മിങ് ശവകുടീരങ്ങൾ

ചൈനയിലെ മിങ് രാജവംശത്തിലെ ചക്രവർത്തിമാർ നിർമ്മിച്ച ശവകുടീരങ്ങളുടെ ഒരു ശേഖരമാണ് മിങ് ശവകുടീരങ്ങൾ. ആദ്യത്തെ മിങ് ചക്രവർത്തിയുടെ ശവകുടീരം അദ്ദേഹത്തിന്റെ തലസ്ഥാനമായ നാൻജിംഗിന് സമീപമാണ്. എന്നിരുന്നാലും, മിങ് ശവകുടീരങ്ങളിൽ ഭൂരിഭാഗവും ബെയ്‌ജിംഗിന് സമീപം കൂട്ടമായിട്ടാണ് കാണപ്പെടുന്നത്. ഇത് മിങ് രാജവംശത്തിന്റെ പതിമൂന്ന് ശവകുടീരങ്ങൾ (Chinese: 明十三陵; pinyin: Míng Shísān Líng; literally: 'Ming Thirteen Mausoleums') എന്നറിയപ്പെടുന്നു. ബെയ്‌ജിങ്ങ്‌ നഗര കേന്ദ്രത്തിന്റെ വടക്ക്-വടക്ക് പടിഞ്ഞാറ് 42 കിലോമീറ്റർ (26 മൈൽ), ബെയ്‌ജിങ്ങ്‌ മുനിസിപ്പാലിറ്റിയുടെ നഗരപ്രാന്തമായ ചാങ്‌പിങ് ജില്ലയിലാണ് ഇവ കാണപ്പെടുന്നത്. ടിയാൻഷോ പർവതത്തിന്റെ തെക്കൻ ചരിവിലുള്ള ഈ സൈറ്റ് (യഥാർത്ഥത്തിൽ ഹുവാങ്‌ടു പർവ്വതം) ഫെങ്‌ഷൂയിയുടെ തത്ത്വങ്ങളെ അടിസ്ഥാനമാക്കിയാണ് മൂന്നാമത്തെ മിങ് ചക്രവർത്തിയായ യോങ്കിൾ ചക്രവർത്തി തിരഞ്ഞെടുത്തത്. 1420-ൽ ഇംപീരിയൽ പാലസ് (വിലക്കപ്പെട്ട നഗരം) നിർമ്മിച്ചതിനുശേഷം, യോങ്കിൾ ചക്രവർത്തി തന്റെ ശ്മശാന സ്ഥലം തിരഞ്ഞെടുത്ത് സ്വന്തം ശവകുടീരം നിർമ്മിച്ചു. തുടർന്നുള്ള ചക്രവർത്തിമാർ അവരുടെ ശവകുടീരങ്ങൾ അതേ താഴ്വരയിൽ തന്നെ സ്ഥാപിച്ചു.

Imperial Tombs of the Ming and Qing Dynasties

UNESCO World Heritage Site
Location	China
Includes	Chang Ling Mausoleum Xian Ling Mausoleum Jing Ling Mausoleum Yu Ling Mausoleum Mao Ling Mausoleum Tai Ling Mausoleum Kang Ling Mausoleum Yong Ling Mausoleum Zhao Ling Mausoleum Qing Ling Mausoleum Ding Ling Mausoleum De Ling Mausoleum Si Ling Mausoleum
Criteria	Cultural: i, ii, iii, iv, vi
Reference	1004
Inscription	2000 (24th Session)
Extensions	2003; 2004
Coordinates	40°15′12″N 116°13′3″E

യോങ്കിൾ ചക്രവർത്തി മുതൽ 13 മിങ് രാജവംശ ചക്രവർത്തിമാരെ അതേ പ്രദേശത്ത് തന്നെ അടക്കം ചെയ്തു. ആദ്യത്തെ മിങ് ചക്രവർത്തിയായ ഹോങ്‌വു ചക്രവർത്തിയുടെ സിയാവോളിംഗ് ശവകുടീരം അദ്ദേഹത്തിന്റെ തലസ്ഥാനമായ നാൻജിംഗിന് സമീപമാണ്. രണ്ടാമത്തെ ചക്രവർത്തിയായ ജിയാൻവെൻ ചക്രവർത്തിയെ യോങ്കിൾ ചക്രവർത്തി അട്ടിമറിക്കുകയും അറിയപ്പെടുന്ന ഒരു ശവകുടീരം ഇല്ലാതെ അപ്രത്യക്ഷമാവുകയും ചെയ്തു. "താൽക്കാലിക" ചക്രവർത്തിയായ ജിങ്‌ടായ് ചക്രവർത്തിയും ഇവിടെ അടക്കം ചെയ്തിട്ടില്ല, കാരണം ടിയാൻ‌ഷുൻ ചക്രവർത്തി അദ്ദേഹത്തിന് ഒരു സാമ്രാജ്യത്വ ശ്മശാനം നിഷേധിച്ചു. പകരം ജിംഗ്‌തായ് ചക്രവർത്തിയെ ബെയ്‌ജിംഗിന് പടിഞ്ഞാറ് അടക്കം ചെയ്തു. സ്ഥലത്ത് അവസാനമായി അടക്കം ചെയ്തത് തൂങ്ങിമരിച്ച നിലയിൽ ആത്മഹത്യ ചെയ്ത (1644 ഏപ്രിൽ 25 ന്) മിങ് ചക്രവർത്തി ചോങ്‌ഷെൻ ചക്രവർത്തിയാണ്. അദ്ദേഹത്തിന്റെ വെപ്പാട്ടിയായ ഭാര്യ ടിയാന്റെ ശവകുടീരത്തിൽ സംസ്കരിച്ചു. പിന്നീട് ഷൺ രാജവംശത്തിന്റെ ഹ്രസ്വകാല ചക്രവർത്തിയായ ലി സിചെംഗ് ഇത് സാമ്രാജ്യത്വ ശവകുടീരം സി ലിംഗ് ആയി പ്രഖ്യാപിച്ചു.

മിങ് രാജവംശത്തിൽ ശവകുടീരങ്ങൾ സാധാരണക്കാർക്ക് പരിമിതമായിരുന്നു. എന്നാൽ 1644-ൽ ലി സിചെങ്ങിന്റെ സൈന്യം മുന്നേറുകയും ആ വർഷം ഏപ്രിലിൽ ബെയ്‌ജിങ്ങ്‌ പിടിച്ചെടുക്കുന്നതിനുമുമ്പ് പല ശവകുടീരങ്ങളും കൊള്ളയടിക്കുകയും തീയിടുകയും ചെയ്തു.

1725-ൽ ക്വിങ് രാജവംശത്തിലെ യോങ്‌ഷെങ് ചക്രവർത്തി മിങ് രാജവംശത്തിലെ സാമ്രാജ്യകുടുംബത്തിന്റെ പിൻഗാമികൾക്ക് മാർക്വിസിന്റെ പാരമ്പര്യ പദവി നൽകി. മിങ് ശവകുടീരങ്ങളിൽ അനുഷ്ഠാനങ്ങൾ നടത്തുന്നതിന് ഷു സുലിയാങ്ങിന് ക്വിങ് സർക്കാരിൽ നിന്ന് ശമ്പളം ലഭിക്കുകയും കൂടാതെ എട്ട് ബാനറുകളിൽ ഹാൻ പ്ലെയിൻ വൈറ്റ് ബാനറും ഉൾപ്പെടുത്തിയിരുന്നു. പിന്നീട് ക്വിയാൻലോംഗ് ചക്രവർത്തി 1750-ൽ ഷു സുലിയാങ്ങിന് മരണാനന്തരം എക്സ്റ്റെൻഡഡ് ഗ്രേസിന്റെ മാർക്വിസ് എന്ന പദവി നൽകി. ക്വിങ് രാജവംശത്തിന്റെ അവസാനം വരെ പന്ത്രണ്ട് തലമുറ മിങ് പിൻഗാമികളിലൂടെ ഈ പദവി കൈമാറി.

നിലവിൽ, ലോക പൈതൃക കേന്ദ്രമായ ക്വിങ്, മിങ് രാജവംശങ്ങളുടെ സാമ്രാജ്യ ശവകുടീരങ്ങളിൽ ഒന്നാണ് മിങ് ശവകുടീരങ്ങൾ. കൂടാതെ ബെയ്‌ജിംഗിന് സമീപമുള്ള നിരവധി സ്ഥലങ്ങളും നാൻജിംഗ്, ഹെബി, ഹുബെ, ലിയോണിംഗ് പ്രവിശ്യയും ഇതിൽ ഉൾപ്പെടുന്നു.

ലേഔട്ട്

ചാങ്ലിങ് ശവകുടീരത്തിന്റെ ഒരു വിഹഗവീക്ഷണം

മിങ് ശവകുടീര മൈതാനത്തെ പ്രതിമ

ഫെങ്‌ഷുയി (ജിയോമാൻസി) തത്ത്വങ്ങൾക്കനുസൃതമായി മിംഗ് രാജവംശത്തിലെ സാമ്രാജ്യത്വ ശവകുടീരങ്ങളുടെ സ്ഥാനം ശ്രദ്ധാപൂർവം തിരഞ്ഞെടുത്തു. ഈ പ്രകാരം വടക്ക് നിന്ന് ഇറങ്ങുന്ന ദുരാത്മാക്കളും ദുഷ്ട കാറ്റും വഴിതിരിച്ചു വിടുന്നതിനായി ബീജിംഗിന് വടക്ക് ജുണ്ടു പർവതനിരകളുടെ താഴെയുള്ള ഒരു കമാനാകൃതിയിലുള്ള താഴ്‌വര പ്രദേശം തിരഞ്ഞെടുത്തു.

ചിത്രശാല

• 
  ഒരു മിങ് ശവകുടീരത്തിലേക്കുള്ള പ്രവേശനം
• 
  ചാംഗ്ലിംഗ് ശവകുടീരത്തിന്റെ ലിംഗെൻ ഹാൾ
• 
  ശവകുടീരങ്ങളിലേക്ക് നയിക്കുന്ന വിശുദ്ധ നടത്തത്തിന്റെ തുടക്കത്തിൽ ഷെൻ‌ഗോംഗ് ഷെങ്‌ഡെ സ്റ്റീൽ പവലിയൻ
• 
  മിങ് രാജവംശ ശവകുടീരത്തിനുള്ളിലെ ഒരു പ്രതിമ
• 
  മിങ് രാജവംശ ശവകുടീരത്തിനുള്ളിലെ ഒരു പ്രതിമ
• 
  ചാങ്ലിങ് ശവകുടീരത്തിലെ ലിംഗെൻ ഗേറ്റ്
• 
  ചാങ്ലിങ് ശവകുടീരത്തിൽ ഒരു സിൽക്ക് ബേണിംഗ് സ്റ്റൗ
• 
  ചാങ്ലിങ് ശവകുടീരത്തിന്റെ മിങ്‌ലോ ടവർ

പുറത്തേക്കുള്ള കണ്ണികൾ

• Imperial Tombs of the Ming and Qing Dynasties on the UNESCO World Heritage List