മുഹമ്മ ഗ്രാമപഞ്ചായത്ത്
ആലപ്പുഴ ജില്ലയിലെ ചേർത്തല താലൂക്കിൽ ഉൾപ്പെടുന്ന ഒരു ഗ്രാമപഞ്ചായത്താണ് മുഹമ്മ ഗ്രാമപഞ്ചായത്ത്. തണ്ണീർമുക്കം തെക്ക് വില്ലേജിന്റെ പരിധിയിൽ വരുന്ന പഞ്ചായത്താണിത്. മുഹമ്മ ഗ്രാമപഞ്ചായത്ത് ഒരു എ ഗ്രേഡ് പഞ്ചായത്താണ്. 26.76 ചതുരശ്ര കിലോമീറ്റർ ആണ് ഈ പഞ്ചായത്തിന്റെ വിസ്തീർണ്ണം. പഴയ കരപ്പുറം (ചേർത്തല) പ്രദേശത്തിന്റെ ഒരു ഭാഗമാണ് ഇന്നത്തെ മുഹമ്മ പഞ്ചായത്ത്.
| മുഹമ്മ ഗ്രാമപഞ്ചായത്ത് | |
|---|---|
| ഗ്രാമപഞ്ചായത്ത് | |
| 9°36′55″N 76°22′28″E | |
| രാജ്യം | ഇന്ത്യ |
| സംസ്ഥാനം | കേരളം |
| ജില്ല | ആലപ്പുഴ ജില്ല |
| വാർഡുകൾ | പുത്തനങ്ങാടി, ആയുർവേദ ആശുപത്രി, തുരുത്തൻകവല, പൂജവെളി, പഞ്ചായത്ത്, മുഹമ്മ, ആസാദ്, എസ് എൻ വാർഡ്, മദർ തെരേസ, മുക്കാൽവട്ടം, പെരുന്തുരുത്ത്, ജനക്ഷേമം, എസ് എൻ വി, കല്ലാപ്പുറം, ആര്യക്കര, കായിക്കര |
| ജനസംഖ്യ | |
| ജനസംഖ്യ | 22,128 (2001)  |
| പുരുഷന്മാർ | • 10,755 (2001) |
| സ്ത്രീകൾ | • 11,373 (2001) |
| സാക്ഷരത നിരക്ക് | 94 ശതമാനം (2001) |
| കോഡുകൾ | |
| തപാൽ | • |
| LGD | • 221009 |
| LSG | • G040404 |
| SEC | • G04021 |
 | |
1953-ൽ ആണ് മുഹമ്മ ഗ്രാമപഞ്ചായത്ത് രൂപം കൊണ്ടത്. മുഹമ്മ എന്ന സ്ഥലനാമത്തിന് നൂറു വർഷത്തെ പഴക്കമേയുള്ളൂ. ഇന്നത്തെ ആലപ്പുഴ-തണ്ണീർമുക്കം റോഡിന്റെ കിഴക്കുഭാഗത്താണ് ഇവിടെ ആദ്യമായി ഒരു കമ്പോളം രൂപപ്പെട്ടത്. തോട് ഒഴുകി കായലിൽ ചേരുന്ന ഭാഗത്തിന് മുഖപ്പ് എന്നു പറയാറുണ്ട്. അതിന് മേക്ക് പടിഞ്ഞാറുഭാഗത്തുള്ള ഒരു വീട് മുഖമ്മേൽ എന്ന പേരിലറിയപ്പെട്ടു. ഈ വീടിനടുത്തായി ഒരു കമ്പോളം രൂപംകൊള്ളുകയും അതിനെ മുഖമ്മേൽ കമ്പോളം എന്ന് വിളിക്കപ്പെടുകയും ചെയ്തു. ഇത് പിന്നീട് മുഖം-മുഹമെന്ന് ഉച്ചരിക്കുന്നതുപോലെ മുഹമ്മ എന്നായി മാറി. ഇങ്ങനെയാണ് മൂഹമ്മ എന്ന പേരുണ്ടായതെന്ന് കരുതേണ്ടിയിരിക്കുന്നു. മുഹമ്മ എന്നു പേരു വരുവാൻ മുഹമ്മദീയരുടെ വരവും കാരണമായെന്ന് പറയപ്പെടുന്നു.
അതിർത്തികൾ
തിരുത്തുക- കിഴക്ക് - വേമ്പനാട്ടുകായൽ
- പടിഞ്ഞാറു് - കഞ്ഞിക്കുഴി ഗ്രാമപഞ്ചായത്ത് ,
- വടക്ക് - പുത്തനങ്ങാടി തോട്
- തെക്ക് - മുടക്കനാം കുഴിതോട്
വാർഡുകൾ
തിരുത്തുകമുഹമ്മ ഗ്രാമപഞ്ചായത്തിൽ 16 വാർഡുകളാണുള്ളത്. താഴെ പറയുന്നവ ആണത്.
- പുത്തനങ്ങാടി
- തുരുത്തൻ കവല
- പൂജവെളി
- ആയുർവേദ ആശുപത്രി
- ആസാദ്
- എസ് എൻ വാർഡ്
- പഞ്ചായത്ത്
- മുഹമ്മ
- മുക്കാൽവട്ടം
- പെരുന്തുരത്ത്
- മദർ തെരേസ
- ജനക്ഷേമം
- ആര്യക്കര
- എസ് എൻ വി
- കല്ലാപ്പുറം
- കായിക്കര
ശൗചാലയ സൗകര്യ
തിരുത്തുകമുഹമ്മ ഗ്രാമപഞ്ചായത്ത് സമ്പൂർണ്ണ ശൗചാലയ സൗകര്യമുള്ള പഞ്ചായത്തായി 2016 ജൂൺ 1ന് പ്രഖ്യാപിച്ചു[1]
പുറത്തേക്കുള്ള കണ്ണികൾ
തിരുത്തുകമുഹമ്മഗ്രാമപഞ്ചായത്തിന്റെ ഔദ്യോഗികവെബ്ബ്സൈറ്റ് Archived 2016-03-04 at the Wayback Machine.