മാലേത്ത് സരളാദേവി
2001-2006-ലെ പതിനൊന്നാം കേരള നിയമസഭയിൽ ആറൻമുളയെ പ്രതിനിധീകരിച്ച പത്തനംതിട്ട ജില്ലയിൽ നിന്നുള്ള കോൺഗ്രസ് നേതാവായിരുന്നു. മാലേത്ത് സരളാദേവി (ജനനം:02 ഒക്ടോബർ 1943) 2005-ൽ കോൺഗ്രസ് നേതൃത്വവുമായി തെറ്റിപ്പിരിഞ്ഞ് പുതിയ പാർട്ടി രൂപീകരിച്ച ലീഡർ കെ.കരുണാകരന് പിന്തുണ പ്രഖ്യാപിച്ച് നിയമസഭാംഗത്വം രാജിവച്ചു[1] [2] [3] [4]
മാലേത്ത് സരളാദേവി | |
|---|---|
| നിയമസഭാംഗം | |
| ഓഫീസിൽ 2001-2005 | |
| മുൻഗാമി | കടമ്മനിട്ട രാമകൃഷ്ണൻ |
| പിൻഗാമി | കെ.സി. രാജഗോപാലൻ |
| മണ്ഡലം | ആറൻമുള |
| വ്യക്തിഗത വിവരങ്ങൾ | |
| ജനനം | 2 ഒക്ടോബർ 1943 ഇടയാറന്മുള, പത്തനംതിട്ട ജില്ല |
| രാഷ്ട്രീയ കക്ഷി | ഐ.എൻ.സി (2005 വരെ) (2008-മുതൽ) ഡി.ഐ.സി (കെ) (2005-2008) |
| പങ്കാളി | Raveendran nair |
| കുട്ടികൾ | 1 son |
| വസതി | ഇടയാറന്മുള |
As of 24'th February, 2021 ഉറവിടം: കേരള നിയമസഭ | |
ജീവിതരേഖ
തിരുത്തുകപത്തനംതിട്ട ജില്ലയിലെ ഇടയാറന്മുളയിൽ കൊച്ചു കേശവപിള്ളയുടേയും പാർവതിയുടേയും മകളായി 1943 ഒക്ടോബർ 2 ന് ജനിച്ചു. പന്തളം എൻ.എസ്.എസ്. കോളേജ്, ചങ്ങനാശ്ശേരി എൻ.എസ്.എസ്. ഹിന്ദു കോളേജ് എന്നിവിടങ്ങളിൽ വിദ്യാഭ്യാസം. എം.എ.ബി.എഡ്. ആണ് വിദ്യാഭ്യാസ യോഗ്യത. റിട്ട. ഹൈസ്കൂൾ അധ്യാപികയാണ്.[5]
രാഷ്ട്രീയ ജീവിതം
തിരുത്തുകവിദ്യാർത്ഥിയായിരിക്കുമ്പോൾ 1963-ൽ സ്റ്റുഡൻറ്സ് കോൺഗ്രസ് കമ്മറ്റി അംഗമായിട്ടാണ് പൊതുരംഗ പ്രവേശനം. 1965 മുതൽ 1968 വരെ ചങ്ങനാശ്ശേരി എൻ.എസ്.എസ്. കോളേജിൽ വിദ്യാർത്ഥി സംഘടനയുടെ പ്രതിനിധിയായിരുന്നു. 1978-ൽ കോൺഗ്രസ് പിളർന്നപ്പോൾ ലീഡർ കെ.കരുണാകരൻ നേതാവായ (ഐ) ഗ്രൂപ്പിൽ ചേർന്നു. 2001-ൽ ആറൻമുളയിൽ നിന്ന് നിയമസഭാംഗമായി തിരഞ്ഞെടുക്കപ്പെട്ടു. കോൺഗ്രസ് നേതൃത്വവുമായി തെറ്റിപ്പിരിഞ്ഞ് പുതിയ പാർട്ടി ഡി.ഐ.സി (കെ) രൂപീകരിച്ച ലീഡർ കെ.കരുണാകരന് പിന്തുണ പ്രഖ്യാപിച്ച് 2005 ജൂലൈ 5ന് നിയമസഭാംഗത്വം രാജിവച്ചു[6][7]2006-ലെ നിയമസഭ തിരഞ്ഞെടുപ്പിൽ ഡി.ഐ.സി. (കെ) സ്ഥാനാർത്ഥിയായി ആറൻമുളയിൽ നിന്ന് മത്സരിച്ചെങ്കിലും സി.പി.എമ്മിലെ കെ.സി.രാജഗോപാലനോട് തോറ്റു [8]. 2008-ൽ കരുണാകരനൊപ്പം കോൺഗ്രസിൽ തിരിച്ചെത്തി[9][10]
പ്രധാന പദവികൾ
- 1976 പ്രസിഡൻറ്, ആലപ്പുഴ ജില്ലാ മഹിള കോൺഗ്രസ് (ഐ) കമ്മിറ്റി
- 1978-1980 പ്രസിഡൻ്റ്, ആറൻമുള മണ്ഡലം കോൺഗ്രസ് കമ്മിറ്റി
- 1982-2005 ജനറൽ സെക്രട്ടറി, കേരള പ്രദേശ് മഹിള കോൺഗ്രസ് കമ്മിറ്റി
- 1983 എക്സിക്യൂട്ടീവ് കമ്മിറ്റി മെമ്പർ, പത്തനംതിട്ട ഡി.സി.സി.
- 1988 ആറൻമുള ഗ്രാമപഞ്ചായത്ത് അംഗം, ഡയറക്ടർ ബോർഡ് മെമ്പർ, ആറൻമുള സഹകരണ ബാങ്ക്
- 1991-1993 പത്തനംതിട്ട ജില്ലാ കൗൺസിൽ അംഗം
- 2000-2005 കെ.പി.സി.സി. എക്സിക്യൂട്ടീവ് കമ്മിറ്റി അംഗം
- 2001-2005 നിയമസഭാംഗം, ആറൻമുള[11]
മറ്റ് പദവികൾ
- 1971 പ്രസിഡൻ്റ്, പൗർണമി മഹിളാ സമാജം
- 1976 പ്രസിഡൻറ്, മഹിളാ സമാജം കുളനട ബ്ലോക്ക്
- 1983 പ്രസിഡൻറ്, പത്തനംതിട്ട ജില്ലാ മഹിളാ സമാജം, ഭാരത് സേവക് സമാജ് മഹിളാ വിഭാഗം കൺവീനർ, ബി.എസ്.എസ് ജില്ലാ വൈസ് പ്രസിഡൻറ്, പത്തനംതിട്ട
- 1985 ഡി.ആർ.ഡി.എ മെമ്പർ പത്തനംതിട്ട
- 1986-1995 മെമ്പർ, സ്റ്റേറ്റ് സോഷ്യൽ വെൽഫെയർ അഡ്വവൈസറി ബോർഡ്
- 1989 ജനറൽ സെക്രട്ടറി, കാൻഫെഡ് (CANFED) പത്തനംതിട്ട ജില്ലാ
- 1994 സംസ്ഥാന കൺവീനർ, കാൻഫെഡ് പരിസ്ഥിതി വിഭാഗം
- 1995 പ്രസിഡൻറ്, ലേബർ വെൽഫെയർ കോൺഗ്രസ്
- എഡിറ്റർ പ്രതീകം വനിതാ മാസിക ആഴ്ചപ്പതിപ്പ്,
- 2004 ജനറൽ സെക്രട്ടറി, കാൻഫെഡ്
സ്വകാര്യ ജീവിതം
തിരുത്തുക- ഭർത്താവ് : രവീന്ദ്രൻ നായർ
- ഒരു മകൻ
അവലംബം
തിരുത്തുക- ↑ https://resultuniversity.com/election/aranmula-kerala-assembly-constituency#2001
- ↑ https://m.timesofindia.com/city/thiruvananthapuram/malayalam-wikipedia-takes-a-gender-turn/articleshow/18818967.cms
- ↑ https://www.thehindu.com/news/national/kerala/womens-wall-an-attempt-to-divide-society-congress/article25746105.ece
- ↑ https://www.newindianexpress.com/states/kerala/2009/jan/01/karunakaran-slams-kerala-state-congress-14953.html
- ↑ "ആർക്കൈവ് പകർപ്പ്". Archived from the original on 2022-06-25. Retrieved 2021-02-24.
- ↑ http://www.niyamasabha.org/codes/members/m607.htm
- ↑ https://books.google.co.in/books?id=rPxpuw-tTBIC&pg=PA209&lpg=PA209&dq=malethu+sarala+devi&source=bl&ots=gAZl0xY-nl&sig=ACfU3U0JS9QicqUBCuskict0hkn7IPEeag&hl=en&sa=X&ved=2ahUKEwj_1qTOzYLvAhWD7XMBHa_iDTI4ChDoATAOegQIExAC#v=onepage&q=malethu%20sarala%20devi&f=false
- ↑ https://www.oneindia.com/aranmula-assembly-elections-kl-113/[പ്രവർത്തിക്കാത്ത കണ്ണി]
- ↑ https://www.hindustantimes.com/amp.
- ↑ https://m.economictimes.com/news/politics-and-nation/karunakaran-leaves-ncp-to-rejoin-cong/articleshow/2612702.cms
- ↑ https://truevartha.com/?p=5488[പ്രവർത്തിക്കാത്ത കണ്ണി]