bird
നിർമ്മാണം	Brad Lewis
കഥ	Jan Pinkava Jim Capobianco Brad Bird
തിരക്കഥ	Brad Bird
അഭിനേതാക്കൾ	Patton Oswalt Ian Holm Lou Romano Brian Dennehy Peter Sohn Peter O'Toole Brad Garrett Janeane Garofalo
സംഗീതം	Michael Giacchino
ഛായാഗ്രഹണം	Sharon Calahan Robert Anderson
ചിത്രസംയോജനം	Darren T. Holmes Stan Webb
സ്റ്റുഡിയോ	Pixar
വിതരണം	Buena Vista Pictures Distribution
റിലീസിങ് തീയതി	ജൂൺ 22, 2007 (2007-06-22) (Los Angeles) ജൂൺ 29, 2007 (2007-06-29) (United States)
രാജ്യം	United States
ഭാഷ	English
ബജറ്റ്	$150 ദശലക്ഷം
സമയദൈർഘ്യം	111 minutes
ആകെ	$623.7 ദശലക്ഷം

2000-ൽ ആണ് ചിത്രത്തിന്റെ അണിയറപ്രവർത്തനം ആരംഭിച്ചത്. തിരക്കഥാകൃത്തായ യാൻ പിങ്കവ ചിത്രത്തിന്റെ ആശയം രൂപീകരിച്ചു. 2005-ൽ ചിത്രത്തിന്റെ കഥ തിരുത്തിയെഴുതാനും സംവിധാനം ചെയ്യുവാനും ബ്രാഡ് ബേർഡ് സമീപിക്കപ്പെട്ടു. പ്രചോദനത്തിനായി ചിത്രത്തിന്റെ അണിയറപ്രവർത്തകർ പാരീസ് സന്ദർശിച്ചു. ചിത്രത്തിൽ കാണുന്ന ഭക്ഷണവിഭവങ്ങൾ അനിമേഷൻ ചെയ്യാൻ ഫ്രാൻസിലെയും അമേരിക്കയിലെയും ഷെഫുമാരുടെ സഹായം അണിയറപ്രവർത്തകർ തേടി.

ജൂൺ 22, 2007-ൽ ലോസ് ആഞ്ചെലെസിലെ കൊഡാക് തീയറ്ററിൽ ആദ്യമായി പ്രദർശിപ്പിക്കപ്പെട്ട റാറ്ററ്റൂയി, തുടർന്ന് ജൂൺ 29, 2007 അമേരിക്കയിൽ ഉടനീളം റിലീസ് ചെയ്തു. 623.7 ദശലക്ഷം ഡോളർ വരുമാനം നേടി ചിത്രം മികച്ച പ്രദർശനവിജയം നേടി. മികച്ച അനിമേഷൻ ചിത്രത്തിനുള്ള അക്കാദമി അവാർഡ് അടക്കം പല ബഹുമതികളും ചിത്രം നേടി.