1997 മുതൽ ഇരുനൂറിലധികം ആഴ്ചകൾ ലോക ഒന്നാം നമ്പർ സ്ഥാനത്തുണ്ടായിരുന്ന ഒരു ടെന്നീസ് കളിക്കാരിയാണ് മാർട്ടിന ഹിൻഗിസ്‌[1]. സ്വിറ്റ്സർലാന്റിൽ 1980 സെപ്റ്റംബർ 30-നു ജനിച്ച അവർ 1994-ൽ പ്രൊഫഷണൽ ടെന്നിസിൽ അരങ്ങേറി. 1997-ൽ പതിനാറു വയസ്സിൽ ആസ്ട്രേലിയൻ ഓപ്പൺ വ്യക്തിഗത കിരീടം നേടിക്കൊണ്ട് പ്രശസ്തയായി. അതേ വർഷം ടെന്നീസ് റാങ്കിങ്ങിൽ ഒന്നാംസ്ഥാനത്തെത്തുന്ന ലോകത്തെ ഏറ്റവും പ്രായം കുറഞ്ഞ വനിത എന്ന ബഹുമതിയും കരസ്ഥമാക്കി. ആസ്ട്രേലിയൻ ഓപ്പണു പുറമേ 1997-ലെ വിംബിൾഡൺ, യു.എസ്. ഓപ്പൺ കിരീടങ്ങൾ നേടുകയും ഫ്രഞ്ച് ഓപ്പണിൽ രണ്ടാം സ്ഥാനത്തെത്തുകയും ചെയ്തു. അടുത്ത രണ്ടു വര്ഷം വിംബിൾഡൺ കിരീടം നില നിർത്തിയ ഹിൻഗിസ്‌ പിന്നീട് പരിക്ക് കാരണം സജീവ ടെന്നിസിൽ നിന്നും പിൻമാറി. 2006-ൽ കളിക്കളത്തിലേക്ക് തിരിച്ചെത്തി റാങ്കിങ്ങിൽ ആറാം സ്ഥാനം വരെ എത്തിയെങ്കിലും പ്രമുഖ വ്യക്തിഗത കിരീടങ്ങളൊന്നും നേടാനായില്ല. ഡബിൾസ്, മിക്സഡ്‌ ഡബിൾസ് കളികളിലും പങ്കെടുത്തിരുന്ന ഹിൻഗിസ്‌ 2007-ൽ വിരമിച്ചു[2][3]. ആകെക്കൂടി 15 ഗ്രാൻഡ്‌ സ്ലാം കിരീടങ്ങൾ നേടിയ ഹിൻഗിസ് 2013-ൽ ഇന്റർനാഷണൽ ടെന്നീസ് ഫെഡറേഷൻറെ ഏറ്റവും ഉന്നത ബഹുമതിയായ ഇന്റർനാഷണൽ ടെന്നീസ് ഹാൾ ഓഫ് ഫെയിം നൽകി ആദരിക്കപ്പെട്ടു[4].

മാർട്ടിന ഹിൻഗിസ്‌ ഒരു കളിക്കിടെ

അവലംബം തിരുത്തുക

  1. "Weeks at No.1". WTA. Archived from the original on 2013-05-17. Retrieved 13 മെയ്‌ 2013. {{cite web}}: Check date values in: |accessdate= (help)CS1 maint: bot: original URL status unknown (link)
  2. "Martina Hingis WTA Profile". WTA. Archived from the original on 2013-01-13. Retrieved 13 മെയ്‌ 2013. {{cite web}}: Check date values in: |accessdate= (help)CS1 maint: bot: original URL status unknown (link)
  3. "30 Legends of Women's Tennis: Past, Present and Future". ടൈം. Archived from the original on 2013-04-14. Retrieved 13 മെയ്‌ 2013. {{cite web}}: Check date values in: |accessdate= (help)CS1 maint: bot: original URL status unknown (link)
  4. "Hingis elected to International Tennis Hall of Fame". ITF. Archived from the original on 2013-05-13. Retrieved 13 മെയ്‌ 2013. {{cite web}}: Check date values in: |accessdate= (help)
"https://ml.wikipedia.org/w/index.php?title=മാർട്ടിന_ഹിൻഗിസ്‌&oldid=3788942" എന്ന താളിൽനിന്ന് ശേഖരിച്ചത്