ബുത്തോസ്കോർപിയോ ചിന്നാറെൻസിസ്

കേരളത്തിലെ ചിന്നാർ വന്യജീവി സംരക്ഷണകേന്ദ്രത്തിൽ നിന്നും കണ്ടെത്തിയ പുതിയ ഒരിനം തേളാണ് ബുത്തോസ്കോർപിയോ ചിന്നാറെൻസിസ് (ശാസ്ത്രീയനാമം: Buthoscorpio chinnarensis). സുവോളജിക്കൽ സർവേ ഓഫ് ഇന്ത്യയുടെ കോഴിക്കോട് പ്രാദേശിക കേന്ദ്രത്തിലെ ഗവേഷണ വിദ്യാർഥിനി അശ്വതി, സീനിയർ ശാസ്ത്രജ്ഞൻ ഡോ. പി.എം. സുരേശൻ, പാരിസ് നാചുറൽ ഹിസ്റ്ററി മ്യൂസിയത്തിലെ ഡോ. വിൽസൻ ലോറൻസൊ എന്നിവരാണ് ഈ ഇനത്തെ കണ്ടെത്തിയത്. ചിന്നാറിലെ ചുരുളപ്പെട്ടി വനമേഖലയിലുള്ള മുൾക്കാടുകളാണ് ഇവയുടെ ആവാസ കേന്ദ്രം. തിളങ്ങുന്ന കറുപ്പുനിറത്തിലുള്ള ഇവ പാറക്കെട്ടുകൾക്കിടയിൽ ചെറിയ വണ്ടുകളെപ്പോലെ കാണപ്പെടുന്നു. തടിച്ച വാൽഭാഗം വയറിൻെറ മുകളിൽ കയറ്റിവെയ്ക്കുന്നത് ഇവയുടെ പ്രത്യേകതയാണ്. അതിനാൽ ഇവയെ തേളാണെന്ന് പെട്ടെന്ന് തിരിച്ചറിയാൻ സാധിക്കില്ല.

Buthoscorpio chinnarensis
ശാസ്ത്രീയ വർഗ്ഗീകരണം
കിങ്ഡം:	Animalia
Phylum:	Arthropoda
Class:	Arachnida
Order:	Scorpiones
Family:	Buthidae
Genus:	Buthoscorpio
Species:	B. chinnarensis
Binomial name
Buthoscorpio chinnarensis