മിനിയേരി, നോർത്തേൺ ടെറിട്ടറി
ഓസ്ട്രേലിയയിലെ നോർത്തേൺ ടെറിട്ടറിയിലെ ഒരു പട്ടണമാണ് മിനിയേരി.[1] ഇത് കാതറിനു 240 കിലോമീറ്റർ തെക്ക് കിഴക്കായി സ്ഥിതിചെയ്യുന്നു. റോപ്പർ ഗൾഫ് ഷയർ കൗൺസിൽ പ്രദേശത്തിന്റെ ഭാഗമായ ഈ നഗരത്തിൽ 400 ആളുകൾ വസിക്കുന്നു.[1] കമ്മ്യൂണിറ്റിയിൽ സംസാരിക്കുന്ന ഭാഷകളിൽ അലാവ, ക്രിയോൾ, ഇംഗ്ലീഷ് എന്നിവ ഉൾപ്പെടുന്നു.[1]
പ്രീ സ്‌കൂൾ, പ്രൈമറി, സെക്കണ്ടറി വിദ്യാഭ്യാസ സേവനങ്ങൾ, ഒരു വനിതാ കേന്ദ്രം, ഒരു സെന്റർ‌ലിങ്ക് സ്റ്റോർ‌ഫ്രണ്ട്, രണ്ട് റീട്ടെയിൽ സ്റ്റോറുകൾ, ഒരു പോലീസ് സ്റ്റേഷൻ, ഒരു എയർ സ്ട്രിപ്പ് എന്നീ സൗകര്യങ്ങൾ ഇവിടെ ലഭ്യമാണ്.[1] പ്രദേശത്ത് മൊബൈൽ ഫോൺ കവറേജ് ലഭ്യമല്ല. ക്ലിനിക്കിലൊഴികെ ഇന്റർനെറ്റ് സൗകര്യം ലഭ്യമല്ല. എല്ലാ ചൊവ്വാഴ്ചയും ഒരു മെയിൽ വിമാനം ഇവിടെ സന്ദർശിക്കുന്നു.[1]
ആദിവാസികളല്ലാത്തവർക്ക് കമ്മ്യൂണിറ്റിയിൽ പ്രവേശിക്കാൻ പ്രത്യേക പെർമിറ്റ് ആവശ്യമാണ്. ഹോഡ്സൺ നദി ഇതിനു വളരെ അടുത്താണ്. ഈ പ്രദേശത്ത് നനവാർന്നതും വരണ്ടതുമായ കാലാവസ്ഥ അനുഭവപ്പെടുന്നു. തണുപ്പുള്ള കാലയളവിൽ രാത്രി 10 ഡിഗ്രി സെൽഷ്യസ് വരെയും പകൽ സമയം 40 ഡിഗ്രി സെൽഷ്യസ് വരെയുമാണ് കാലാവസ്ഥ. വാർഷിക മഴ 800–1000 മി.മീ വരെ ഉണ്ടാകുന്നു.
അവലംബം
തിരുത്തുക- ↑ 1.0 1.1 1.2 1.3 1.4 "ആർക്കൈവ് പകർപ്പ്" (PDF). Archived from the original (PDF) on 2020-02-28. Retrieved 2019-10-03.