"താമാർ (ഉൽപത്തി)" എന്ന താളിന്റെ പതിപ്പുകൾ തമ്മിലുള്ള വ്യത്യാസം

താമാർ കാനാനിയസ്ത്രീയായിരുന്നെങ്കിലും [[നോഹ|നോഹയുടെ]] പുത്രൻ ശേമിന്റെ പരമ്പരയിലെ പുരോഹിതന്റെ പുത്രിയായിരുന്നെന്നും, പരസംഗം ചെയ്യുന്ന പുരോഹിതപുത്രിമാരെ ചുട്ടെരിക്കണമെന്ന ചട്ടം (ലേവ്യരുടെ പുസ്തകം 21:9) അനുസരിച്ചാണ് യൂദാ അവളെ ചുട്ടുകൊല്ലാൻ വിധിച്ചതെന്നും റബൈനികവ്യാഖ്യാതാക്കൾ അഭിപ്രായപ്പെട്ടിട്ടുണ്ട്. യൂദായുടെ മക്കളുടെ ഭാര്യയായിരിക്കെ വിനയവതിയായ അവൾ സദാ മുഖം മറച്ചു നടന്നിരുന്നതിനാലാണ് പിന്നീട് അമ്മായിയപ്പന് അവളെ തിരിച്ചറിയാൻ കഴിയാതിരുന്നതെന്ന വിശദീകരണവും അവർ മുന്നോട്ടുവച്ചു. യൂദാഭവനവുമായുള്ള തന്റെ ബന്ധം വന്ധ്യമാകരുതെന്ന ആഗ്രഹമാണ് അവളെ കടുംചെയ്തികൾക്ക് പ്രേരിപ്പിച്ചതെന്നും അവർ പറയുന്നു. വേശ്യാവൃത്തി ആരോപിക്കപ്പെട്ടിട്ടും യൂദായെ കുറ്റപ്പെടുത്തി മാനംകെടുത്താൻ ആഗ്രഹിക്കാതിരുന്ന അവൾ സ്വന്തം ഉത്തരവാദിത്വംഉത്തരവാദിത്തം ഏറ്റുപറയുവാൻ അയാളെ നിർബ്ബദ്ധനാക്കുംവിധം പണയവസ്തുക്കൾ തിരികെ അയക്കുക മാത്രം ചെയ്തെന്നും അവർ ചൂണ്ടിക്കാട്ടി.<ref name ="jewish"/>

യേശുവിന്റെ വംശാവലിയുടെ പിന്തുടർച്ച താമാറും യൂദായുമായുള്ള നിഷിദ്ധബന്ധത്തിലൂടെയായതിന്റെ ദൈവശാസ്ത്രപ്രസക്തി നവീകൃതക്രിസ്തീയതയിലെ പ്രധാനികളായ [[മാർട്ടിൻ ലൂഥർ|മാർട്ടിൻ ലൂഥറും]] [[ജോൺ കാൽവിൻ|ജോൺ കാൽവിനും]] എടുത്തുപറഞ്ഞു. കളങ്കമേക്കാത്ത മനുഷ്യലൈംഗികതയുടെ ലോകത്തിലല്ല ദൈവപുത്രൻ മനുഷ്യനായി അവതരിച്ചതെന്ന് ഇതു വ്യക്തമാക്കുന്നു. തിരിച്ചറിയാത്ത ഒരു തെരുവുവേശ്യയുമായുള്ള അപ്രധാനസംഗമമായി യൂദായും, തന്റെമേൽ അധികാരമുണ്ടായിരുന്ന ഒരു മനുഷ്യനോട് ഗതിമുട്ടിയപ്പോൾ ചെയ്യേണ്ടിവന്ന ചതിയായി താമാറും കണക്കാക്കിയ സംഭവം ദൈവത്തിന്റെ മനുഷ്യാവതാരത്തിനു വഴിയൊരുക്കുന്നതായി. [[ഫിലിപ്പിയർക്ക് എഴുതിയ ലേഖനം|ഫിലിപ്പിയർക്കെഴുതിയ ലേഖനത്തിൽ]] [[പൗലോസ് അപ്പസ്തോലൻ]] പറയുന്ന യേശുവിന്റെ ശൂന്യവൽക്കരണമാണ് (Kenosis) താമാറും യൂദായുമായുള്ള നിഷിദ്ധസംഗമത്തിന് യേശുവിന്റെ ജനനവുമായുള്ള ബന്ധത്തിൽ കാണേണ്ടതെന്നു ജോൺ കാൽവിനും അഭിപ്രായപ്പെട്ടു. മാനുഷികമായ പൂർവികമഹത്വത്തേയുംപൂർവികമഹത്ത്വത്തേയും സല്പേരിനേയും ആശ്രയിക്കാതിരിക്കാനുള്ള യേശുവിന്റെ തീരുമാനത്തിനു തെളിവായി അദ്ദേഹം അതിനെ കണ്ടു.<ref name ="refor"/>