മെഹ്ബൂബ മുഫ്തി
മെഹ്ബൂബ മുഫ്തി സയീദ്[1][2] 1959 മെയ് 22ന് ആഖ്രാൻ നൊവ്പോറയിൽ ജനനം. ജമ്മു കാശ്മീരിലെ ആദ്യത്തെ വനിതാമുഖ്യമന്ത്രിയും ജമ്മുകാശ്മീർ പീപ്പിൾസ് ഡെമോക്രാറ്റിക് പാർട്ടിയുടെ നിലവിലെ പ്രസിഡന്റുമാണ്.[3] ജമ്മു കാശ്മീരിലെ മുഖ്യമന്ത്രിയായിരിക്കെ അന്തരിച്ച മുഫ്തി മുഹമ്മദ് സയീദിന്റെ മകളാണ്. അദ്ദേഹത്തിന്റെ മരണശേഷമാണ് 2016-ൽ മുഖ്യമന്ത്രിയായി മെഹബൂബ തിരഞ്ഞെടുക്കപ്പെട്ടത്.[4]
മെഹബൂബ മുഫ്തി സയീദ് | |
|---|---|
 | |
| ജമ്മു & കാശ്മീർ, മുഖ്യമന്ത്രി | |
| ഓഫീസിൽ 2016 ഏപ്രിൽ 4 - 2018 ജൂൺ 19 | |
| മുൻഗാമി | മുഫ്തി മുഹമ്മദ് സയീദ് |
| പിൻഗാമി | ഗവർണർ ഭരണം |
| ലോക്സഭാംഗം | |
| ഓഫീസിൽ 2014-2016, 2004-2008 | |
| മണ്ഡലം | അനന്ത്നാഗ് |
| നിയമസഭാംഗം | |
| ഓഫീസിൽ 2016, 2008, 2002, 1996 | |
| മണ്ഡലം |
|
| വ്യക്തിഗത വിവരങ്ങൾ | |
| ജനനം | 22 മേയ് 1959 അഖ്റാൻ, കുൽഗാം ജില്ല, ജമ്മു & കാശ്മീർ |
| രാഷ്ട്രീയ കക്ഷി |
|
| പങ്കാളി | ജാവേദ് ഇക്ബാൽ ഷാ |
| കുട്ടികൾ | 2 daughters |
As of ജനുവരി 6, 2024 ഉറവിടം: ജെ.കെ.മോണിറ്റർ | |
ജീവിതരേഖ
തിരുത്തുക1959 മെയ് 22 ന് മുൻ മുഖ്യമന്ത്രിയും മുതിർന്ന കോൺഗ്രസ് നേതാവുമായിരുന്ന മുഫ്തി മുഹമ്മദ് സയീദിന്റെയും ഗുൽഷാൻ ആരയുടേയും മകളായി ജമ്മു കശ്മീരിലെ കുൽഗാം ജില്ലയിലെ അക്രനിൽ ജനനം. പ്രസന്റേഷൻ കോൺവെൻറ് ശ്രീനഗർ, ഗവ. കോളേജ് ഓഫ് വിമൻ ജമ്മു എന്നിവിടങ്ങളിൽ നിന്ന് വിദ്യാഭ്യാസം നേടിയ മെഹബൂബ കാശ്മീർ യൂണിവേഴ്സിറ്റിയിൽ നിന്ന് നിയമ ബിരുദം നേടി. ബോംബെ മെർക്കന്റെൽ ബാങ്ക്, ഈസ്റ്റ് വെസ്റ്റ് എയർലൈൻസ് എന്നിവിടങ്ങളിൽ ജോലി നോക്കി.
രാഷ്ട്രീയ ജീവിതം
തിരുത്തുകഇന്ത്യയാകെ അറിയപ്പെടുന്ന കാശ്മീരിൽ നിന്നുള്ള ചുരുക്കം ചില വനിതാരാഷ്ട്രീയ പ്രവർത്തകരിൽ പ്രധാനിയാണ് മെഹബൂബ. 1996-ലെ നിയമസഭ തിരഞ്ഞെടുപ്പിൽ കോൺഗ്രസ് ടിക്കറ്റിൽ നിയമസഭാംഗമായതോടെയാണ് രാഷ്ട്രീയ ജീവിതം തുടങ്ങുന്നത്. കോൺഗ്രസ് പാർട്ടിയുമായി തെറ്റിപ്പിരിഞ്ഞ് മെഹബൂബയുടെ പിതാവ് 1999-ൽ ജമ്മു കാശ്മീർ പി.ഡി.പി എന്ന പുതിയ രാഷ്ട്രീയ പാർട്ടി രൂപീകരിച്ചു.
1999-ലെ ലോക്സഭ തിരഞ്ഞെടുപ്പിൽ പി.ഡി.പി ടിക്കറ്റിൽ ശ്രീനഗറിൽ നിന്ന് മത്സരിച്ചെങ്കിലും പരാജയപ്പെട്ടു. 2002, 2008, 2016 എന്നീ വർഷങ്ങളിൽ നിയമസഭയിലും 2004, 2014 എന്നീ വർഷങ്ങളിൽ ലോക്‌സഭയിലും മെഹബൂബ അംഗമായിരുന്നു.
2014-ലെ ജമ്മു കാശ്മീർ നിയമസഭ തിരഞ്ഞെടുപ്പിൽ 28 സീറ്റ് നേടി പി.ഡി.പി ഏറ്റവും വലിയ ഒറ്റ കക്ഷിയായി. 25 സീറ്റ് കിട്ടിയ ബി.ജെ.പിയുമായി സഖ്യം ഉണ്ടാക്കിയതോടെ പിതാവ് മുഫ്തി മുഹമ്മദ് സയീദ് ജമ്മു കാശ്മീർ മുഖ്യമന്ത്രിയായി. 2016-ൽ മുഫ്തി മുഹമ്മദ് സയീദ് അന്തരിച്ചതിനെ തുടർന്ന് മകൾ മെഹബൂബ പകരം മുഖ്യമന്ത്രിയായി.
2018-ലെ റമദാൻ മാസത്തിൽ മെഹ്ബൂബ കാശ്മീർ താഴ്വരയിൽ വെടി നിർത്തൽ പ്രഖ്യാപിച്ചെങ്കിലും തുടർന്ന് നടന്ന ഭീകരാക്രമണത്തിൽ നിരവധി പേർ കൊല്ലപ്പെട്ടു. ഇതിനെ തുടർന്ന് സുരക്ഷ സ്ഥിതിഗതികൾ കാശ്മീരിൽ വഷളായതിനെ തുടർന്ന് ബി.ജെ.പി സഖ്യ സർക്കാരിനുള്ള പിന്തുണ പിൻവലിച്ചതോടെ 2018 ജൂൺ 19ന് മെഹബൂബ മുഖ്യമന്ത്രി സ്ഥാനം രാജിവച്ചു.
2019, 2024 ലോക്സഭ തിരഞ്ഞെടുപ്പുകളിൽ അനന്ത്നാഗിൽ നിന്ന് മത്സരിച്ചെങ്കിലും പരാജയപ്പെട്ടു.[5]
ജമ്മു കാശ്മീർ, നിയമസഭ തിരഞ്ഞെടുപ്പ് 2014
ആകെ സീറ്റ് 87
- പി.ഡി.പി : 28 (22.7 %)
- ബി.ജെ.പി : 25 (23 %)
- നാഷണൽ കോൺഫറൻസ് : 15 (20.8%)
- കോൺഗ്രസ് : 12 (18 %)
- ജെ.കെ.പി.സി : 2 (1.9 %)
- സി.പി.എം : 1 (0.5 %)
- പി.ഡി.എഫ് : 1 (0.4 %)
- സ്വതന്ത്രർ : 3 (0.3 %)
അവലംബം
തിരുത്തുക- ↑ Why BJP exit from kashmir alliance govt.
- ↑ Kashmir goes to Governor rule since 2018
- ↑ "ജമ്മു കാശ്മീർ മുഖ്യമന്ത്രിയായി മെഹ്ബൂബ മുഫ്തി സത്യപ്രതിജ്ഞ ചെയ്തു". മാതൃഭൂമി ദിനപത്രം. 2016 ഏപ്രിൽ 4. Retrieved 2016 ഏപ്രിൽ 5.
{{cite web}}: Check date values in:|accessdate=and|date=(help) - ↑ Jammu and Kashmir CM Mufti Resigned
- ↑ കാശ്മീരിൽ കനത്ത സുരക്ഷ, മെഹബൂബ വീട്ടുതടങ്കലിൽ