മിറിയം ഡിഫെൻസർ സാന്തിയാഗോ
ഫിനിപ്പീൻസിലെ ഒരു പൊതുപ്രവർത്തകയും, അഭിഭാഷകയുമാണ് മിറിയം ഡെഫെൻസർ സാന്തിയാഗോ(ജനനം: 15 ജൂൺ 1945). ഫിലിപ്പീൻ സർക്കാരിൽ, നീതിന്യായും, നിയനിർമ്മാണം, ഭരണം (Judiciary, Legislature and Executive) എന്നീ മൂന്നു മേഖലകളിലും അവർ പ്രവർത്തിച്ചിട്ടുണ്ട്. 1997-ൽ ഓസ്ത്രേലിയൻ മാസിക സാന്തിയാഗോയെ ലോകത്തിലെ ഏറ്റവും സ്വാധീനമുള്ള 100 വനിതകളിൽ ഒരാളായി എടുത്തുപറഞ്ഞു. പ്രമുഖ അഭിഭാഷകയായ സാന്തിയാഗോ 2012-ൽ അന്തരാഷ്ട്ര ക്രിമിനൽ കോടതിയിലെ ന്യായാധിപയായി തെരെഞ്ഞെടുക്കപ്പെട്ടു. ഫിലിപ്പീൻസിൽ നിന്നും വികസ്വരഏഷ്യൻ രാജ്യങ്ങളെമ്പാടു നിന്നും ആ പദവിയിലെത്തിയ ആദ്യവ്യക്തിയാണവർ. എങ്കിലും ആരോഗ്യപരമായ കാരണങ്ങളാൽ ജൂൺ 2014-ൽ അവർ ആ പദവി ഉപേക്ഷിച്ചു. താമസിയാതെ അവരുടെ ശ്വാസകോശത്തെ അർബ്ബുദം ബാധിച്ചിരിക്കുന്നതായി കണ്ടെത്തി.[1]
Miriam Defensor Santiago | |
|---|---|
.jpg) | |
| Senator of the Philippines | |
| ഓഫീസിൽ June 30, 2004 – June 30, 2016 | |
| ഓഫീസിൽ June 30, 1995 – June 30, 2001 | |
| Judge of the International Criminal Court | |
| ഓഫീസിൽ December 12, 2012 – June 3, 2014 | |
| നാമനിർദേശിച്ചത് | Philippines |
| പിൻഗാമി | Raul Pangalangan |
| Chair of the Senate Foreign Relations Committee | |
| ഓഫീസിൽ July 22, 2013 – June 30, 2016 | |
| മുൻഗാമി | Loren Legarda |
| പിൻഗാമി | Alan Peter Cayetano |
| Secretary of Agrarian Reform | |
| ഓഫീസിൽ July 20, 1989 – January 4, 1990 | |
| രാഷ്ട്രപതി | Corazon Aquino |
| മുൻഗാമി | Philip Juico |
| പിൻഗാമി | Florencio Abad |
| വ്യക്തിഗത വിവരങ്ങൾ | |
| ജനനം | Miriam Palma Defensor ജൂൺ 15, 1945 Iloilo City, Philippines |
| മരണം | സെപ്റ്റംബർ 29, 2016 (പ്രായം 71) Taguig, Philippines |
| രാഷ്ട്രീയ കക്ഷി | People's Reform Party |
| മറ്റ് രാഷ്ട്രീയ അംഗത്വം | Nacionalista (2010) |
| പങ്കാളി | Narciso Santiago (m. 1971) |
| കുട്ടികൾ | 2 |
| വിദ്യാഭ്യാസം | University of the Philippines Visayas (BA) University of the Philippines Diliman (LLB) University of Michigan (LLM, SJD) Maryhill School of Theology (MA) |
| വെബ്‌വിലാസം | Official website |
സർക്കാർ സേവനത്തിനിടെ അഴിമതി നിർമ്മാർജ്ജനത്തിൽ വഹിച്ച പങ്കിന്റെ പേരിൽ 1988-ൽ അവർ റാമൊൻ മഗ്സാസേ പുരസ്കാരം നേടി. 1992-ൽ ഫിലിപ്പീൻസ് രാഷ്ട്രപതിസ്ഥാനത്തേക്ക് മത്സരിച്ച സാന്തിയാഗോ പരാജയപ്പെട്ടു. തെരെഞ്ഞെടുപ്പിലെ ക്രമക്കേടുകൾ മൂലമാണ് തനിക്കു രാഷ്ട്രപതി പദവിയിലെത്താൻ കഴിയാതിരുന്നതെന്നു വാദിച്ച അവർ ആ പരാജയം സമ്മതിച്ചില്ല. നിയമ-സാമൂഹ്യശാസ്ത്ര വിഷയങ്ങളിൽ പലഗ്രന്ഥങ്ങളും അവർ എഴുതിയിട്ടുണ്ട്. ഫിലിപ്പീൻസിലെ നിയമനിർമ്മാണസഭയുടെ ഉപരിമണ്ഡലമായ സെനറ്റിൽ മൂന്നു വട്ടം അംഗമായിരുന്ന അവർ ഇപ്പോഴും (2015 മാർച്ച്) ആ പദവിയിലാണ്. ഭരണഘടന, രാഷ്ട്രാന്തരനിയമം എന്നീ വിഷയങ്ങളിലെ ഒരു വിദഗ്ദ്ധയായി സാന്തിയാഗോ പരിഗണിക്കപ്പെടുന്നു.