മോണോക്രോടാലിൻ

പൈറോലിസിഡിൻ ആൽക്കലോയിഡുകളുടെ ഗ്രൂപ്പിൽപ്പെടുന്ന ഒരു ആൽക്കലോയിഡാണ് മോണോക്രോടാലിൻ. ഇത് സസ്യജന്യമാണ്. ഇതൊരു വിഷപദാർത്ഥം കൂടിയാണ്. കന്നുകാലികളെപ്പോലുള്ള വളർത്തു മൃഗങ്ങൾക്ക് ഇത് ഹാനികരമാണ്.

മോണോക്രോടാലിൻ - തന്മാത്രാഘടന

ക്രോട്ടാലേറിയ സ്പെക്ടബിലിസ്

കിലുകിലുക്കി പോലുള്ള ക്രോട്ടലേറിയ ഇനത്തിൽപ്പെട്ട ചെടിയുടെ ഇലകളിലും തണ്ടിലും മറ്റും മോണോ ക്രോട്ടാലിൻ അടങ്ങിയിട്ടുണ്ട്. കരിനീലക്കടുവ ശലഭത്തിന്റെ ആൺപൂമ്പാറ്റകളിൽ ഫിറോമോൺ ഉൽപാദിപ്പിക്കാൻ ആവശ്യമായ ഘടകമായ  പൈറോളിസിഡിൻ ആൽക്കലോയി‍‍ഡ് ഗണത്തിൽപ്പെട്ടതാണ് മോണോ ക്രോട്ടാലിൻ എന്ന പദാർഥം. ഈ ചെടിയിൽ നിന്നും ലഭിക്കുന്ന മോണോക്രോടാലിൻ അവയുടെ ശരീരത്തിൽ ശേഖരിക്കുകയും ചെയ്യുന്നു. ചെടിയുടെ ഉണങ്ങിയ ഇലകളിൽനിന്നും മുറിവുകളിൽനിന്നും ഊറി വരുന്ന ദ്രാവകത്തിലും ഈ ആൽക്കലോയി‍‍ഡ് അടങ്ങിയിട്ടുണ്ട്.