"പച്ചമലയാളപ്രസ്ഥാനം" എന്ന താളിന്റെ പതിപ്പുകൾ തമ്മിലുള്ള വ്യത്യാസം

അന്യഭാഷാപദങ്ങൾ, പ്രത്യേകിച്ചും [[സംസ്ക്രതം |സംസ്കൃത]]പദങ്ങൾ കലരാത്ത മലയാള [[ഭാഷ]]പ്രസ്ഥാനമാണ് '''പച്ച മലയാള പ്രസ്ഥാനം''' . സാഹിത്യഭാഷയിൽ സംസ്കൃതത്തിന്റെ അതിപ്രസരം ക്രമാതീതമായപ്പോൾ അതിനെതിരായി വളർന്നുവന്ന ആശയമാണ് പച്ചമലയാളം. പത്തൊമ്പതാം ശതകത്തിന്റെ മധ്യഘട്ടത്തിൽ കാവ്യഭാഷയും കാവ്യരൂപവും ഒരളവിൽ കേരളീയമാകാൻ ഇത് സഹായകമായി.പത്തൊമ്പതാം നൂറ്റാണ്ടിൽ [[കൊടുങ്ങലൂർ|കൊടുങ്ങല്ലൂരിൽ]] കേന്ദ്രീകരിച്ചായിരുന്നു ഇതിന്റെ പ്രവർത്തനം. മലയാളകവിതയുടെ രൂപത്തിലും ഭാവത്തിലും പിന്നീടുണ്ടായ വമ്പിച്ച പരിവർത്തനങ്ങളുടെ മുന്നോടിയായിരുന്നു ഇത്. [[കൊടുങ്ങല്ലൂർ കുഞ്ഞിക്കുട്ടൻ തമ്പുരാൻ |കൊടുങ്ങല്ലൂർ കുഞ്ഞിക്കുട്ടൻ തമ്പുരാനാണ്]] തനി മലയാളത്തിൽ ആദ്യം ഒരു കൃതി എഴുതിയത്. പച്ചമലയാളപ്രസ്ഥാനം എന്നൊരു കാവ്യസരണിയുടെ ആവിർഭാവത്തിന് ഇത് കാരണമായി. ചേലപ്പറമ്പു നമ്പൂതിരി, [[വെൺ‌മണി അച്ഛൻ നമ്പൂതിരി|വെണ്മണി അച്ഛൻ നമ്പൂതിരിപ്പാട്‌]] , വെണ്മണി മഹൻ നമ്പൂതിരിപ്പാട്‌ , [[നടുവത്ത് അച്ഛൻ നമ്പൂതിരി|നടുവത്തച്ഛൻ നമ്പൂതിരി]], ഒറവങ്കര നാരായണൻ നമ്പൂതിരി, [[ശീവൊള്ളി നാരായണൻ നമ്പൂതിരി|ശീവൊള്ളിനാരായണൻ നമ്പൂതിരി]], [[കാത്തുള്ളിൽ അച്യുതമേനോൻ]], കുറൂർ നാരായണമേനോൻ, [[കൊട്ടാരത്തിൽ ശങ്കുണ്ണി]], ഒടുവിൽ കുഞ്ഞികൃഷ്ണമേനോൻ, [[മൂലൂർ പദ്മനാഭപ്പണിക്കർ]] തുടങ്ങിയവരാണ് പ്രമുഖകവികൾ. [[സുമംഗല]] പച്ചമലയാളം [[നിഘണ്ടു]] തയ്യാറാക്കിയിട്ടുണ്ട് . [[വെണ്മണിക്കവികൾ]] ഈ തരത്തിൽ കൂടുതൽ എഴുതാൻ തുടങ്ങിയതിനു ശേഷം '''[[വെണ്മണി പ്രസ്ഥാനം]]''' എന്നും അറിയപ്പെട്ടിരുന്നു.