മലയാളം: Wagon Tragedy Memorial Bus Stop Velluvambram Pookkottur,1921 ൽ മലബാർ കലാപ വേളയിൽ ബ്രിട്ടീഷ് പട്ടാളം പിടികൂടിയ സമര പോരാളികളുമായി തിരൂരിൽ നിന്നും കോയമ്പത്തൂരിലേക്ക് റെയിൽവേയുടെ ചരക്ക് തീവണ്ടി പുറപ്പെട്ടു. എം എസ് എം - എൽ വി 1711 എന്ന മദ്രാസ് സൗത്ത് മറാഠ കമ്പനിയുടെ വായു കടക്കാത്ത വാഗണിലാണ് സമരക്കാരെ കുത്തിനിറച്ച് കൊണ്ട് പോയത്. അടച്ച് പൂട്ടിയ വാഗണിൽ 100 ൽ പരം ആളുകളൂണ്ടായിരുന്നു. 64 പേർ ശ്വാസം മുട്ടി മരണപ്പെട്ടു. 1921 നവമ്പർ 20 നായിരുനു ഈ സംഭവം നടന്നത്. ക്രൂരമായ ഈ കൂട്ടക്കൊലയുടെ സ്മരണക്കായി നിർമിക്കപ്പെട്ട സ്മാരകമാണ് വാഗൺ മാതൃകയിലുള്ള ബസ് കാത്തിരിപ്പു കേന്ദ്രം. വാഗൺ ട്രാജഡി ദുരന്തത്തിനു കാരണക്കാരനായ അന്നത്തെ പോലിസ് സൂപ്രണ്ട് ഹിച്ച്കോക്കിന്റെ സ്മാരകം ഇവിടെ നിലനിന്നിരുന്നു. സ്വാതന്ത്രത്തിനു ശേഷം ഹിച്ച്കോക്ക് സ്മാരകം പൊളിച്ച് നീക്കണമെന്നാവശ്യപ്പെട്ട് ബഹുജന പ്രക്ഷോപം ആരംഭിക്കുകയും പിന്നീട് 1969 ൽ അത് പൊളിച്ച് മാറ്റുകയും തൽസ്ഥാനത്ത് ഈ കാണുന്ന സ്മാരകം നിർമിക്കുകയും ചെയ്തു.