ഫ്രാൻസിസ്ക ടിബുർട്ടിയുസ്
ഫ്രാൻസിസ്ക ടിബുർട്ടിയസ് (ജീവിതകാലം: 24 ജനുവരി 1843 - 5 മേയ് 1927) ഒരു ജർമ്മൻ ഭിഷഗ്വരയും വനിതകളുടെ വിദ്യാഭ്യാസത്തിനുവേണ്ടി വാദിക്കുന്നയാളുമായിരുന്നു. ഇംഗ്ലീഷ്:Franziska Tiburtius
.png)
_Lehmus_Tiburtius.jpg)
ജീവിതരേഖ
തിരുത്തുകസാമ്രാജ്യത്വ ജർമ്മനിയിൽ ഒരു വൈദ്യനായി യോഗ്യത നേടിയ ആദ്യ രണ്ട് സ്ത്രീകളിൽ ഒരാളായിരുന്നു ടിബർട്ടിയസ്.[1] പൊമറേനിയയിലെ റൂഗൻ ദ്വീപിൽ ജനിച്ച ടിബർട്ടിയുസ് മാതാപിതാക്കളുടെ ഒമ്പത് മക്കളിൽ ഇളയവളും ഒരു കുടിയാൻ കർഷകരുടെ മകളുമായിരുന്നു.[2] ഒരു അധ്യാപികയാകാൻ ഉദ്ദേശിച്ചിരുന്നെങ്കിലും, സഹോദരൻ കാൾ ടിബർട്ടിയസും (ഒരു സൈനിക ഭിഷഗ്വരൻ) സഹോദരഭാര്യയും, ഹെൻറിറ്റ് ഹിർഷ്‌ഫെൽഡ്-ടിബർട്ടിയസും (ജർമ്മനിയിലെ ആദ്യത്തെ വനിതാ ദന്തഡോക്ടർ) ടിബർട്ടിയസിനെ വൈദ്യശാസ്ത്രം സംബന്ധമായ ഒരു കരിയർ പിന്തുടരുന്നതിന് അവരെ പ്രോത്സാഹിപ്പിച്ചു. ജർമ്മൻ മെഡിക്കൽ പ്രോഗ്രാമുകളിലേക്കുള്ള പ്രവേശനം നിരസിക്കപ്പെട്ടതിനേത്തുടർന്ന് ടിബുർട്ടിയസ് സൂറിച്ചിൽ വൈദ്യശാസ്ത്രം പഠിക്കുകയും 1876-ൽ അവളുടെ പരീക്ഷകളിൽ മികച്ച വിജയം നേടുകയം ചെയ്തു.
ആ വർഷം ഡ്രെസ്‌ഡനിലെ ഗൈനക്കോളജിസ്റ്റും പ്രസവചികിത്സകനുമായ ഫ്രാൻസ് വോൺ വിങ്കലിനൊപ്പം ഇന്റേണൽ മെഡിസിൻ ഡോക്ടറായി ഇന്റേൺഷിപ്പും അവർ പൂർത്തിയാക്കി. 1877-ൽ, ടിബർട്ടിയസ് തന്റെ സഹവിദ്യാർത്ഥിനിയായിരുന്ന എമിലി ലെഹ്മസുമായി (1841-1932) ബെർലിൻ-മിറ്റെയിൽ ഷോൺഹൗസർ സ്ട്രാസെ 23/24 എന്ന സ്ഥലത്ത് ഒരു വനിതാ ചികിത്സാലയം സ്ഥാപിച്ചു. നിരവധി കോടതി നിരോധനങ്ങളും അപവാദങ്ങളും ഉൾപ്പെടെയുള്ള എതിർപ്പുകൾക്കിടയിലും, അവരുടെ ക്ലിനിക്ക് ധാരാളം ഇടപാടുകാരെ ആകർഷിച്ചു.[2] 1908-ൽ, ടിബുർട്ടിയസ് തന്റെ സഹപ്രവർത്തകയായ ആഗ്നസ് ഹാക്കറുമായി ചേർന്ന് വനിതാ ഡോക്ടർമാർക്കുവേണ്ടിയുള്ള ഒരു ശസ്ത്രക്രിയാ ക്ലിനിക് തുറക്കുകയും അത് ആരോഗ്യ ഇൻഷുറൻസ് ഇല്ലാത്ത സ്ത്രീകളെ ബോധപൂർവം സ്വീകരിക്കുകയും ചെയ്തതൊടൊപ്പം ആവശ്യക്കാർക്ക് സൗജന്യമായി മരുന്നും നൽകി.
റഫറൻസുകൾ
തിരുത്തുക- ↑ Paulette Meyer, From "Uncertifiable" Medical Practice to the Berlin Clinic of Women Doctors: The Medical Career of Franziska Tiburtius (M.D. Zürich, 1876), DYNAMIS. Acta Hisp. Med. Sci. Hist. Illus., 19, 1999, pp. 297-303
- ↑ 2.0 2.1 Ogilvie, Marilyn; Harvey, Joy (2003-12-16). The Biographical Dictionary of Women in Science: Pioneering Lives From Ancient Times to the Mid-20th Century (in ഇംഗ്ലീഷ്). Routledge. ISBN 978-1-135-96343-9.