മരുമക്കത്തായം

ഇന്നത്തെ കേരളത്തിന്റെ ഭാഗമായ ഭൂപ്രദേശങ്ങളിൽ പ്രചാരത്തിലുള്ള മാതൃപരമ്പരയുടെ ഒരു രൂപമായിരുന്നു മരുമക്കത്തായം. വംശപരമ്പരയും സ്വത്തിന്റെ അനന്തരാവകാശവും അമ്മയുടെ സഹോദരനിൽ നിന്ന് മരുമക്കളിലേക്കോ കൈമാറിവന്നിരുന്നു. നായർ, അമ്പലവാസികൾ തുടങ്ങി മറ്റു ചില സമുദായങ്ങളും ഈ രീതി പിന്തുടർന്നുവന്നു. മാതൃസഹോദരങ്ങളിൽ മൂത്ത പുരുഷനെ കാരണവർ എന്നറിയപ്പെട്ടു. കുടുംബത്തിന്റെ മുഴുവൻ സ്വത്തുക്കളും കാരണവരാണ് നിയന്ത്രിച്ചുവന്നിരുന്നത്. അനന്തരാവകാശം പക്ഷേ, സഹോദരീപുത്രന്മാർക്കാണ് പോയിരുന്നത്. കൂട്ടുകുടുംബങ്ങളിലാണ് പൊതുവെ ഇവ കാണപ്പെട്ടിരുന്നത്. സഹോദരീസന്താനങ്ങൾ എന്നർത്ഥം വരുന്ന മരുമക്കൾ എന്നതിൽ നിന്നാണ് ഈ പേര് രൂപപ്പെടുന്നത്.

1933 ഓഗസ്റ്റ് 1-ന് ഫോർട്ട് സെന്റ് ജോർജ് ഗസറ്റിൽ പ്രസിദ്ധീകരിച്ച മദ്രാസ് മരുമക്കത്തായം നിയമം 1932, 1933-ലെ 22-ാം നമ്പർ മദ്രാസ് നിയമം എന്നിവ പ്രകാരം ഇത് സംബന്ധിച്ച നിയമങ്ങൾ നിലവിൽ വന്നു.

മലബാറിലെ ചില പ്രദേശങ്ങളിൽ ഇതിന്റെ ഭാഗമായി വധുഗൃഹത്തിൽ അന്തിയുറങ്ങുന്ന പുതിയാപ്പിള സമ്പ്രദായം ഇപ്പോഴും നിലനിൽക്കുന്നുണ്ട് നായർ സമുദായവും,മലബാറിലെ, ചില ബ്രാഹ്മണരും, നമ്പ്യാന്മാരും , ഇസ്ലാം സ്വീകരിച്ച നായൻമാർ മരുമക്കത്തായം പാലിച്ചു പോന്നിരുന്നു.അതിനാൽ മരുമക്കത്തായം പാലിച്ചു വന്ന മുസ്ലിം കുടുംബങ്ങൾ മാത്രമേ തമ്മിൽ വിവാഹ ബന്ധങ്ങളിൽ ഏർപ്പെടാറുണ്ടായിരുന്നുള്ളു.തലശ്ശേരി, നാദാപുരം, കുറ്റ്യാടി പ്രദേശങ്ങളിൽ മുസ്ലിം സമൂഹത്തിൽ ഇത് വ്യാപകമായിരുന്നു.