രജ്ബീർ സിങ്
ഡൽഹി പോലീസിലെ സ്പെഷ്യൽ ഓപ്പറേഷൻ സ്ക്വാഡിലെ അസിസ്റ്റൻറ് പോലീസ് കമ്മീഷണറായിരുന്നു രജ്ഭീർ സിങ്ങ്[1][2]. ഏറ്റുമുട്ടൽ വിദഗ്ദ്ധൻ എന്നറിയപ്പെടുന്ന ഇദ്ദേഹം നിരപരാധികളെ വ്യാജ ഏറ്റുമുട്ടൽ കൊലപാതകങ്ങളിലൂടെ കൊലപ്പെടുത്തി എന്ന് ആരോപണവിധേയനായിട്ടുണ്ട്[3]. ഡൽഹിയിൽ ഇസഡ് പ്ലസ് കാറ്റഗറി സുരക്ഷയുള്ള ഒരേ ഒരു ദില്ലി പോലീസ് ഉദ്യോഗസ്ഥനായിരുന്നു രജ്ഭീർ സിങ്ങ്[1]. തീവ്രവാദികളേയും കുറ്റവാളികളേയുമായി 56 ഏറ്റുമുട്ടൽ കൊലകൾ നടത്തിയിട്ടുണ്ട്.
ജീവിതരേഖ
തിരുത്തുക1982-ൽ ഡെൽഹി പോലീസിൽ ഒരു സബ് ഇൻസ്പെക്ടർ ആയി ജോലിയിൽ കയറിയ രജ്ബീർ സിങ്, 56 ഏറ്റുമുട്ടൽ കൊലപാതകങ്ങൾ നടത്തുകയും പതിമൂന്നു വർഷം കൊണ്ട് അസിസ്റ്റന്റ് കമ്മീഷണർ സ്ഥാനത്തെത്തുകയും ചെയ്തു[1]. 2002 ൽ അൻസൽ പ്ലാസ ഏറ്റുമുട്ടൽ നടത്തിയതും, പാർലമെൻറ് ആക്രമണ കേസിൽ ഗീലാനിയേയും അഫ്സലിനേയും പ്രതി ചേർത്തതിലൂടെയും വിവാദപുരുഷനായി. ചെങ്കോട്ട ആക്രമണ കേസ് അന്വേഷിച്ചതും രജ്ഭീർ ആണ്[3].
ഭൂവിനിമയത്തിലെ തിരിമറികളിലും അഴിമതിക്കേസുകളിലും ഇദ്ദേഹം ഉൾപ്പെട്ടിട്ടുണ്ട്. ക്രൈം ബ്രാഞ്ചിൽ നിന്ന് നീക്കം ചെയ്ത ഇദ്ദേഹത്തെ 2007 നവംബർ മാസമാണ്‌ തിരികെ പ്രവേശിപ്പിച്ചത്[1].
മരണം
തിരുത്തുകഗുഡ്ഗാവിലെ വസ്തു ഇടപാടുകാരനായ വിജയ് ഭരദ്വാജിൻറെ ഓഫീസിൽ വെച്ച് മാർച്ച് 24 തിങ്കളാഴ്ച രാത്രി 10:30 ന് രജ്ഭീർ കൊല്ലപ്പെട്ടു[4]. 48 കാരനായ രജ്ഭീർ സിങ്ങിൻറെ തലക്കടുത്തുപിടിച്ച തോക്കുകൊണ്ടുള്ള രണ്ട് വെടിയേറ്റായിരുന്നു മരണം.
അവലംബം
തിരുത്തുക- ↑ 1.0 1.1 1.2 1.3 "ആർക്കൈവ് പകർപ്പ്". Archived from the original on 2008-04-03. Retrieved 2008-04-07.
- ↑ http://www.indianexpress.com/story/288067.html
- ↑ 3.0 3.1 2008 മാർച്ച് 26 തേജസ് ദിനപത്രം,ആദ്യ താൾ
- ↑ "ആർക്കൈവ് പകർപ്പ്". Archived from the original on 2012-02-14. Retrieved 2011-11-24.