ബാബു ഇസ്മയിൽ സേട്ടു

ചെമ്മീൻ എന്ന ചലച്ചിത്രത്തിന്റെ നിർമ്മാതാവെന്ന നിലയിൽ ശ്രദ്ധേയനായ ചലച്ചിത്രകാരനായിരുന്നു കൺമണി ബാബു എന്ന ബാബു ഇസ്മയിൽ സേട്ടു.

ബാബു ഇസ്മയിൽ സേട്ടു
ബാബു ഇസ്മയിൽ സേട്ടു
ജനനം	1946 മട്ടാഞ്ചേരി
മരണം	2005 നവംബർ 25
ദേശീയത	ഇന്ത്യ
തൊഴിൽ(s)	ചലച്ചിത്രനിർമാതാവ്, തിയേറ്റർ ഉടമ
അറിയപ്പെടുന്നത്	ചെമ്മീൻ എന്ന ചലച്ചിത്രത്തിന്റെ നിർമ്മാതാവ്

1946ൽ മട്ടാഞ്ചേരിയിൽ ജനിച്ചു. സാമ്പത്തികമായി വളരെ മെച്ചപ്പെട്ട കുടുംബത്തിലായിരുന്നു ജനനം. ഇസ്മയിൽ സേട്ട് എന്നാണ് ശരിക്കുള്ള പേര്. ചെമ്മീനിന്റെ നിർമ്മാതാവ് എന്ന നിലയിൽ ഇരുപതാം വയസ്സിൽ രാഷ്ട്രപതിയുടെ സ്വർണ്ണമെഡൽ ലഭിച്ചു. സൂപ്പർഹിറ്റാകുകയും അംഗീകാരങ്ങൾ വാരിക്കൂട്ടുകയും ചെയ്ത ചെമ്മീനിനുശേഷം ഏഴു രാത്രികൾ എന്നൊരു ചിത്രംകൂടി ബാബു നിർമ്മിച്ചു. സജീവ സിനിമാരംഗത്തുനിന്ന് വിട്ടശേഷം എറണാകുളത്തെ എം.ജി. റോഡിലുള്ള കവിതാ തിയറ്ററിന്റെ നടത്തിപ്പിലാണ് അദ്ദേഹം ശ്രദ്ധിച്ചത്. 2005 നവംബർ 25-ം തിയതി 62-ം വയസ്സിൽ അദ്ദേഹം അന്തരിച്ചു.