"ഇടവെട്ടി ശ്രീകൃഷ്ണസ്വാമി ക്ഷേത്രം" എന്ന താളിന്റെ പതിപ്പുകൾ തമ്മിലുള്ള വ്യത്യാസം

== ഐതിഹ്യം ==

വനവാസകാലത്ത് പഞ്ചപാണ്ഡവർ പലതവണ [[ദക്ഷിണേന്ത്യ|ദക്ഷിണേന്ത്യയിൽ]] താമസിയ്ക്കുകയുണ്ടായിട്ടുണ്ട്. അക്കാലത്ത് അവർ ഇന്നത്തെ തൊടുപുഴ പട്ടണത്തിന്റെ പരിസരങ്ങളിലും വരികയും തമ്പടിയ്ക്കുകയുമുണ്ടായി. അക്കാലത്ത് അവർ ഓരോരുത്തരും തങ്ങളുടേതായ വിഷ്ണുവിഗ്രഹങ്ങൾ ആരാധിച്ചുപോന്നു. പിന്നീട് ഏറെക്കാലത്തിനുശേഷം അവ നാട്ടുകാരുടെ നേതൃത്വത്തിൽ വീണ്ടെടുക്കുകയും അതാത് സ്ഥലങ്ങളിൽ പ്രതിഷ്ഠിയ്ക്കുകയുമുണ്ടായി. പാണ്ഡവരിൽ മൂത്തവനായ [[യുധിഷ്ഠിരൻ]] പൂജിച്ചിരുന്ന വിഗ്രഹം തൊടുപുഴയിലും, രണ്ടാമനായ [[ഭീമസേനൻ]] പൂജിച്ചിരുന്ന വിഗ്രഹം [[കോലാനി|കോലാനിയിലും]], മൂന്നാമനായ [[അർജ്ജുനൻ]] പൂജിച്ചിരുന്ന വിഗ്രഹം [[മുട്ടം, ഇടുക്കി ജില്ല|മുട്ടത്തും]], നാലാമനായ നകുലൻ പൂജിച്ചിരുന്ന വിഗ്രഹം ഇടവെട്ടിയിലും, അഞ്ചാമനായ [[സഹദേവൻ]] പൂജിച്ചിരുന്ന വിഗ്രഹം [[പെരുമ്പിള്ളിച്ചിറ|പെരുമ്പിള്ളിച്ചിറയിലും]] പ്രതിഷ്ഠിച്ചു. ഇവയിൽ ആദ്യത്തെ മൂന്ന് വിഗ്രഹങ്ങളും കിഴക്കോട്ടും അവസാനത്തെ രണ്ട് വിഗ്രഹങ്ങളും പടിഞ്ഞാറോട്ടും ദർശനം കൊടുത്താണ് പ്രതിഷ്ഠിച്ചത്. അഞ്ചിടത്തും പ്രതിഷ്ഠ യഥാർത്ഥത്തിൽ [[മഹാവിഷ്ണു]] തന്നെയാണ്. എന്നാൽ പാണ്ഡവർ പ്രതിഷ്ഠിച്ചതുകൊണ്ടാകണം, എല്ലാം ശ്രീകൃഷ്ണസങ്കല്പത്തിലായി. അവയിൽ, സ്വർഗ്ഗത്തിലെ വൈദ്യന്മാരായ [[അശ്വിനീദേവന്മാർ|അശ്വിനീദേവന്മാരുടെ]] പുത്രനായ നകുലൻ പ്രതിഷ്ഠിച്ചതുകൊണ്ട് ഇടവെട്ടിയിലെ ഭഗവാനിൽ ധന്വന്തരിഭാവവും കലർന്നു. ഇപ്പോൾ ഈ അഞ്ചു ക്ഷേത്രങ്ങളെയും ചേർത്തുകൊണ്ട് ഒരു യാത്ര ആരംഭിച്ചിട്ടുണ്ട്.