"തിരൂർ നമ്പീശൻ" എന്ന താളിന്റെ പതിപ്പുകൾ തമ്മിലുള്ള വ്യത്യാസം

ഏറെ ദുരിതങ്ങളിലൂടെയാണ് നമ്പീശൻ ജീവിച്ചുപോയത്. 15 വയസ്സ് തികയും മുമ്പ് അദ്ദേഹത്തിന് തന്റെ മാതാപിതാക്കളെയും രണ്ട് അനുജന്മാരെയും നഷ്ടപ്പെട്ടിരുന്നു. അനുജത്തി ശ്രീദേവിയുടെ ആത്മഹത്യ അദ്ദേഹത്തെ തളർത്തിക്കളഞ്ഞു. ഇതിനിടയിൽ പണിക്കർ ശിഷ്യന്റെ കഴിവിന്റെ ആഴം മനസ്സിലാക്കിക്കഴിഞ്ഞിരുന്നു. അദ്ദേഹം [[കേരള കലാമണ്ഡലം|കേരള കലാമണ്ഡലത്തിൽ]] ചേർന്ന് [[കഥകളി സംഗീതം]] അഭ്യസിക്കാൻ ശിഷ്യനോട് ആവശ്യപ്പെട്ടു. അതനുസരിച്ച് സ്കൂൾ വിദ്യാഭ്യാസം അവസാനിപ്പിച്ച് 1957-ൽ നമ്പീശൻ കേരളകലാമണ്ഡലത്തിലേക്ക് പുറപ്പെട്ടു.

കലാമണ്ഡലത്തിൽ അദ്ദേഹം ചേർന്ന അതേ ദിവസം തന്നെയാണ് പിൽക്കാലത്ത് പ്രസിദ്ധരായി മാറിയ [[മാടമ്പി സുബ്രഹ്മണ്യൻ നമ്പൂതിരി]], [[കലാമണ്ഡലം ശങ്കരൻ എമ്പ്രാന്തിരി]], [[കലാമണ്ഡലം ഹൈദരലി]] എന്നിവരും പഠിക്കാൻ ചേർന്നത്. [[കലാമണ്ഡലം നീലകണ്ഠൻ നമ്പീശൻ]], [[ശിവരാമൻ നായർ]], [[കാവുങ്ങൽ മാധവ പണിക്കർ]] തുടങ്ങിയ മഹാരഥന്മാരായിരുന്നു അവരുടെ ഗുരുക്കന്മാർ. [[ഗുരുകുലം|ഗുരുകുലസമ്പ്രദായമനുസരിച്ച്]] ചിട്ടയായ പഠനമായിരുന്നു നടത്തിപ്പോന്നിരുന്നത്. അങ്ങനെ മൂന്ന് വർഷത്തെ പഠനത്തിനുശേഷം 1960-ൽ മാടമ്പിയോടൊപ്പം നമ്പീശൻ അരങ്ങേറ്റം കുറിച്ചു.