തിരുവനന്തപുരം ജില്ലയിൽ നെയ്യാറ്റിൻകര താലൂക്കിലെ പള്ളിച്ചൽ വില്ലേജിൽ നഗരപ്രാന്തത്തിൽ നിന്നും ഒറ്റപ്പെട്ടു നിൽക്കുന്ന സാമാന്യം ഉയരത്തിലുള്ള കുന്നാണ് മൂക്കുന്നിമല. ഇതിന്റെ ഉയരം 1,074 മീറ്ററാണ്. മൂക്കുന്നിമലയ്ക്ക് മുകളിൽ വായുസേനക്ക് റഡാർ സ്റ്റേഷനും കരസേനക്ക് ഒരു ഫയറിങ് റേഞ്ചുമുണ്ട്. [1]

പദോൽപ്പത്തി തിരുത്തുക

ഹിമാലയത്തിൽ നിന്നും മൃതസജ്ജീവനിയടങ്ങിയ പർവ്വതവുമായി ലങ്കയിലേക്കു പറക്കുന്നതിനിടയിൽ ഹനുമാന്റെ മൂക്കു തട്ടി കൈയ്യിലിരുന്ന മലയുടെ ഒരു ഭാഗം അടർന്നു താഴെ വീണു. ഇതാണ് മൂക്കുന്നിമലയായി തീർന്നത് എന്നാണ് പേരിനെ സംബന്ധിച്ച ഐതിഹ്യം. [2]

ചരിത്രം തിരുത്തുക

തിരുവിതാംകൂർ ദിവാനായിരുന്ന സുബ്രഹ്മണ്യ അയ്യരാണ് 1914-ൽ സംരക്ഷിതവനമായി മൂക്കുന്നിമലയെ പ്രഖ്യാപിച്ചത്. 1806-ൽ അഞ്ച് സ്‌ക്വയർ മൈൽ റിസർവ്‌ വനമായി മൂക്കുന്നിമലയെ തിരുവിതാംകൂർ രാജഭരണകാലത്ത് പ്രഖ്യാപിച്ചതായി രേഖകൾ സൂചിപ്പിക്കുന്നു (ഒരു സ്‌ക്വയർ മൈൽ എന്നത് 640 ഏക്കറാണ്). അപ്രകാരംമെങ്കിൽ അഞ്ച് സ്‌ക്വയർ മൈൽ (3200 ഏക്കർ) വനഭൂമി മൂക്കുന്നിമലയിലുണ്ട് എന്ന് വേണം കരുതാൻ. [3]

പാരിസ്ഥിതിക പ്രശ്നങ്ങൾ തിരുത്തുക

ഗുരുതരമായ പാരിസ്ഥിതികപ്രശ്നങ്ങളാണ് മൂക്കുന്നിമലയിലെ താഴ്‌വാരങ്ങളിൽ താമസിക്കുന്ന ജനത ഇപ്പോൾ കടന്നുപോകുന്നത്. അശാസ്ത്രീയ പാറപൊട്ടിക്കൽ കാരണം മൂക്കുന്നിമലയിലെ ജൈവവൈവിധ്യം നശിപ്പിക്കപ്പെടുന്നു എന്നും വ്യാപകമായ പരാതിയുണ്ട്. [4] ഉഗ്രസ്ഫോടനം കാരണം മൂക്കുന്നിമലയിലെ ജീവജാലങ്ങളുടെ ആവാസവ്യവസ്ഥതന്നെ തകിടംമറിഞ്ഞു. മൂക്കുന്നിമലയിൽനിന്ന്‌ ഉത്ഭവിക്കുന്ന പന്ത്രണ്ട് തോടുകൾ ജനങ്ങളുടെ പ്രധാന ജലസ്രോതസ്സായ കരമനയാറ്റിലാണ് എത്തിച്ചേരുന്നത്. ഈ തോടുകൾ പലതും ഇന്ന് നശിച്ച അവസ്ഥയിലാണ്. പരിസ്ഥിതി പ്രവർത്തകരുടെ ഇടപെടലിനെ തുടർന്ന് പ്രശസ്ത പരിസ്ഥിതി പ്രവർത്തക മേധാ പട്കർ 2015 ൽ മൂക്കുന്നിമല സന്ദർശിക്കാനെത്തിയിരുന്നു. [5] പരിസ്ഥിതി സംരക്ഷണം ലക്ഷ്യമിട്ട് മൂക്കുന്നിമല സംരക്ഷണ സമരസമിതിയും രംഗത്തുണ്ട്. [6]

അവലംബം തിരുത്തുക

  1. "ആർക്കൈവ് പകർപ്പ്". Archived from the original on 2019-08-09. Retrieved 2019-08-09.
  2. http://maprithvi.blogspot.com/2014/03/blog-post.html
  3. "ആർക്കൈവ് പകർപ്പ്". Archived from the original on 2019-08-09. Retrieved 2019-08-09.
  4. https://www.azhimukham.com/news-vigilance-official-transferred-in-between-submitting-encroachment-report/
  5. "ആർക്കൈവ് പകർപ്പ്". Archived from the original on 2019-08-09. Retrieved 2019-08-09.
  6. https://localnews.manoramaonline.com/thiruvananthapuram/local-news/2018/03/31/bala-mookunnimala.html
"https://ml.wikipedia.org/w/index.php?title=മൂക്കുന്നിമല&oldid=3941445" എന്ന താളിൽനിന്ന് ശേഖരിച്ചത്